زاخۆ: ئه‌ميندارێ گشتيێ ئێكگرتوو ل گه‌ل كادرێن خوه كۆمبوو
ئه‌ڤرۆ نيوز:
پشتى دوهى ئه‌ميندارێ گشتيێ ئێكگرتوو ئيسلامى كوردستان سه‌ره‌دانا پارێزگه‌ها دهۆكێ كرى، ئه‌ڤرۆ ل گه‌ل كادر و ئه‌ندامێن ئێكگرتوو ل سنورێ زاخۆ كۆمبوو.
سه‌عيد عه‌لى عه‌بۆ، سه‌رۆكێ جڤاتا سه‌ركرداتيا ئێكگرتوو ئيسلامى كوردستان راگه‌هاند كو ئه‌ميندارێ گشتى ل ده‌سپێكێ ل گه‌ل ستافێ نوو يێ مه‌لبه‌ندێ ئێكگرتوو ل زاخۆ كۆمبوو و پيروزباهى ل وان كه‌سێن نوو كر يێن چووينه د هه‌يكه‌لێ نوو يێ مه‌لبه‌ندى دا و ده‌ستخۆشى ژى ل يێن كه‌ڤن كر ژ به‌ر وى كارێ ل ماوێ بۆرى هاتيه كرن.
سه‌رۆكێ جڤاتا سه‌ركرداتيا ئێكگرتوو ئيسلامى كوردستان د پۆستێ خوه يێ تۆڕا جڤاكيا فه‌يسبۆكى دا ئاماژه دايه وێ چه‌ندێ ژى كو د دووڤدا ژى ل گه‌ل ژماره‌كا كادر و ئه‌ندام و رێكخستيێن مه‌لبه‌ندێ زاخۆ كۆم بوو و د گۆتنه‌كا خوه دا به‌حس ل سه‌ر گرنگيا ده‌ڤه‌را زاخۆ بۆ هه‌بوونا ئێكگرتنێ و خزمه‌تكرنا ده‌ڤه‌رێ د بياڤێ ده‌عوێ و په‌روه‌رده‌كرنا تاكى و گه‌هاندنا ده‌نگێ حه‌قيێ و راستيێ كر.
