ژماره‌كا كوردێن ئێزدى ژ ده‌ستێ داعش رزگار بوون
ئه‌ڤرۆ نيوز، له‌زگين جۆقى:
رێڤه‌به‌رێ نڤيسينگه‌ها كاروبارێن ره‌ڤانديان ل پارێزگه‌ها دهۆكێ دياركر كو 18 كوردێن ئێزدى ژ ده‌ستێ تيرۆرستێن داعش هاتنه رزگاركرن و ژ وان ژى دو زه‌لام و حه‌فت كچ و ژنن و 9 ژى زارۆكن.
حسێن قائيدى، رێڤه‌به‌رێ نڤيسينگه‌ها كاروبارێن ره‌ڤانديان ل پارێزگه‌ها دهۆكێ دياركر كو ئه‌ڤ كه‌سێن هاتينه رزگاكرن هه‌موو ئاكنجيێن شنگالن و پشتى دو سالان ماينه د ناڤ ده‌ستێ داعش دا ب بزاڤ و پشته‌ڤانيا ده‌زگه‌هێن ئێمناهيێ و پێشمه‌رگه‌ى و نڤيسينگه‌ها كاروبارێن ره‌ڤانديان هاتيه رزگاركرن و گۆت: “ب پشته‌ڤانيا ئێكسه‌ر يا سه‌رۆكێ حوكمه‌تا هه‌رێما كوردستانێ د بزاڤێ داينه هه‌موو ره‌ڤانديان رزگار بكه‌ين”.
حسێن قائيدى گۆتژى: “ئه‌ڤرۆ رۆژا پێنجشه‌مبى 24ى چريا دويێ و ل ده‌مژمێر 3:00ى ئێظارى ل هۆلا پاركا ئازادى دێ د پرێس كونفرانسه‌كى دا دووماهى ئامارێن رزگاربوويێن ده‌ستێ داعش و ب تايبه‌ت ل ده‌مێن ڤێ دووماهيێ هێنه راگه‌هاندن”.