رۆژانه كه‌سه‌ك ل دهۆكێ د سوژيت يان ژى د خه‌ندقيت
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا به‌ره‌ڤانيا باژێرى ل سنورێ پارێزگه‌ها دهۆكێ راگه‌هاند كو ب تنێ د هه‌يڤا هه‌شت دا 27 كه‌س بووينه قوربانى روودانێن ئاگربه‌ربوون و خه‌ندقينێ.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنێ ل به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نيوز گۆت: “د هه‌يڤا ته‌باخێ دا 430 روودانێن ئاگربه‌ربوونێ رووداينه و ژ ئه‌نجامێ وان روودانان چار كه‌سان گيانێ خوه ژ ده‌ست داينه”.
رائيدێ مافپه‌روه‌ر زێده‌تر گۆت: “كه‌سێن گيانێ خوه ژى د ماوێ هه‌يڤا ته‌باخێ دا گيانێ خوه ژ ده‌ست داين 12 كه‌سن”، ئاشكه‌را كر ژى كو 11 كه‌س بريندار بووينه.
نه‌ڤه‌شارت ژى كو مه‌زنترين روودانا ئاگر به‌ربوونێ د هه‌يڤا ته‌باخێ دا يا ناحيا زاويته بوو كو ماوێ چار رۆژان ڤه‌كێشا هه‌تا ئه‌و روودان هاتيه كونترۆلكرن.
ده‌رباره‌ى روودانێن خه‌ندقينێ ژى دا زانين كو د دو روودانان دا دو كچان ژ ئه‌گه‌رێ خه‌ندقينێ گيانێ خوه ژ ده‌ست دايه كو دو كرستيان و دو ژى ئێزدى بوون.
