ئەو کەسێ ل زاخۆ بەرزە بووی ب برینداری ل کەرکوکێ ھاتە دیتن

ئه‌ڤرۆ نيوز:

ل روژا دووشەمبێ رێکەفتی 8/8/2016 گەنجەکێ زاخۆ ب ناڤێ سەباح موحەمەد یوسف بەرزەبوو و ل نیڤرویا 9/8/2016 ب برینداری ل کەرکوکێ ھاتیە دیتن.
رێزان موحەمەد یوسف برایێ بەرزەبوویی بۆ روژناما ئەڤرۆ گۆت: “برایی من سەباح ل روژا دووشەمبێ رێکەفتی 8/8/2016 خاترا خوە ژ خێزانا خوە خاستیە و گۆتیە وان ئەزێ دچمە ھەولێری بۆ ھندەک کارا و دەمژمێر 10:00 سپێدێ ژمال دەردکەفت تا دەمژمێر 2 نیڤرو تەلەفون بۆ خێزانا خوە کر بۆ و یێ ب سلامەت بۆ و پشتی وێ پەیوەندیێ ئێدی مە چ ژێ نەزانی و تەلەفونا وی ھاتە گرتن، برایی مە خودان خێزانە و دوو زارۆ ھەنە و کارێ پێشانگەھا ترومبێلان دکر، ھەوەسا رێزان برایێ سەباحی خویا کر ژی کو پشتی نەمانا چ پێزاننا ل سەر برایێ من دوھی رێکەفتی 9/8/2016 شوفێرێ تەکسیێ دئینتە مالامە و دبێژتە مە من برایێ وە گەھاند بۆ ھەولێرێ بەس من چ پێزانینێن دیتر ل سەر نینن.
رێزان موحەمەد بۆ رۆژناما ئەڤرۆ گوت: “نێزێکێ دەمژمێر دوو نیڤی نیڤرۆیا دوھی پەیوەندیەک بومە ھات ب ژمارەکا بیانی و دەرکەت برایێ من و یێ دبێژت دھاوارا من وەرن ئەزێ ل کەرکوکێ بریندارم و پەیوەندیا وی ھاتە برین، د وی دەمیدا من دگەل رۆژنامەڤانێ رۆژناما ئەڤرۆ ل ناحیا باتێلێ د ئاخفت و من گۆتێ برایێ من ئەڤ تشتە گۆتە من روژنامەڤانێ روژناما ئەڤرو گوتە من دێ رابم ب بلەزترین شیوە ئاسایشا باتێلێ ئاگەھدارکەم و ئێک ب ئێکی ھاتنە ئاگەھدارکرن و ھەموو بوونە ھاریکار یێن زاخۆ و دھۆکێ و باتێلێ و ھەولێری و پاشی ئەم چووین تا نێزێک بووین برایی من تەلەفون کر گۆت ل نەخوشخانا ھەولێری مە یێ بریندارم”.
رێزانی خویا کر کو تا ئەم گەھشتینە نەخوشخانێ برایێ من گۆت ھاتبوومە رەڤاندن ژ لایێ دوو کەسێن عەرەب ڤە ژ ھەولێری بۆ کەرکوکێ و وەکو ھاتیە گوتن بومە کو وان ھەردووک عەرەبێن برایی مە رەڤاندین و ئەوانە دەرمانێ گێژکرنی ھاڤێتبین ناڤ چاڤا و ژ ھەولێری بربوونە کەرکوکێ. رۆژناما ئەڤرۆ پێکول کرن دگەل برینداری باخڤیت کا ئەگەرێ وی چ بۆ لێ نەشیا باخڤیت و ژێر ڤەکۆلینێ دابوو.

کۆمێنتا تە