كوردستان دێ بۆ ئیرانێ و ب ناڤێ وهكیلێن وێ بیته هێلا سۆر
ل دویێ ئابا 2014 رێكخراوا تیرۆرستیا (داعش) هێرشهكا بهرفرهه ئینا سهر ههرێما كوردستانێ و (30كلم) نێزیكى ههڤلێرا پایتهخت بوون. لێ خۆشبهختانه هێزا پێشمهرگهیێ كوردستانێ ب سهركێشیا سهرۆك بارزانى شهڕێ مانونهمانێ ل سهرانسهرى كوردستانێ راگههاند و د ئهنجامدا سهركهفتنێن مهزن ل سهر تیرۆرستان تۆماركرن و هێز و ههیبهتا داعش شكاند. پاشى جڤاكى نیڤنهتهوهى ب سهركێشیا ئهمریكا هاته دهنگ و راگههاند ههڤلێر و كوردستان هێلا سۆرن بۆ ههر دوژمنهكى بیت. دیسا ههر د ڤى چارچووڤهى دا هاریكارى بۆ پێشمهرگێ كوردستانێ هاتن ژ ههموو دهولهتێن ههڤپهیمانڤه و ههتا ئهڤرۆ ژى د بهردهوامن و سهركهفتنێن هێزا پێشمهرگهى ژى بوونه ئهگهر كو كورد بچنه د ناڤ ههڤپهیمانى یا نێڤدهولهتى دا دژى داعش و د ئهنجامدا ئێكسهر پرۆتوكۆلا لهشكرى هاته ئیمزاكرن د ناڤبهرا پنتاگۆن و وهزارهتا پێشمهرگهى دا. یا من دڤێت ئهز بێژم بۆ وان تاقم و لایهن و وهكیلان یێن كو بهردهوام پیلانان ددانن و دادرێژن ب رێڤهبهریا دهولهتا فهقى ژ بۆى زهعیفكرن و ژناڤبرنا ئهزموونا حوكمهتا ههرێما كوردستانێ و ب تایبهتى یا پرۆژێ نهتهوهى یێ (سهرۆك بارزانى)، ژ بهر كو ئهڤرۆ سهرۆك بوویه سومبولهكا نهتهوهیى و شهرعیهتا شۆرگێریێ وهرگرتى یه، ههروهسا بوویه ئالاههلگرێ گشت پرسیێ و خودانێ پهیام و پرۆژێ راگههاندنا دهولهتا كوردستانێ. د ڤێ قووناغێ دا پێدڤى یه كورد یێ هشیار بیت و ئاگههدار بیت ژ ڤێ پیلانا مهزن ئهوا ل سهر ههرێما كوردستانێ دئێنه گێران ژ لایێ ئیرانێ و وهكیلێن وێ وێڤه د ناڤ ئیراقێ دا كو پێكدئێن ژ (حهشدا شیعى و پهكهكێ). چونكو وانا پلان ههیه و د رژدن كو پشتى ئازاد كرنا میسل بارودوخێ ئاسایشا ههرێما كوردستانێ ئالوز بكهن یانژى توشى شهرهكى بكهن ، چونكه ل روژا ( 5/5 / 2017) ژى( رهزا ئالتون) ئهندامێ كونسهیا رێڤهبهرى یا كوما جڤاكێن كوردستان (كهجهكه) ب ئاشكهراى گوتبو كو ئهو دێ هێرشى سهر ههرێما كوردستانێ كهن و كهنه گورهپانا شهرى . وه ههموو ئارمانجا وان ئهوه كو سهركردایه تى یا سیاسى یا كوردستانێ ژ پروژێ خو یێ نهتهوهیى پاژڤهبزڤریت یانژى لێڤه ببیت . لێ ئهڤرو دڤێ هاوكێشێ دا دوو دیتن و ستراتیژیێن ههڤدژ ههنه : 1) ب دیتنا دهولهتێن ههڤپهیمان و ب شانازى ڤه جیوگرافیا ههرێما كوردستانێ ئهو جیوگرافیا ستراتیژى و گرنگه یا كو هێزا پێشمهرگه یى كوردستانێ ههیبهتا داعش تێدا شكاندى و شهرێ مان و نهمانێ راگههاندى و تێدا سهركهڤتین . 2) ب دیتنا ئیرانێ و وهكیلێن وێ ههرێما كوردستانێ یا بویه دهولهتهكا دیفاكتو یا نهراگههاندى و ئسرائیلا دووێ و ههروهسا وه رێ نهدا كو ههرێما كوردستانێ ببیته پرا دهرباز كرنا پێداویستیێن لهشكهرى ژ ئیرانێ بو رژێما ئهسهدى و هدیسان رێ نهدا كو سهركهڤتنێن هێزا پێشمهرگهى بكهڤیته د خزمهتا ئارمانجا بهرفرههكرنا هیلالا شیعى دا . لهورا دهولهتا فهقى ژى ههڤپهیمانیهكا موكم یا د ناڤبهرا ( پهكهكێ و حهشداشیعى )دا دروستكرى بو ب كارئینانا ئهجدایێن خویێن سیاسى و ستراتیژى ل ڤێ دهڤهرێ دا ، چونكه ئیران ژى د زانیت كو ئهو بخوه نهشێت راستهوخوه هێرشێ ل سهر ههرێما كوردستانێ بكهت و ئهو رۆژنهما و ب سهرڤهچوو، لێ ب رێیا وهكیلێن ب ههر رێیهكێ بیت ئاگرێ فتنێ ل ناڤا گهلێ كوردستانێ ههلبكهت. لێ ل ڤێره پرسیارهك دئێته پێش ئهرێ سهركهڤتنا هێزا پێشمهرگێ كوردستانێ ل بهرانبهر شهڕێ تیرۆرستێن داعش مانه واتا وێ ئهوه كو سهركهڤتنا دهولهتێن ههڤپهیمانه؟ چونكو ههرێما كوردستانێ ههڤپهیمانا دهولهتێن ههڤپهیمانا نێڤدهولهتى یه ل دژى داعش. لهورا ههر هێرشهك بهێته ل سهر ههرێما كوردستانێ ژ ههر لایهكى ڤهبیت و ل بن ههر ناڤهكى بیت، ئهو دێ كهڤیته د چهپهرێ دژى ههڤپهیمانا نیڤدهولهتى دا، دیسا وهكو تیرۆرستێن داعش دێ سهرهدهرى د گهل هێتهكرن. چونكو ئهڤرۆ ئیدارا ئهمریكا ژى مژوولى دارشتنا پلان و ستراتیجیهكا تازهیه بۆ ئاریشێن رۆژههلاتا ناڤهراست كو چو پرسیارێ ژى ب رۆسیا و ئیرانێ نهكهت و ب تایبهتى پشتى كو (سهرۆك ترامپ) دهست بكاربووى، دیسا د بهرنامهى دایه كو رۆسیا ههڤسار بكهت و گرێدهت و داكو بشێن ب رێیێن یاسایێن نێڤدهولهتى و ئیرانێ لغاڤبكهت و بهاڤێژیته ئاسیا ناڤهراست و دووماهیێ ب چاڤسۆركرنا وێ بیت ل سهر گهلێن دهڤهرێ ب تایبهتى گهلێ كورد. ب بۆچوونا من كا چاوا كوردستان و ههڤلێر ل لایێ دهولهتێن ههڤپهیمان ڤه بوونههێلا سۆر بۆ داعش، ههروهسا دێ بۆ ئیرانێ و وهكیلێن وێ ژى بنه هێلا سۆر.
