شیرەتکارەکێ سەرۆک بارزانی: لایەنێن سیاسی نێزیکی ئێکبووینە و پەرلەمان دێ ھێتە کاراکرن
ئەڤرۆ نیوز:
شیرەتکارەکێ سەرۆک بارزانی دیارکر، لێک نێزیکبوونەک دناڤبەرا لایەنێن سیاسی دا ھەیە و بڕیارە پارتی و یەکێتی لڕۆژێن داھاتی کۆمببن و تێدا چاوانیا کاراکرنا پەرلەمانی و حوکمەتێ بھێتە گوتوبێژکرن، چونکە پارتی و ئێکەتی نێزیکی ئێکبووینە بۆ گۆھڕینا دەستەیا سەرۆکایەتیا پەرلەمانی، ھەروەسا گۆتژی” ئەگەر رێکەفتنا ئێکەتیێ و گۆڕان بۆ چێکرنا گڤاشتنانبیت بۆسەر پارتی ئەڤە یا سەرکەفتی نابیت و پارتی ھێزەکا مەزنە لھەرێما کوردستانێ چو کاریگەریێ ناکەتە سەر پارتی.
دکتۆر محەمەد حاجی، شیرەتکارێ سیاسیێ سەرۆک بارزانی بۆ رۆژناما ئەڤرۆ گۆت” بزاڤێن زۆر یێ دھێنەکرن بۆ رێکەفتنا ناڤبەرا لایەنێن سیاسی، نوکە ھندەک لایەن یێ ئەڤی رۆلی دبینن، گورەی زانیاریێن من لێک نێزیکبوونەک ھەیە بۆڤێ مەرەمێ، لڕۆژێن داھاتیژی ھەردو مەکتەبێن سیاسیێن پارتی و ئێکەتیێ دێ کۆمبوون، ئەف لێک نێزیکبوونا پارتی و ئێکەتی پێشبینیا تشتێ باش لێ دھێتەکرن، ئەوژی گۆھڕین ل دەستەیا سەرۆکایەتیا پەرلەمانی بھێتەکرن و ئەف قۆناغا نوکە ئەم تێدا بھێتە دەربازکرن، ھەرچەندە من زانیاریێن ھویر نینە بەس نیەتێن رژد ھەنە بگەھنە رێکەفتنێ بۆ کاراکرنا پەرلەمانی، ئەگەر پارتی و گۆڕانژی لبەرە بگەھنە رێکەفتنێ پێدڤیە ھەردولایەن بچنە پێش، مەرجیش نیە ھەردولا لسەر مەرجێن خوە رژدبن، لایەنێن دی یێ ناڤبژیێ دکەن بۆ نێزیکرنا پارتی و بزاڤا گۆڕان.
لدۆر رێکەفتنا ناڤبەرا ئێکەتیێ و بزاڤا گۆڕان دکتۆر محەمەد حاجی گۆت” دیارە ھەردولایەنێن ئێکەتی و گۆڕان بەرژەوەندیێن خوە باشتر دزانن و رێکەفتینە، بمەرجەکی ئەف رێکەفتن بۆ خزمەتا گەلێ کوردستانێ بیت و دژی چو لایەنا نەبیت، رێکەفتن نەبیت دژی لایەنەکێ سیاسی، دیارە ئێکەتی و گۆڕان گەھشتینە ڤێ باوەریێ وانا پێدڤی ب ئێک ھەیە، یا گرنگ ئەڤە رێکەفتنا بکەڤیتە بەرژەوەندیا گشتی و دژی کەسێ نەبیت، ئەگەر مەرەما ئێکەتی و گۆڕان ئەوبیت ھێزەکێ ھەمبەر پارتی دیموکراتی کوردستان بکاربینن وەکی گڤاشتن بۆسەر پارتی سەرکەفتی نابن، ژبەرکو یا خویابوی پارتی مەزنترین ھێزە لھەرێما کوردستانێ و ژمارەیەکا گرانە ل ھەڤکێشێن سیاسی و ھیڤدارم وەسا نەبیت و رێکەفتنا وان بۆ بەرژەوەندیا گشتی بیت.