“الشرق الاوسط”: مالكى و هێرۆ و گۆڕان دێ كوده‌تايێ ئه‌نجام ده‌ن
ئه‌ڤرۆ نيوز:
سه‌رۆك وه‌زيرێن به‌رێ يێ عيراقێ بزاڤێ دكه‌ت ئۆپه‌راسيۆنا رزگاركرنا مووسل پاش بێخيت و هێرۆ ئيبراهيم ئه‌حمه‌د و بزاڤا گۆڕان ژى پشته‌ڤانيا وى بۆ ئه‌نجامدانا كوده‌تايێ دكه‌ن.
ژێده‌ره‌كى ژ هه‌ڤپه‌يمانيا ده‌وله‌تا قانوونێ، كو نورى مالكى سه‌رپه‌رشتيا وێ دكه‌ت، بۆ رۆژناما “الشرق الاوسط” راگه‌هاند مالكى ب پشته‌ڤانيا سۆپايێ پاسدارێن ئيرانێ و پتريا شيعان دهێته پشته‌ڤانيكرن و ژماره‌كا كه‌ساتيێن سونى و بالێ هێرۆ ئيبراهيم ئه‌حمه‌د ژ ئێكه‌تيێ و بزاڤا گۆڕان بزاڤێ دكه‌ن كوده‌تايێ ل سه‌ر حوكمه‌تا حه‌يده‌ر عه‌بادى سه‌رۆك وه‌زيرێن نوكه يێن عيراقێ دا بينن.
ئه‌وى ژێده‌رى به‌لگه ژى بۆ ئاخفتنا خوه ئينايه كو هه‌ڤپه‌يمانيا مالكى ب هاريكاريا ئه‌وان لايه‌نان هێدى هێدى وه‌زيرێن سه‌ره‌كى و كاريگه‌ر د حوكمه‌تا عه‌بادى دا ژ سه‌ر كارى لادان كو ب وه‌زيرێ ناڤخۆ ده‌سپێكر و پاشان ژى هه‌ردو وه‌زيرێن به‌ره‌ڤانى و داراى ڤه‌گرت.