بازرگانیکرن ب ئەندامێن لەشێ مرۆڤی ل ھەرێمی د زێدەبوونێ دایە

ئەڤرۆ نيوز:
رێکخراوەکا ئەمریکی ل ھەرێما کوردستانێ کو ب تایبەت د ناڤ کەمپێن ئاواران دا کار دکەت ئاشکرا کر کو بازرگانی ب ئەندامێن لەشێ مرۆڤی و لەشفرۆشی د زێدەبوونێ دایە ب تایبەتی د ناڤ کەمپێن ئاواران دا کو ژ ھەیڤێن کانوونا دویێ و شواتا سالا 2016 زێدەترین کرین و فرۆتن ب گۆلچیسکان ھاتیەکرن و بھایێ وان ژی د ناڤبەرا حەفت بۆ 12 ھزار دۆلاران بوویە.
ل دووڤ راگەھاندنەکا وەزارەتا خواندنا بلند و ڤەکۆلینێن زانستی یا حوکمەتا ھەرێما کوردستانێ د.یوسف گۆران، وەزیرێ وەزارەتا ناڤھاتی دوھی رۆژا 18/5/2016 کۆمبوونەک ل گەل شاندەکێ رێکخراوا (ھارت لاند ئەلایندس) یا ئەمریکی ئەنجامدایە و د وێ کۆمبوونێ دا مەیس مەساعدی، رێڤەبەرا پرۆژێن رێکخراوا ناڤھاتی ل کوردستانێ بەحسێ وێ چەندێ کریە کو ژ ئەگەرێ بلندبوونا ھژمارا ئاواران د ناڤ کەمپان دا بازرگانی ب ئەندامێن لەشێ مرۆڤی و لەشفرۆشی د زێدەبوونێ دایە.

کۆمێنتا تە