شێخ جه‌عفه‌ر چه‌ند نهێنيان ئاشكه‌را دكه‌ت
ئەڤرۆ نیوز:
فەرماندیێ یەکەیا حەفتا و وەزیرێ بەرێ یێ پێشمەرگەی د ھەڤپەیڤینەکا رۆژناما ئەڤرۆ دا بەحسێ پرسا ھێزێن پێشمەرگەی دگەل بەغداکر و خویاکر، چەندین جارا ھەرێم و بەغدا لدۆر ھنارتنا موچە و میزانیا پێشمەرگەی رێککەفتینە و عێراق یا پێگیرنەبوویە، ھەروەسا دیارکر، لەشکرێ عێراقێ پیشڤەچوونێن باش کرینە ل باژێڕێ مووسل، بەلێ سستیەک پێڤەدیارە و ھێشتا یا رۆھن نینە دێ کەنگی مووسل بتەمامی ھێتە پاقژکرن ژ چەکدارێن داعش.
جەعفەر شێخ مستەفا، فەرماندەیێ یەکەیا حەفتا و وەزیرێ بەرێ یێ پێشمەرگەی بۆ رۆژناما ئەڤرۆ گۆت” گورەی دستوورێ عێراقێ ھێزا پێشمەرگەی ھێزەکا دستووریە و گورەی رێککەفتنێن ھاتینەکرن ھەرلسالا 2007ێ ھەتا سالا 2013ێ لناف قانوونا بودجا گشتیێ عێراقێ دەنگ لسەر ھاتیەدان، کو دڤێت عێراق موچە و بودجە و پێدڤیێن ھێزێن پێشمەرگەی دابین بکەت، مخابن ھەتا نوکە حوکمەتا چو پێنگاڤێن بەرچاڤ نەھاڤێتینە، ھەرچەندە گۆت گۆتکەک ھەبو دێ بەغدا گوژمەکێ پارەی بۆ ھێزێن پێشمەرگەی فڕێکەت، ب باوەریا ئەو پارە ھەکە بھێتژی تنێ چارێکەکێ مەزاختیێن تنێ ھێرشا ڤێ دووماھیێ یا بەرەیێ خازر ناکەت، ھەتا نوکە چو پارەیەک ل بەغدا بۆ مەزاختیێن ھێزا پێشمەرگە د شەڕێ مووسڵدا نەگەھشتیە ھەرێما کوردستانێ و ھەردەمێ ھاتبا ئەڤە وەزارەتا پێشمەرگەی دا بۆ مەزاختیێن پێشمەرگەی دابین بکەت، پێدڤیە بۆ ھنارتنا موچە و بودجا پێشمەرگەی رێککەفتن دناڤبەرا ھەرێما کوردستانێ و عێراقێ دا بھێتەکرن و چەندین جاراژی رێککەفتن ھاتیەکرن، چەند جارەکا مە لیستا ناڤێن پێشمەرگا ھنارتیە بەغدا و تنێ د سالێن بۆری دا پارەیەکێ زۆرێ کێم فڕێکریە و بەھرا موچێ پێشمەرگە نەدکرن، لەوڕا دڤێت بەغدا ھەیڤانە موچە و دەرمالە و پێدڤیێن ھێزا پێشمەرگەی دابین بکەت و پارەی بۆ شەھید و کێم ئەندامان ژی مەزێخیت.
شێخ جەعفەری گۆتژی” ئەف ئەرکێ لسەر پێشمەرگەی دگەل ئەمریکا و عێراقێ مە رێککەفتن لسەر کری، ھەتا پێشمەرگە سەنگەرێن خوە ڤەکەت و پێشڤەبچیت، ھێزێن پێشمەرگەی ئەف پێنگاڤ ھاڤێت و پێشڤەچوو، سنورێ بۆ پێشمەرگەی ھاتیە دیارکرن، ھاتیە کۆنتڕۆلکرن و مە دەلیڤا دا سوپایێ عێراقێ دناف ھێزا پێشمەرگەیڕا بچیتە باژێڕێ مووسل، ھەتا ئەو دەڤەرێن پێشمەرگە تێدا مە زێرەڤانیا ھێزێن عێراقێ کریە و نەھێلایە چەکدارێن داعش لپشتڤە گورزێ ل لەشکرێ عێراقێ بدەت و پشتەڤانبووینە بۆ ھێزێن عێراقی، واتە پێشمەرگەی ل پشت و ھەردو تەنیشتا سوپایێ عێراقێ پاراستیە،
لدۆر گیرۆبوونا گرتنا باژێڕێ مووسل وەزیرێ بەرێ یێ پێشمەرگەی دیارکر” پرسا گیرۆبوونا گرتنا باژێڕێ مووسل بۆڤێ چەندێ ڤەدگەڕیت، بەڕەڤانیا داعش زێدەتر پشت ب پەقاندنا تڕۆمبێڵ و خۆکوژ و قەناس بدەستایە و بۆیە ئەگەرێ سستیا رێڤەچوونا ئۆپەڕاسیۆنێ، سەرەرای ڤێ چەندێ ژی بدیتنامن لەشکرێ عێراقێ زۆر باش پێشڤەچوویە، پێشبینی دکەین گرتنا مووسل ڤەکێشیت، بەلێ داخوازکریە ھێزا پێشمەرگەی پشکداریێ د شەڕی ناف سەنتەرێ باژێڕیدا بکەت، ئەگەر داخواز ھاتەکرن ئەڤە دڤێت دانوستان بھێنەکرن و بڕیار لدۆر پشکداریا پێشمەرگەی بھێتەدان، نوزانین دئ کەنگی مووسل بتەمامی ھێتەگرتن، بەلێ تازە ھاتیە دەستپێکرن و ھەردێ ھێتە گرتن.
شێخ جەفەر ھاتە سەر پرسا گرتنا قەزا حەویجە و دبێژیت” پلانا کۆنتڕۆلکرنا قەزا حەویجە و ناحیە و گوندێن سەرب قەزایێ ھاتیە دانان و بڕیاربو بەری دەشتپێکرنا شەڕێ مووسڵ بھێنە کۆنتڕۆلکرن، چەندین جارا ژڤانێ گرتنا حەویجە ھاتە دیارکرن و ھەماھەنگیەکا باش دناڤبەرا ھێزێن پێشمەرگە و ھێزێن عێراقێ دا ھاتبوکرن، ھەموو بەرنامەک ھاتوو داڕشتن، مخابن ھەر گیرۆبو ھەتا شەڕێ گرتنا مووسڵ ھاتیە دەستپێکرن و نوکەژی پتریا وان ھێزێن عێراقی یێن بڕیاربو ھێرشی سەر حەویجە بکەن ل دەوروبەرێ مووسڵ پێشڕەویێ دکەن، ھەتا نوکەژی ھێرشا سەر قەزا حەویجە ھەر دھێتە بەحسکرن و زۆرجارادبێژن بلا دگەل گرتنا مووسل رێڤەبچیت، ئەف ھێزێن عێراقی یێن بڕیارە دگەل پێشمەرگەی پشکداریێ د گرتنا حەویجەدا بکەن ھەر ل مووسڵ مژولی شەڕینە و چەندین جارا مە اخواز ل وەزارەتا بەڕەڤانیا عێراقێ کریە ھێزێن خوە بەرھەڤ بکەن بۆ شەڕێ حەویجە ھەتا نوکە چو بەرسڤ نینە.