خوهكوشتنا ماسى و نههنگان!
مه ژ وان كهسان بهیزتییه ئهوێن ل دهرڤهى وهلاتى دژین، هندهك كهس ههنه ل رۆژئاڤاى پشتى ژ ههمى خوهشیێن ژیانێ تێردبن، چو تشت نامینت نهجهڕباندى، ئێدى بهر ب هزرا خوهكوشتنێ دچن و دووماهیێ ب ژیانا خوه دهینن و ل نهێنیێن جیهانا بهرزه و نهدیتى دگهرهن “لێ ل وهلاتێ مه دیمهن ب دروستى بهرهڤاژه، پرانییا خوهكوژێن كوردستانێ ب گشتى و ههرێما كوردستانێ ب تایبهتى، ژ بهر ژ دهستدانا مافێن خوه یێن مرۆڤایهتى یێن رۆژانه”. مینا (خوارنێ، ڤهخوارنێ، سۆزى و ههڤژینێ و ئازادیێ… هتد)، دووماهیێ ب ژیانا خوه دهینن و ههتاههتایێ ژ ڤێ جیهانێ باردكن، هندهك ههنه نهفرهتان ژێ لێ دبارینن و پشكداریێ د رێورهسمێن تازیێن وان ژى دا ناكهن!
بهرامبهر ڤێ خوهكوشتنێ ل كوردستانێ، خوه كوشتنا سهركێشێن كوردان ژى ههیه، لێ ئهڤ خوهكوشتنه ب ئهگهرێ ژدهستدانا مافێن رۆژانه نینه؛ مینا وهلاتیێن نۆرمال، دبت خوهكوشتنا سهركردهیێن كورد بهتر خوهكوشتنهك تایبهت و نهئاگههییه (لاشعوریه) كو ههر ئێك ژ كهربێن یێ دى دا داخوازییا هندهك مافێن نهواقعى، ژ ههڤڕكێ خوه دكهت! رێكێن ڤێ خوهكوشتنێ ژى گهلهك جاران ب ناكۆكیێن ناڤخوهیى دیار دبن، دمێ سهركردهیێن كوردان سهرا كورسیێ و پارهى لێكدكهڤن و كهس داگێڕانێ (تنازل)ێ بۆ كهسێ ناكت، ئێدى دهستێن نهحهز و نهیاران ب ناڤ دكهڤن و ههموو ئالى ب ساناهى ژ ناڤچن، تنێ ئهو نهحهز و دوژمن قهزهنجێ دكن.
بههرا پتر ئهڤ خوهكوژییا ئالیێن سیاسى، هینگێ دیار دبت، دهمێ كورد دگههنه قووناغهكا پێشكهڤتى “لێ هێشتا ناڤمالییا وان نهرێكخستى، بێ سهركردایهتیهك ههڤگرتى، ژێرخانهیهك ئابوورى، لهشكرهك ههڤگرتى ههبت، بهرهڤاژى بهرژهوهندیێن نێڤدهوهلهتى، هندهك ئالى داخوازییا ئارمانجێن ژ مێژه ژدهستداى دكهن و ل سهر رژددبن كو ب ههر رهنگێ ههیى بدهستڤهبینن” هینگێ ئهڤه ژى دبیته خوهكوشتنا گشتى، یان سۆتنا تهڕوهشكان بههڤڕه.
راسته چهكێ سهركرداتیێن سیاسى یێن كوردى بۆ ڤى ههلوهستى ئاخاڤتنا دههبارهكریه، یار و نهیار دبینن كو مافێ كوردانه وهك ههر گهلهكێ جیهانێ بڕیارا چارهنڤیسێ خوه بدن و ببن خودان كیانهك سیاسى.. ههلبهت ب دهڤى و سۆزێ حاشاتى ژ ڤێ ئاخاڤتنێ ناهێته كرن كو ل ههمى پارچهیێن كوردستانێ مافێ كوردانه كو بڕیارێ ل سهر چارهنڤیسێ خوهیێ شهرعى و ژدهستداى بدن، لێ وهك ب پالدهرییا بهرژهوهندیێن بیانیان و نهههڤگرتنا كوردان و واقعێ ههیى، تنێ ب ئاگرى و ئاسنى بهرسڤا ههر خهباتهكا نهتهوهیى ل كوردستانێ پارچهكرى ددن. واته ههر پێنگاڤهكا د ڤى سهقایى دا بهێت هاڤێژتن، دیسا قۆچانا دگهل كهڤرییه!
ئهم گهلهك دوور ناچن و دێ بێژین: ههكه سهركرداتیێن كوردى یێن تێر و تژى و بێ كێموكاسى، د خیتابا خوه یا رۆژانهدا (ئیدیعایێ) ب وێ چهندێ بكن كو مافێ كوردان د درێژیا دیرۆكێ دا هاتیه خوارن و پێدڤیه ل سهر دهمێ عهولهمێ و نهمانا سینۆرێن دهستكرد قهرهبۆبكن و ب مافێن خوه را بگههن و ڤێ دهلیڤهیێ ژ دهست نهدن”خهلكێ وان بهریا وان دبێژن: ههكه مه ب دهستێن خوه و دهستێن دوژمنان د درێژیا دیرۆكێ دا خوه ژ مافێ خوه بێ بههر كربت، ههوه، وهك سهركردهیێن مه بهرى خهلكى بیانى مافێ مه خوارییه كو كێمترین مافێ گهلێ ههوه ئاڤ و كارهب و مووچهنه، ئهڤه 26 سالن هوین یێن خۆن و ههر ئێك ژ ههوه یێ بۆ خوه دكهت و نهشێن ڤان مافان دابین بكن “ڤێجا نزا ب چ روو خهلكهكى دن تاوانبار دكن كو مافێن كوردان خوارینه؟!
