د. نوری عوسمان: پشتی پشکنینان مووچێ کێم ئەندامان دێ وەکو بەرێ لێھێت

ئەڤرۆ نیوز:
ئەندامەکێ لژنا روو ب رووبوونا قەیرانان ل ھەرێما کوردستانێ دیار کر کو نوکە پێداچوون و پشکنین بۆ کێم ئەندامان ل ھەموو باژیر و باژێرکێن ھەرێما کوردستانێ ژ لایێ لژنێن نۆشداری یا بەردەوامە و دبێژیت: ھەر کێم ئەندامەک ب دروستی یێ ژ ھەژی بیت مووچێ وی دێ وەکو بەری نوکە لێھێتە ڤە.
د. نوری عوسمان، ئەندامێ لژنا روو ب رووبوونا قەیرانان ل ھەرێما کوردستانێ ئاشکرا کر، ئەو لژنێن تایبەت ب پێداچوونا لیست و پشکنینا رێژا کێم ئەندامیا کێم ئەندامان دکەن د بەردەوامن و ھژمارەکا زۆر یا کێم ئەندامان ھەتا نوکە ھاتینە پشکنین و بۆ NNA گۆت: “ئەو کێم ئەندامێن ژ ھەژی بن، مووچێ وان دێ وەکو بەری نوکە لێھێت”.
دکتوری ل دۆر ئەو کەسێن کو بەری نوکە مووچێ کێم ئەندامان وەردگرت و کێم ئەندام نەبوون گۆت: “بێگومان مووچێ وان کەسان دێ ھێتە بڕین و حوکمەتا ھەرێما کوردستانێ ژی دێ بڕیارەکا پێدڤی ل سەر ڤێ چەندێ دێ دەت”.
ل دووڤ پێزانینان، ئەو کێم ئەندامێن کو رێژا کێک ئەندامیا وان ژ 65% کێمتر بیت، حوکمەتا ھەرێما کوردستانێ مووچێ وان دێ بڕیت، د نوکە ژی دا ئەو کێم ئەندامێن فەرمانبەر نەبن کۆژمێ 89 ھزار و 500 دیناران ھەیڤانە وەردگرن و ئەوێن فەرمانبەر ژی بن 59 ھزار و 500 دیناران وەردگرن.

کۆمێنتا تە