مەزنترین باخچێ گیانەوەران ل ئێتیتێ دێ ھێتە چێکرن
ئەڤرۆ، حەمزە رەزیکی:
رێڤەبەرێ باژێرڤانیا رۆژھەلات ل دھۆکێ دیار کر کو مەزنترین باخچێ گیانەوەران ل دھۆکێ ل گوندێ ئێتیتێ دێ ھێتە دروستکرن و د گەل دا ژی ھزر د چێکرنا پارکەکا یاریان ھاتیە کرن.
ئەندازیار مللەت سالم، رێڤەبەرێ باژێرڤانیا رۆژھەلات ئاشکرا کر، د ماستەر پلانا دھۆکێ دا ھاتیە ل دەڤەرا ئێتیتێ باخچەیەکێ گیانەوەران د گەل پارکەکا یاریان بھێتە دروستکرن و بۆ ئەڤرۆ گۆت: “رووبەرێ باخچەی 30 ھزار و 332 مەترێن چارگوشەنە، ئانکو 150 دونەمێن ئەردی بۆ ھاتینە تەرخانکرن و دکەڤیتە دەستێ راستێ ل بەرامبەر گوندێ ئێتیتێ بەری زالگەھێ”.
ناڤھاتی ئاماژە دا وێ چەندێ ژی کو جارێ ئاریشا د رێکێ دا مای ئەوە، ھندەک ئەردێ وەلاتیان مایە و ھەتا نوکە ھێژ نەھاتیە کوژاندن ئەو ژی ژ بەر رەوشا نوکە یا دارایی یا کوردستان تێدا دەربازدبیت و گۆت: “ھەکە خودانێن ئەردی ھاتنە قەرەبووکرن دێ دەست ب دیزانان ھێتە کرن و کەڤیتە د وارێ ب جھئینانێ دا”.
