پەکەکێ گەنجێن شنگالیان بۆ خوە پەقاندێ بەرھەڤکرینە
ئەڤرۆ نیوز:
جێگری فەرماندا ھیزا پێشمەرگەی ل شنگالێ دیارکر ھندەک رۆژان 20 گەنج وخورتێن شنگالیان پەکەکێ بجە دھێلن وھندەک رۆژانا کیمتر و ھندەک رۆژان ژی چوو ناھێن لێ شیوەیەکێ گشتی گەنجێن شنگالیان یێن گەھشتینە پەکەکێ پەشیمان بووینە زڤرن بنە پێشمەرگە.
عەمید سمێ بوسەلی، جێگری فەرماندا ھیزا پێشمەرگەی ل شنگالێ دیارکر، ھەتا نوکە 300 گەنج و خورتێن شنگال رێزێن (PKK) بجە ھێلاینە و رۆژانا گەنج و خورتێن شنگالیان پەکەکێ بجە دھێلن ودگەھنە رێزێن پێشمەرگەێ کوردستانێ، دەملدەست کاروبارێن وان دھێنە برێڤەبرن و مووچێ پێشمەرگەی بۆ وان کەسان دھێتە دابینکرن.
ھەروەسا خۆیاکر، ھەکە گەنج و خورتێن شنگالیان ل گەل پەکەکێ نەمینن، ھەبوونا (PKK) ل شنگالێ نامینیت و نەشین خوە زال بکەن، بۆ (PKK) ژی دێ دیاربیت کو شنگالیان نەڤیت پەکەکە ل شنگال بمینیت، ئەڤە چەندین جاران ریە سپی و کەساتێن شنگال و جڤاتا روحانی داخوازێ ژ پەکەکێ دکەت شنگال چوول بکەت، نوکە ژی گەنج و خورتێن شنگال رێزێن (PKK) دھێلن پێدڤیە ئەو ژی دەڤەرا شنگال چوول بکەن.
عەمید سمێ بوسەلی، گۆت ھندەک رۆژان 20 گەنج وخورتین شنگال پەکەکێ دھێلن و ھندەک جاران ژی پێنچ دھێن و ھندەک رۆژان ژی کەس ناھێت لێ ب شیوەیەکێ گشتی ھەتا نوکە 300 گەنج و خورتێن شنگالیان رێزێن (PKK) ھێلاینە.
ئیک ژوان کەسێن دەست ژ ناڤ ر یزیێن پەکەکێ بەردایێ کو نەڤیایە ناڤێ خوە ئاشکرا بکەت، بۆ رۆژناما ئەڤرۆ دیارکر، پەکەکێ ھوسا ئەم ڤیرکربوون دەستان ژ دایک وباب و خوشک و برایێن خوە بەردەین دگۆتن ھوون ھەردەم پێدڤیە بەرھەڤن بن بۆ خوە پەقاندنێ ومێشکێ مرۆڤی ب تەمامی گوھارتن، ل دەستپێکی مە نەدزانی دھوسانە ل ڤی دووماھیێ رۆژ دووڤ رۆژێ پیس دبوون ل گەل مەدا نوکە مەترسیی ل سەر ژیانا من ھەیە، چونکو ھەر ئێکی پەکەکێ بھێلت پەکەکە ژێ قبوول ناکەت، نوکە ب شەڤێ ئەم ھەموو زێرەڤانیێ ل خوە دگرین نەشێین ب تەناھی بنڤین “.
ھەرەسا گۆت: گەلەک مەترسی ل سەر ژیانا من ھەیە ژبەر (PKK) نەشین ناڤی خوە ژی ئاشکرا بکەین، ئەز ئێک ژوان کەسان بووم دناڤ رێزێن چەکدارێن پەکەکێ من ھەموو شوول دکرن، ھەموو گەنج و گچین 12 سالیی ھەتا 13 سالیی ئینانە دناڤ ریزیێن (PKK) دا رەوانەی قەندیل دکرن، بەری دو ھەیڤان 13 گچین 12 ھەتا 13 سالیی ژ شنگال برنە قەندیل ب راستی ژی ژ تیرۆرستێن داعش خرابتر سەری مرۆڤی دئینان.
زێدەتر گۆت: ھەکە پەکەکە ل شنگال بمینت گەلەک باشترە ھەموو ئیزدیێن شنگال دناڤ چیایی کەن و ئاگری بەردەنێ، ھەموویان بسۆژن، چونکی مرن خوشترە ژ ژیانا ل گەل (PKK) ھەتا مرۆڤ بچاڤێن خوە نەبیت ڤی تشتی نوزانت.
عەمید سمێ بوسەلی، جێگری فەرماندا ھیزا پێشمەرگەی شنگال دیارکر ئەو گەنجێن ئێزدی یێن چووینە ناڤ پەکەکێ دا پشتی بۆرینا دەمەکێ پەشیمان دبن بتایبەتی ژی پشتی روودانا 3/3/2017 (PKK) و ھێزیێن بسەرڤە تەقە ل پێشمەرگەی کوردستانێ کری بۆ خەلک دیاربوو پەکەکێ بەرژوەندیا شنگال نەڤێت ئەو کەسێن گەھشتینە پەکەکێ ژێ یێ دزڤرن، ھەموو ژی ژیێ وان بچووکن و پەکەکە کارتیکرنێ ل وان دکەت، دبەنە قەندیل چوو پاشەرۆژەک وان ل گەل پەکەکێ نێنە، پێدڤیە ھەموو ڤەگەرن ل گەل لایەنێ دەستھەدار ل دەڤەرێ کاربکەن بۆ پاراستنا دەڤەری”.
عەمید سمێ بوسەلێ، دیارکر بەری چەندەکێ قونسلی ئەمریکا سەرەدانا شنگال کریە و داخواز ژ پەکەکێ کریە شنگال چوول بکەن، وبەری چەند ھەیڤان ژێ عەبادی ژی ھەمان داخوازی ژ پەکەکێ کریە، نیچیرڤان بارزانی سەرۆکێ حکومەتا ھەرێما کوردستانێ ژی داخوازکریە پەکەکە شنگال چوول بکەت، و جڤاتا روحانیا ئێزدیان و ریھسپی و کەساتێن شنگال ژێ داخواز کرینە پەکەکە شنگال چوول بکەت، لێ ھەتا نوکە پەکەکێ نیاز ژی چوولکرنا شنگالێ نینە، و پەکەکە دبێژن ئەم دەرناگەڤن ئەم ھیڤیی نە ئاشتیی و برایەتیی دەڤەری چوول بکەت، ھەکە چەند بمینن ژێ دێ ھەر شنگال چوول کەن، چونکو مالا وان نینە.
ژێدەرکێ ئێمناھیێ ل دەڤەرێ بۆ ئەڤرۆ دیارکر، گەنجێن گەھشتینە (PKK) بەردەوام یێ ڤەدگەرن ئەم پێشوازیا وان دکەین ھەر کەسەکێ ڤەگەریت ئاسایی دگەھتە کەس و کارێن خوە پیشوازی و خزمەتا وی دھێتە کرن، (PKK) خالێن پشکنین و چاڤدێریێ داناینە بتایبەتی ژی ل چیایی شنگال و دەڤەرا خانەسورێ، کەس نەشیت ھاتن وچوونی بکەت، بتایبەتی ژێ ب شەڤێ ھاتن وچوون نینە ژبەر مەترسیا دانانا کەمینە و زالگەھێن (PKK) ل دەڤەری و بەردەوام ژێ کەمینە دانن وترسێ بۆ خەلکێ دروست دکەن.
