زه‌كات ب كيش زێرى دكه‌ڤيت؟
ئه‌ڤرۆ نيوز:
پشتى گه‌له‌ك هه‌ڤالان داخواز ژ مه كرى كا ئه‌و چ رێ نه دبنه ئه‌گه‌رێ وێ چه‌ندێ كو زه‌كات ب زێرى دكه‌ڤيت، مه ژى پرسيار گه‌هانده مه‌لا ئه‌نه‌س محه‌مه‌د شه‌ريف، ژ لايێ خوه ڤه ئه‌وى ب ڤى ره‌نگى به‌رسڤ دا:
مه‌لا ئه‌نه‌س محه‌مه‌د شه‌ريف: هه‌كه ژنه‌ك ژ به‌ر حه‌زا خوه بۆ خوه زێرى بكريت و ل به‌ر خوه بكه‌ت، ئه‌و جوانى يه و يێ وێ يه و زه‌كات لێ ناكه‌ڤيت، به‌لێ هه‌كه ژنه‌ك بۆ هه‌لگرتن يان دا كو پارێ وێ نه‌هێته خوارن و پووچ نه‌بيت و بهێته هه‌لگرتن، زێرى بكريت ل وى ده‌مى پێدڤيه زه‌كاتێ لێ بده‌ت و بۆ دانا زه‌كاتێ ژى هه‌ر ده‌ما گه‌هشته 85 گرامان دێ زه‌كات ڤێ كه‌ڤيت و بۆ دانا زه‌كاتێ ژى پێدڤيه زێرى ل بازارى ب بهايێ فرۆتنێ بازار كه‌ت و بكه‌ته پاره كا دێ چه‌ند كه‌ڤيت و هه‌ر مليۆنێ دێ 25 هزار ديناران ژێ ده‌ت.
تێبينى: هه‌ر كه‌سێ پرسياره‌كا ئاينى هه‌بيت و ب رێيا په‌يجێ Evro News بۆ مه ره‌وانه كه‌ن دێ به‌رسڤا هه‌وه‌يێن هێژا ژ لايێ مامۆستايێن ئاينى ڤه هێته دان بێى كو ئاماژه ب ناڤێن هه‌وه بهێته كرن يان ژى هوون دشێن په‌يوه‌نديێ ب ڤێ ژمارا تله‌فۆنێ بكه‌ن: 07504872852
