بیرۆكا كۆدهتایێن وهلاتێن ههرێمێ ل سهر كوردستانێ
دبێژن پشیك دزالن ل سهر دهستههلاتا ئهنترنێتێ، بهلێ دبیت ته هێزهكا پتر شیان و خرابى گوهلێ ببیت، ئهو ژى هێزا دبێژنێ رۆناكبیر ئانكو (المتنورون) كو دبنه پارچهك ڤهشارتى ل پشت پهردێن سیاسهتێ ههموو كار و چالاكیێن خوه د ههموو كاروبارێن مرۆڤایهتێن گرنگ دا برێڤهدبهن..
دچارچووڤێ سیاسهتا رهها یا نوكه ل دهڤهرا رۆژههلاتا ناڤهراست دهێته كرن، بێهنا وێ بیردۆزا نهێنیا د ناڤبهرا رێكخراوێن سیبهرى دهێت، ههر وهكى دهێته دزانین ژى شهڕ بۆیه ئالاڤهك بۆ بدهستڤهئینانا پارهى یان ژى ب دهستڤهئینانا بهرژوهندیێن ئابوورى ب هێز نهخسامه ژ ئالیێن وهلاتێن زڵهێزین جیهانى، چو ئهمریكا یان رۆسیا كو ههردو جهمسهرێن جیانێ نه، ههر ژ دهستپێكا سالێن ههشتیان و ههلكرنا جریسكا ئاگرێ شهڕێ د ناڤبهرا عیراقێ و ئیرانێ دا، و ههتا نهكه، ئهو رێكخراوێن سیبهر ژبۆ بهرژهوندیا خوهیا تایبهت نهراوهستیانه و بهردهوام بزاڤ و كارێن خوه دكهن، ههروهختهكێ ژى گرۆپهك هاتیه چێكرن و دروستكرن بۆ روبروبوونا ههر ئالیهكێ وانا بڤێت ئهو بهرهنگاریا وانا بكهن، گۆتنا ناڤێن وان ژى گهلهك یا ب ساناهى یه د بهرچاڤن، چو رێكخراوا قاعیده یان نمۆر تایمل یان ژى یا ژى جبهه پۆلیساریۆ، ئانكو ب ههر رهنگهكێ ههبیت، ئهو دێ دهستێن خوه كهنه د ناڤ دا بێى ته ئاگهه ژێ ههبیت، ل دووماهیێ چێكرنا رێكخراوا داعشێ.
ههموو ب ناڤێ راكێشانا بهرژوهندیێن ئابوورى پاشى سیاسى و پارچه پاچهركرنا ئاخا وهلاتێن ژێر دهست بلا ئهو بێژن ئهم دئازادین، چونكى مێشك و عهقلیهتا وانا هاتیه داگیركرن بیێ ئهو بخوه ههست بوێ چهندێ بكهن، د ڤى بیاڤى دا كۆدتایێن وهلاتێن ههرێمى یێن دهوروبهر ل گهل ههرێما كوردستانێ رۆلهكێ ئهكتیڤ ههبوو، بۆ هندێ ههموو بزاڤ و چالاكى هاتینه ئهنجامدان نه خاسمه پشتى سالا 2003 بۆ راگرتنا پێشڤهچوون و وهرارا ههرێما كوردستانێ چو ژ ئالیێ سیاسى ڤه یان ئابوورى ڤه، چونكى ب دیتنا وهلاتێن ههرێمى ل گهل كوردستانێ كوردستانێ دێ بیته ئاستهنگ بۆ ههبوونا وان وهلاتان چو ژ ئالیێ بهلاڤبوونا هزرا دیمۆكراتخوازى د ناڤا جڤاكهكێ مری دا كو چهندین سالان ب بیردۆزێن بێ مفا و هزر و بیرێن پاشكهفتى هاتینه خاپاندن، بۆ هندێ چاڤێن مللهتێن و جڤاكى وانا ڤهنهبن، رۆژ بۆ رۆژێ كۆدهتایێن ئێك ل دووڤ ئێك بۆ ههرێما كوردستانێ دهێنه راچاندن، مینا تهلهێن نێچیرڤانان ل ههمبهرى كوردان ددانن و خوه ل پشت پهردا دێمجامێ دڤهشێرن و دپشترا گولهیان دتهقینن، جار ب ناڤێ رهوشهنبیریێ و جار ب ناڤێ مافێن مرۆڤێ و جار ب ناڤێ قورغكرنا دهستههلاتان و جار ژى ب ناڤێ نویخوازیێ.
ل ڤێره پرسیارهك بۆ وان ههموو بزاڤێن ل ژێر وان ناڤونیشانان دهێنه كرن، بیردۆزا هزرا نهتهوهیى یا ب سهردههان سالا خوهگوریكرن و قوربانى دان بۆ هاتینه رۆژڤى ب درێژهیا سهدان سالان، ئهنترناتیفێ وێ ل نك ههوه چهیه؟، ئهم بمینن ژێر دلوًَڤانیا دوژمنێ بابا كوشتى یان ل ژێر وهسیهتیا دوژمنێ جهستیا جانا وهلاتێ كریه سهرڕاد و بێژینك و پاشى گۆتى یه من ههره تیشكێن رۆژێ پێ بگره؟، ئهرێ ئهڤه قهدرا من هات بۆچى هشنى هزر و و بیرێن گهنج و رهوشهنبیرێن وهلاتێ من ئهڤرۆ بووینه شیرهكێ دهڤ تیژ و ڤههوسى بۆ گیانێ من؟.
كۆدهتا و بیردۆزێن ههتا نوكه د خوناڤا خوینا شههیدێن مهدا د مهخل چووین، ئهرێ راسته ئهم ل سهر رێیا وانا نهچین و دهست ژ وژدانا خوه بهردهین و قهستا كێلیا (أنا ربك الأعلى) بكهین، ئهز قارونم و تۆ هامان بى .. وهلات بمینت بێ خودان!!
