ئەدھەم بارزانی: ل سلێمانیێ غەدرەکا مەزن ل پارتی ھاتیە کرن
ئەڤرۆ نيوز:
سەرۆکێ جڤاتا سەرکرداتییا پارتی دیمۆکراتی کوردستان ل سلێمانیێ و ھەلەبجە راگەھاند، سالا بۆری و سالێن بەری نوکە چەند جاران ھێرشێن نەرەوا ب ناڤێ خوەنێشاندەران کرینە سەر پارتی، لێ ھندەک ئالیێن سیاسی داخوازیێن خەلکی بۆ خوە ب دەلیڤە زانین و بۆ وێ چەندێ مفایی ژ نەرازیبوونا وان وەربگرن ب تێکدانا رەوش و ژیانا خەلکی ل وێ دەڤەرێ و بۆ مالپەرێ فەرمیێ پارتی گۆت:(وان ئالیان ل سەر حسابا وی خەلکی چەندین ئیمتیازێن سیاسی بۆ خوە ب دەستڤە ئینان، داخوازیێن خەلکی ژبیرکرن و پشتگوە خستن).
ئەدھەم بارزانی ب پێدڤی زانیە کو تاوانبارێن ئالۆزیێن سالیێن بۆری بھێنە سزادان و دوپات دکەت ژی ھەتا قانوون رێکارێن خوە وەرنەگریت، رەنگە نەشێین ئارامی و ئێمناھیێ ڤەگەڕینە ھەموو کوردستانێ، چونکو ل ڤێ دەڤەرێ غەدرەکا مەزن ل پارتی دیمۆکراتی کوردستان و خوەنێشاندەران ھاتیە کرن.
سەرۆکێ جڤاتا سەرکرداتییا پارتی دیمۆکراتی کوردستان ل سلێمانیێ و ھەلەبجە گۆت ژی:(ھەتا نوکە چەند ئالیان بەحسێ وێ چەندێ دکر کو پارتی زولما ل خەلکی کری و چو بۆ سنوورێ وان نەکریە، لێ نوکە لیژنە ھاتیە دروستکرن داکو رۆھن ببێت کا داھاتێ ڤی سنووری بۆ کێ چوویە و چ لێ ھاتیە و کێ مەزاختیە، دڤێت ھەر ئەڤ راستیە بۆ جەماوەرێ کرودستانێ ب گشتی و ڤێ دەڤەرێ ب تایبەتی بھێتە ئاشکرا کرن).