به‌رپرسێن ئه‌مريكى بۆ CNN به‌حسێ كوشتنا به‌غدادى دكه‌ن
ئه‌ڤرۆ نيوز:
گه‌له‌ك ژ ژێده‌رێن ده‌نگوباسێن ناڤخۆى و جيهانى ژ ژێده‌رێن نهێنى به‌لاڤكريه كو گۆمان ل وێ چه‌ندێ دهێته كرن كو ئه‌بۆ به‌كر به‌غدادى هاتبيته برينداركرن يان كوشتن، ئاخفتنكه‌رێ ب ناڤێ داعش ژى ئاشكه‌را دكه‌ت كو ب تنێ گۆتگۆتكن.
ئه‌بۆ محه‌مه‌د عه‌دنانى، ئاخفتنكه‌رێ ب ناڤێ داعش، بۆ رۆژنامه‌كا ناڤخۆى گۆت: “هوون دبينن هه‌كه خه‌ليفه هاته كوشتن دێ خيلافه‌ت ب دووماهى هێت؟ ئومه‌تێ پشت دكه‌م كو به‌غدادى يێ ب سلامه‌ته و سۆپاس بۆ خودێ و داخوازا سلامه‌تيه‌كا ب له‌ز بۆ دكه‌م”. ئه‌ڤه‌يه يا كو ل سه‌ر مالپه‌رێن جڤاكى ده‌نگڤه‌دانه‌كا مه‌زن ل دووڤ خوه هێلايى.
ژێده‌رێن راگه‌هاندنا عيراقى ژى ژ زارده‌ڤێ ژێده‌رێن ناڤ وه‌زاره‌تا ناڤخۆ يا عيراقى ڤێ چه‌ندێ ته‌كست دكه‌ن كو به‌غدادى ب دژوارى يێ برينداره و هنده‌ك ژى دبێژن يێ هاتيه كوشتن، چو ژ ڤان ژێده‌ران ژى نه به‌لگه هه‌نه و نه‌ژى ئاماژه ب ناڤێن خوه كرينه.
به‌رپرسێن ئه‌مريكى ژى بۆ CNN ئاماژه ب وێ چه‌ندێ دكه‌ن كو ئه‌و نه‌شێن وى ده‌نگوباسى پشت راست بكه‌ن، به‌لێ ديار دكه‌ن كو هه‌كه تشته‌كێ وه‌سان هه‌بوو، دێ راگه‌هينن.
