باكوور بۆچی بێ دهنگه؟
ئهڤه دو ساله ب سهركێشیا رهجهب تهیب ئهردۆغانێ سهرۆك كۆمارێ توركیا گهلهك گهۆرینێن مهزن ل توركیا و باكوورێ كوردستانێ دهێنه دیتن و ئاشكرایه كو ئهردۆغان دخوازیت سیستهمێ تاكهكهسى ل سهر توركیا فهرز بكهت و وهسا دیاره ژى كو دێ گههیته ئارمانجا خوه. ئهردۆغان دێ گههیته ئارمانجا خوه، لێ سهدهما وێ نه ب هێزبوونا ئهردۆغانی و دهستههلاتا ئاك پارتیه، بهلكى زێدهتر لاوازبوونا ئۆپۆزسیۆنا توركیایه و دیسان شاشیێن سیاسى و نهتێگههشتنا پێدڤیێن ڤێ قووناغێ و داخوازیێن جڤاكێ كوردى یه ژ ئالیێ تهڤگهرا رزگاریا باكوورێ كوردستانێ ڤه، چونكی دهرفهت دایه دهستێ ئهردۆغانی كو ههسپێ خوه ل دووڤ دلێ خوه ل قادا توركیا و باكوورێ كوردستانێ ب بهزینیت.
ئهم دشێین ب سهد لاپهران بهحسێ زۆردارى و كریارێن دوور ژ دیمۆكراسیێ و مافێن مرۆڤى یێن ئهردۆغانی و دهستههلاتا ئاك پارتیێ بكهین، لێ ل دووڤ هزرا من پرسا سهرهكى ئهوه كو تهڤگهرا كوردى ل باكوور دخوازه چ بكهت؟ پلان، پرۆژه و ستراتیژیا تهڤگهرا كوردى ل باكوور چی یه؟ وهك كوردهك مافێ مهیه ئهم ڤێ پرسیارێ بكهین ئهرى تهڤگهرا كوردى ئارمانجا ته ل باكوورێ كوردستانێ چی یه و چ ستراتیژیا ته ههیه بۆ ئازادیا گهلێ كورد ل باكوورێ كوردستانێ؟.
نها ل باكوور رهوشهكا ئالۆز و تارى ههیه، ل چیا شهرڤانێن كورد رۆلێ خوه دگێرن و ئهركێن خوه بجه دكهن و ههر كوردهكێ نشتیمانپهروهر ژ دل دخوازیت كو تهڤگهرا كوردی ل باكوورێ كوردستانێ سهركهڤیت و مافێن گهلێ كورد گرهنتى بكهت و گرێدایى دۆزا رهوا یا كوردستانێ نه، نها پرسیار ژى ئهوه گهلۆ بۆچى ئهڤ خهلكێ فیدهكار و نشتیمانپهروهر ئهڤرۆ بێ دهنگه؟. د سالێن بۆرى دا دهمێ ژ ئالیێ حكوومهت و دهستههلاتدارێن توركیا ڤه كهساتیهك كورد ئانكو سیاسهتمهدارهك هاتبا گرتن یان كۆمهله و سازیهكا كوردى هاتبا داخستن، ب سهد هزاران وهلاتى دادكهتن مهیدانان و دهنگێن نهرازیبوونێ بلند كرن و گهلهك جاران ژى دهنگێ نهرازیبوونا كوردان گههشتیه ههدهفا خوه و توركیا نهشیایه ب ئاشكرا فشار و زۆرداریێ بێخته ل سهر نوونهرێ كوردان، لێ دهمێ ئهم ئهڤرۆ دنێرین رهوش گهلهك جودایه و خهلك ل ههمبهر گرتنا ههڤسهرۆك، پهرلهمانتار، سیاسهتمهدار و ل ههمبهر داخستنا ب دههان دهزگههێن راگههاندنێ و كۆمهله و سازیێن نهتهوى بێ دهنگ و بێ ههلویسته و ژ مالێن خوه دهرناكهڤن.
ل هۆلێ شاشیهك ههیه و خودانێ شاشیێن سیاسى دڤێت ل خوه ڤهگهرن، شاشیا یهكێ ڤهگوههستنا شهر ژ چیا بۆ ناڤ باژێران بوو، شاشیا دویێ بێ بهرسڤ مانا ل ههمبهر زۆرداریێن دهولهتێ بوو، شاشیا سیێ رێ نهگرتنا ل ههمبهر رانتخوارێن ناڤخۆ ئانكو باژێرڤانیان بوو و شاشیا چارێ قوربانیكرنا دهسكهڤتێن باكوور بۆ رۆژاڤا بوو.
گهلێ كورد ل باكوورێ كوردستانێ خودان ب دههان ئهزموونێن بهرخودانێ نه و ههر كهس دزانیت كو بێ دهنگیا باكوور نه ژ ترسێ یه و ب سهرهلدان و خوهدى دهركهڤتنا ل دهسكهڤت و نوونهرێن خوه ناڤدارن و ب هێسانى گیانێن خوه بۆ دۆزا خوه دكهنه قوربانی. ئهڤرۆ ههكه خهلك بێ دهنگه و نهرازی یه دڤێت ئهم ڤان دو سالێن بۆرى بهرچاڤ بكهین. ئهڤه دو ساله ل باكوورێ كوردستانێ سیاسهتهكا گهلهك تاڕى و بێ مهرهم دهێته مهشاندن كو چ كهسهك تێ ناگههیت. خهونا دهستههلاتدارێن توركیا بوو كو باژێرێن شهرنهخ، گهڤهر، نسێبین، سور، ههزهخ، فارقین، سلۆپى و وارتۆ ڤالا بكهت ئانكو ب تهمامى ژ هۆلێ راكهت ژ بهر كو ئهڤ باژێره ناڤهندێن بهلاڤكرن و بلندكرنا دۆزا رهوا یا گهلێ كورد بوون و ههردهم ئاگرێ سهرهلدانا دهستپێكى ل ڤان باژێران دهاته ههلكرن و مخابن ل ژێر ناڤێ شهرێ ناڤ باژێران ئانكو راگههاندنا خوه سهرى یا بێ بهرههڤى و بێ ئامادهكارى دهرفهتهكا مهزن دا دهولهتا تورك كو ڤان باژێران وێران بكهت و باژێر ڤالا ببن و ب سهدان لاوێن كورد یێن قههرهمان ببهن قوربانى و ئهڤێ یهكێ خهلك بێزار كریه. خهلك ل بهندا داخوازا لێبۆرینێ و رۆنكرنێ نه ژ ئالیێ تهڤگهرا كوردى ڤه.
یا دى تهڤگهرا رزگاریا باكوور ب دانا بهرسڤا دوژمن و نهحهزان ناڤدار ببوو و دهمێ ههر دوژمنهك ئانكو نهحهزهك دهستدرێژیا لاوێن كورد ئانكو سیاسهتمهدار یان نرخهكێ نهتهوى كربا د جه دا راستى بهرسڤدانێ دهات و ئهڤ یهكه د ناڤ خهلكى دا باوهریهكا دروست دكر و كهسێن نهحهز ژى باش دزانی كو بهرسڤا ههر كریارهكا وان ب دژوارى دهێته دان و نهچار دمان خوه دوور بێخن.
ئهى بهرپرسێن تهڤگهرا كوردى یا باكوورێ كوردستانێ هوین دێ چ دهمێ رۆنكرنهكێ ل سهر تاڕیتیان بدهن، كهنگى دێ بهرسڤا پرسیارێن ل سهر شهرێ ناڤ باژێران دهن؟ دڤێت ئهڤ یهكه بهێته زانین كو خهلكێ باكوور وێرهكه، فیدهكاره و نشتیمانپهروهره و سهدهما بێدهنگیا خهلكى ل ههمبهر روودانێن دیرۆكى یێن وهك گرتنا سیاسهتمهداران، داخستنا دهزگههێن راگههاندنێ و ژ هۆلێ راكرنا كۆمهله و سازیێن كوردى، تاڕیبوون و نه زهلالبوونا سیاسهتا تهڤگهرا باكووره. ئهى سهركردێن پكك خهلك ل بهندا رۆنكرنانه و ل بهندا خوه رهخنهكرن و داخوازا لێبۆرنێ یا ژ ئالیێ ههوه ڤهیه.
