سه‌رۆك وه‌زيرى ئيتاليا ده‌ست ژ كاركێشنا خوه راگه‌هاند
ئه‌ڤرۆ نيوز:
سه‌رۆك وه‌زيرێ ئيتاليا ماتيۆ رێنزى پشتى شكه‌ستنا پرۆژێ خوه يێ گرێدايى راستڤه‌كرنا دستوورى ده‌ست ژ كاركێشانا خوه راگه‌هاند.
سه‌رۆك وه‌زيرێن ئيتاليا سه‌رۆكاتيا كه‌مپينه‌كێ دكر كو تێدا دخواست دستوورێ وه‌لاتى بهێته راستڤه‌كرن و تێدا ده‌سته‌لاتێن زێده‌تر ب سه‌رۆك وه‌زيرى بهێنه دان و د به‌رامبه‌ر دا ده‌سته‌لاتێن په‌رله‌مان و هه‌رێمان بهێته كێمكرن. ئه‌ڤ راسته‌ڤه‌كرنه ژى ل سه‌ر داخوازا وى هاتبوو ئه‌نجام دان.
رێنزى يێ 41 سالى، دو سال و نيڤه سه‌رۆك وه‌زيرێن ئيتاليايه و پشتى ب تنێ 40% ژ ده‌نگان ل سه‌ر راستڤه‌كرنا ل سه‌ر دستوورى ب ده‌ست خوه ڤه ئيناى، راگه‌هاند كو ئه‌و ئه‌گه‌رێ وێ شكه‌ستنێ و بڕيار دا دووماهى كۆمبوونا كابينا خوه بكه‌ت و ناما ده‌ست ژ كاركێشانا خوه پێشكێشى سه‌رۆكێ ئيتاليا بكه‌ت ئه‌وا د هه‌وا خوه يا گوهۆڕينا دستوورى دا سۆز ل سه‌ر دايى.
ئيتاليا ژ ئه‌گه‌رێ نزمبوونا پێشكه‌فتنا ئابوورا خوه، تووشى داكێشانه‌كا مه‌زن يا ئابوورى بوويه و قه‌رێن وى ژى گه‌له‌ك زێده بووينه و پشتى هه‌ر ئێك ژ يونان و ئسپانيا ب وه‌لاتێ سيێ ل ئێكه‌تيا ئورۆپا دهێته هژمارتن كو تووشى قه‌يرانا ئابوورى ببيت.