پارتی دێ دەست ب گەرەکا دی یا دانوستاندنان کەت
ئەڤرۆ نيوز:
شاندەکێ پارتی دیموکراتی کوردستان د چارچوڤێ دەستپێشخەری و پەیاما ڤێ دوماھیێ یا سەرۆک بارزانی دا و ب مەرەما چارەکرنا کێشێن ھەرێمێ دێ دەست ب گەرەکا دی یا دانوستاندنان ل گەل ھەموو لایەنێن سیاسی یێن ھەرێمێ کەت.
مەحمود محەمەد پەیڤدارێ پارتی دیموکراتی کوردستان دیارکر کو د ڤێ حەفتیێ دا، دێ سەرەدانا لایەنێن سیاسی یێن کوردستانێ کەن و گۆت” مەکتەبا سیاسی یا پارتی لژنەک ب سەرپەرشتیا فازل میرانی سکرتێرێ مەکتەبا سیاسی و ئەندامێن مەکتەبێن سیاسی پێکئینایە ب مەرەما سەرەدانکرنا لایەنێن سیاسی و نەتەوەیی یێن کوردستانێ بۆ وێ یەکێ ھزر و بیر ل دۆر میکانزم و چاوانیا بجھئینانا پەیاما سەرۆک بارزانی لێک بھێنە گوھارتن.