روسیا داخوازیا بەشاری رەت کر
ئەڤرۆ نیوز:
ل گۆر راپۆرتەکا ئاژانسا رویتەرز یا نووچەیان سەرۆکێ روسیا ڤیلادەمیر پۆتین داخوازا رژێما سووریێ یا بۆ کرینا موشەکێن (س ٣٠٠) رەت کریە و بەرھەڤ نینن چەکێن مودێرن و پێشکەفتی بدەنە سووریا و ئێک ژ بەرپرسێن سەربازیێ یێن روسیا ب ناڤێ ئەلیکساندیر فۆمین ژی دیار کریە کو د بەرنامێ روسیا دا نینە چەکێن مودێرن و موشەکێن پێشکەفتی بدەنە سووریا و ئەو داخوازیا دو سال بەری نھا یا رژێما سووریێ بۆ کرینا وان موشەکێن مودێرن ژی ھاتیە رەت کرن.
بەرپرسێ سەربازی یێ روسیا ئەو یەک ژی دیار کریە کو وەلاتێ مە ل گۆر بەرنامەکێ دارێتی سەرەدەریێ ل گەل رەوشا نھا یا سووریێ دکەت و مە نەڤێت ل ژێر ناڤێ شەری ھەموو چەکەکێ بدەینە سووریا و ژ بۆ ژناڤبرنا داعشێ روسیا ھەموو جۆرە چەکەکێ بکار دئینیت.
ل ئالیێ دی پاتریک کۆکبۆرن بسپۆرێ کاروبارێ رۆژھەلاتا ناڤین د داخۆیانیەکێ دا بۆ بی بی سی ئەو یەک دیار کریە کو روسیا ئێدی نەڤێت باجا رەوشا نھا ل سووریا بدەت و پۆتین بزاڤێ دکەت کو بۆ سووریا نوو ئەو بەرھەڤ بن و بەرەڤانیێ ژ بەرژەندیێن خوە بکەن، چونکو روسیا وەک بەرێ گەشبین نینە ب مانا بەشاری ل سەر دەستھەلاتێ و ژ بەر ھندێ ژی نھا بەرھەڤ نینە چو چەکێن مودێرن بدەتە رژێما بەشاری.
