دهولهتین و نه دهولهتین؟
پتریا كهسێن دێ مانشێت بینن و خوینن، بهروڤاژى گۆتار و پۆستێن بۆرى یێن من هزر ژ من كریه، بێى كو ناڤهرۆك هاتبیته خواندن، پهیڤا (دهولهت) ئهو هیڤى و خوهزى یه ئهوا ل سهر لێڤێن وان زارۆیان دیار ئهوێن هێشتا د زكێ دایكا خوه دا دنڤستى و دخهو چووین، ئهڤجا چاوا ئهز دێ بهروڤاژى وان زارۆیێن بێگونهه پهسنا وهلاتێ خوه كهم و خوه ژ ڤیانا وى دووركهم، وهلات ههر چو بیت ههكه تنێ مهترهك بیت ههر وهلاته و كهسێ بێ وهلات كهسهك مریه و بێ سهروشوونه، لهورا ئهز ب ههموو پیرۆزیێن خوهڤه پهسنا ئهڤى وهلاتێ ژار دكهم.
دیسان ژى, سهرێ چهندین سالانه ئهم ههر دبێژین دێ كهنگى بینه دهولهت و سهربهخوه بین، لێ یا راست ئهم نها دا د سهربهخوهینه لێ ئهم هزر د وێ سهربهخوهیێ ناكهین ئهم چهوا د سهربهخوهینه، سهربهخوهبوون نه ب تنێ ئهو چهندهیه كو ئهم ب رهزامهندیا كهسهك مینا عهبادى سهربهخوه بین بهلكو ئهم د سهربهخوهینه دهما ئهم خوهدان وهلاتهك بین ئهم د سهربهخوهینه دهما ئهم خوهدان پهرلهمانهك بیت بلا سهرێ چهند مههانه یێ كاڤل و وێران بیت، ئهم د سهربهخوهینه دهما مه هێزهك ههبیت مینا (پێشمهرگه) ههموو جیهان بنیاسیت و پهسنا وێ هێزێ بكهت، ئهم د سهربهخوهینه دهما فرۆكا من ژ (ههولێرێ) ب رێ بكهڤیت و ل (دوبهیا) عهرهبان دا بنیت، ئهم ههر د سهربهخوهینه دهما ئهز خوهدان سهرۆكهك بم ههموو جیهان بۆ ههر روونشتنهكا خوه ب ههموو مهزناهیا وهلاتێ خوه داخوازێ ژ سهرۆكێ من بكهت یێ بهرههڤ بیت، لێ ئهم نه د سهربهخوهینه دهما د ناڤا ڤى وهلاتێ ژار دا هندهك پلان بهێنه دان ژ بۆ ناڤبرنا وێ سهربهخوهیێ، نها دا كوردستان ب ههموو پیرۆزیێن خوه ڤه د رهوشهكا ئالۆز دا دهرباز دبیت، د نها دا كوردستان ژ ههموو جارهكێ پێدڤى ب ئێكرێزیێ ههیه، ئهز نها گهنجهكم د ناڤ ڤى وهلاتى دا لێ ههموو دهمان دبێژم ((گهر چ ژمن نههێت بۆ ڤى مللهتێ ژا بكهم ژى، ههستا خۆفرۆشیێ دناخێ من دا نینه بۆ مللهتێ ژار)) لهورا كوردستانا نها ئهم تێدا یا پێدڤى ب هندهك ههستانه یا پێدڤى ب ئێكرێزیێ یه یا پێدڤى ب دهستهكێ یه كو چو ئیران و چو عیراق و چو تورك نهشێن ئهوى دهستێ ل مهیدانا دهست دانانێ دا ب دانن، لهورا ئهم ب هیڤى نه ئهم ب بینه دهولهت لێ ئهم ل وى دهمى نابینه دهولهت (دهما خۆفرۆش رۆژ بۆ رۆژێ د ناڤ مهدا زێده ببن) لهورا ئهم ب هیڤى نه رۆژهك دێ هێت زارۆیێن مه دێ مینا زارۆیێن وهلاتێن بیانى كار كهن ژ پێخهمهت وهلاتێ خوه و ب هیڤى نه دێ رۆژهك هێت ههموو ئهو قوربانیێن ل دهریایا (ئیجه) دا هاتینه توماركرن دێ بیته ئاشیتهك بۆ گهنجێن ههمان وهلات، لهورا ژى ئهڤرۆ سهرۆك و رێبهرێن مه د ههموو ههولان دانه ژ پێخهمهت سهر بهرزراكرنا ئالایێ ئهڤى وهلاتى, لهورا درێژ ناكهم تنێ د ناخێ خوه دا دبێژم دێ بینه دهولهت تنێ نابینه دهولهت دهما (خۆفرۆش رۆژ بۆ رۆژێ زێده ببن) و ههستا خۆفرۆشیێ ل سهر وان و ناخێ وان یێ تۆزگرتى دا زال ببیت.
