شەپۆلەکا دی یا بەفر و بارانێ دێ دەستپێکەت
ئه‌ڤرۆ نيوز: كاروان باعەدری:
بەشێ پێشبینیا یا رێڤەبەریا گشتی یا سەقاناسیا و پیڤەلەرزان یا هەرێما کوردستانێ دیارکر، ل شەمبيا بهێت کو دبیتە ٢٤ هەیڤێ دێ شەپۆلەکا دی یا باران و بەفر بارینێ ب سەر هەریما کوردستانێ دا هێت.
بەشی پێشبینا کو ئەڤرۆ بەلاڤکریە ، دياركريه ب ئەگەری کارتێکرنا نزمیا پالەپەستویا دەریایا ناڤەراست و ده‌ریایا سۆر ل شەمبیا بهێت کو دبیتە ٢٤ هەیڤێ شەپۆلەکا دی یا باران و بەفر بارینێ ب سەر هەریما کوردستانێ دا هێت و سەقایەکی نە ئارام دروست کەت.
بەشێ پێشبینا ئەو چەندە ژی بەلاڤکریە ، باران بارین دێ ل زۆربەیا نافچەیێن كوردستانێ ڤەگریت و هەروەسان ل نەفچەیێن چیایی ژی دێ بەفر باریت و پیشبینی هاتیە کرن کو زۆرترین رێژا باران بارینێ ل نافچەیێن چیایی و پاریزگەها هەڤلێرێ بیت, ودێ پلەیێن گەرمێ ب نزمی مینن و ل دەمێ نزمبوونا ڤی شەپۆلی دا ئەگەرێ بلندیا ئاستێ ئاڤێ هەیە ب سەر ناڤچەیان دا. و پێشبینی دهێتە کرن هەتا رۆژا سێ شەمبیا بهێت ئەڤ شەپۆله بەردەوام بیت.