سۆتنا 19 ژنێن ئێزدى پشتراست نه‌بوويه
ئه‌ڤرۆ نيوز:
رێڤەبەرێ گشتی یێ کاروبارێن ئیزدیان دیار کر کو چو پێزانینێن دروست بۆ پشتراستکرنێ ژ سۆتنا 19 کچێن کوردێن ئێزدی یێن رەڤاندنی ل مووسلێ نینن و ھێشتا چو ژ کەس و کارێن رەڤاندیان ژی ئەو ھایدار نەکریە کو کەسەکێ وان ھاتبیتە سۆتن.
خەیری بوزانی، رێڤەبەرێ گشتی یێ کاروبارێن ئێزدیان ل وەزارەتا ئەوقاف و کاروبارێن ئایینی یا حوکمەتا ھەرێما کوردستانێ ئاشکرا کر کو تیرۆرستێن داعش ھەموو کارێن ھوڤانە بەرامبەر کەسێن رەڤاندنی ئەنجام داینە و بەری چەند رۆژان وێنەیێ سۆتنا 19 کچ و ژنێن رەڤاندنی ھاتیە بەلاڤکرن، بەلێ ھێشتا چو پێزانین نەگەھشتینە وان.
ناڤھاتی ئاماژە دا وێ چەندێ کو رێکخراوا مافێن مرۆڤی ل عیراقێ نووچەیێ سۆتنا 19 کچین ئێزدی ب درەو ل قەلەم دایە و بشرا عوبەیدی، نوونەرا رێکخراوا مافێن مرۆڤی ل عیراقێ دبێژیت چو راستی بۆ سۆتنا 19 کچین کوردێن ئێزدی ژ لایێ تیرۆرستێن داعش ڤە نینە و ئەڤە د دەمەکی دایە داعش ھەموو کارێن ھوڤانە بەرامبەر رەڤاندیان ئەنجام داینە و گۆت: “بزاڤێن نڤێسینگەھا کاروبارێن رەڤاندیان د بەردەوامن بۆ رزگارکرنا کەسێن رەڤاندنی ، بەلێ مخابن جڤاکێ نێڤدەولەتی یێ بێدەنگە و چو پێنگاڤ بۆ رزگارکرنا رەڤاندیێن ئێزدی نەھاڤێتینە و ھەر تاوانەکا تیرۆرستێن داعش ھەمبەر ئێزدیان ئەنجام بدەن جڤاکێ نێڤدەولەتی خوە بێدەنگ دکەت”.
