پشتی 6 دەمژمێران ژ دانانا بگوره‌کى، دووبارە سوت
ئەڤرۆ نیوز ، مەحمود نھێلی:
پشتی ئەڤرۆ بگورەکێ کارەبێ ل تاخەکێ دێرەلۆک سوتی ژلایێ رێڤەبەریا کارەبا ئامێدیێ ڤە بگورەکی دی بۆ دھێتە دابینکرن و دھێتە دانان لێ ژ بەرکو ئەو بگور یێ سوتی و بکار ھاتی بوو بتنێ شەش دەمژمێران کارەب دا ھاولاتیان و سوتە ڤە.
ل گور ئاحفتنا کارمەندێن کارەبا دێرەلۆکێ ئەڤ بگورێ ئەڤرو ھاتیە دانان یێ بکارھاتی و ھاتبوو نووژەکرن ژ بەر وێ یەکێ ژی نەشیا کارێ خوە ب دروستی بکەت ھاتەڤ سوتن . و دانە دیارکرن ھەکە ژلایێ رێڤەبەریا کارەبا ئامێدیێ ڤە بگورەکێ دی بو مە ھاتبایە دابینکرن ھەر ئەڤ شەڤە دا دا گرێ دەین و کارەبێ دەینە ھاولاتیان لێ دیارە وان رازیبوونا خوە ل سەر دیار نەکریە، ژ بەر ویێ یەکێ ئەڤ شەڤە دورێن 100 مالان دێ بێ کارەب بن.
ئەڤ یەکە ژی بوویە جھێ نەرازیبوونا ئاکنجیێن وی تاخی تایبەتی ژی قوتابیان ژبەرکو نھا وەرزێ تاقیکرنا و خواندنێ یە.
