زه‌ماله دێ بۆ فه‌رمانبه‌ر و مامۆستايان ب مه‌رج هێنه دان
ئه‌ڤرۆ نيوز:
زه‌مالێن خواندنا بلند بۆ مامۆستا و فه‌رمانبه‌رێن وه‌زاره‌تا په‌روه‌ردێ ل حوكمه‌تا هه‌رێما كوردستانێ دهێنه دابينكرن.
ب گۆره‌يى نڤيساره‌كا نڤيسينگه‌ها وه‌زيرى كو وێنه‌ك بۆ ئه‌ڤرۆ نيوز ره‌وانه كريه، پشتيوان سادق وه‌زيرێ په‌روه‌ردێ ئاگه‌هداريا رێڤه‌به‌ريێن گشتى يێ په‌روردا ل هه‌رێما كوردستانێ و پشكا خواندنا كوردى ل كه‌ركووك دكه‌ت كو مه‌رج بۆ پێشكێشكرنا داخوازيێن وان دياركرينه.
هه‌ر وه‌كو د نڤيسارێ دا هاتى، مامۆستا و فه‌رمانبه‌رێن وه‌زاره‌تا په‌روه‌ردێ دشێن د رێيا مالپه‌ره‌كێ هندى دا ناڤێن خوه تۆمار بكه‌ن و پێزانينێن زێده‌تر وه‌ربگرن و پشتى ده‌رچوونێ ناڤێ هه‌ر مامۆستايه‌كى ژى وه‌زاره‌ت دێ ب گۆره‌ى قانوونێ موله‌تا قانوونى ده‌تێ.
هند سالانه 3400 كورسێن خواندنێ بۆ قوتابيان ل هه‌موو جيهانێ ته‌رخان دكه‌ت.
مەرج:
– ژيێ پێشكێشكارى بۆ ماسته‌ر 45 سال و دكتورا 50 سالان پتر نه‌بيت.
- خزمەتا کاری ب گۆره‌ى باوه‌رنامێ ژ دو سالان كێمتر نه‌بيت.
- بۆ خوێندنا ماستەرێ سه‌رجه‌مێ نمرێن بەکالۆریۆس ژ %65 کێمتر نەبيت و هه‌كه كێمتر بوو خزمه‌تا كارى ژ پێنج سالان زێده‌تر بيت.
