رێ ب دەربازبوونا قوتابیێن زانکویا زاخۆ ناهێتەدان بچنە تورکیا
ئەڤرو نیوز ، هلوری.
ب مەرەما ئەنجامدانا گەشتەکا زانستی ، ئەڤرۆ قوتابیێن زانکۆیا زاخۆ بەر ب تورکیا ب رێکەفتن ،بەلێ ل دەرییا سنووری یا لایێ تورکیا رێ ب وان ناهێتەدان بچنە ناڤا تورکیا.
یوسف موحسن کەس و کارێ ئێک ژ وان قوتابیان بو ئەڤرو نیوز گۆت: (ب مەرەما گەشتەکا زانستی ئەڤرۆ مە قوتابیێن خوە ل گەل ماموستا و قوتابیان بو تورکیا هنارتن ، بەلێ ل دەرییا سنووری یا تورکیا رێ ب وان ناهێتەدان کو بچنە ناڤا تورکیا و هەتا نها ل سەر سنووری ماینە)
زێدەتر گۆت: (دخوازین کو جهێن شولەژێ ب زوترین دەم ئاریشەیا وان چارەسەر بکەن)
ل گورەی زانیاریێن ئەڤرو نیوز ئاریشا سەرەکی دزڤریت بو سیستەمێ تورکیا و قوتابیێن زانکویا زاخۆ هایدارنەکربوون لسەر سیسەمێ نوو ، د گەشتا زانستی یا زانکویا زاخۆ دا نێزیکێ 500 قوتابیێن کچ و کوران پشکدارن.
