ئەرێ رەوشەنبیریا سێکسی دێ کوشتنا ژنان کێم کەت ؟
ئەڤرۆ نيوز:
دناڤ جڤاکێ مە دا وەکو جڤاکێن رۆژھەلات جڤاکەکێ گرتیە، سێگوشەکا پیرۆز ھەیە، دڤێت بەحس ل سەر نەھێتە کرن و ئەڤ سێگوشە ژی پێکھاتیە ژ ئایین و سێکس و دەستھەلاتێ دڤێت کەس بەحس لێ نەکەت، لێ لنک خەلکی ژی سێکس تشتەکێ سەیرە و لاوازە ژی بەرھندێ ئاریشە پەیدا دبن.
ئەڤرۆ، بێوارحسێن:
ژنەکا کابانی بۆ ئەڤرۆ خویا دکەت کو زۆر جاران ھەر زوو کچ دھێتە کوشتن و گونەھبارکرن ب ئەگەرێ ھندێ کو کچینیا خوە یا ژ دەست دای، لێ کچێ ھندەک تشت لنکن دڤێت بێتە پارستن، ھەروەسا ئەڤ کچە دبیت یا بێ گونەە بیت چۆنکی زۆر جاران کچ ژ لێدانێ یان ژی کەفتنێ یان ژی بەر ھە رحالەتەکێ دی بیت دڤێت ئێکسەر ببە نە نوژداری و گاغەزەکێ بدەنێ چۆنکو ئەو کەسێ دھێت ڤێ کچێ بخوازیت دڤێت بێتە ئاگەھدار کرن.
لێ زۆر کەس دبێژن دڤێت مرۆڤ یێ سەربەست بیت و ئەڤ سەربەرستیە دبیتە ئەگەرێ دروست بوونا ئاریشان، دیسان دبیت ئەڤ زەلامە تا درەنگ نەزڤریتەڤە یان ژی ڤەخوەت سەرخووش بیت و کارێت نەشرین بکەت مال پشگوبھاڤێت و نە شێت ب دروستاھی خێزانا خوە خودان بکەت، لەوما تووش دبن، ل ڤێرە دا چ کچ ئان کور بیت دەمێ پشکنینا خوە بکەت ئەڤە دبیتە سلامەتی بۆ وان لەوما گرنگە بکەن ڤان پشکنینان ، لێ خەلکێ مە ھێش ب دروستاھی رەوشەنبیریا سێکسی نەگەھشتیە .
یوسف سەعید مامۆستایێ کومەلایەتی دبێژیت: دناڤ جڤاکێ مە دا ب باشی نابینم رەوشەنبیری ھەبیت چۆنکو ھێش پەیڤا ( جاھلیەتێ ) یان ( نەزانینێ) لنک کاردکەت ھەتا مرۆڤ رەوشەنبیر بیت زۆر تشت لنک مرۆڤی دھێن گۆھورین لێ ئەڤرۆکە زۆر کەس کارەکێ دکەن ب رێگا کارێ خوە رۆژانە ل فەرمانگەھێ یان ئەو جھێ لێ کارکەت وە دبێژیت ئەم ھەڤالین چو جوداھی ناڤبەرا ژن و مێران دانینە، لێ ئەڤ یەکە دوورە ژ راستی لەوما دڤێت ل وان کەسا یێن رەوشەنبیر دەسپێکەت تاگەھیتە کەسەکێ بەر پەزی ئانکو شڤان بیت، ھەروەسا پاراستن زۆر باشە چۆنکو تێکەلیا کور و کچان و ژن و مێران ئەڤە تایبەتی ل ڤی چەرخێ دووماھیێ ئێشێن کوژەک دەرکەفتینە، چارەسەریا وان ئاریشان ژی زۆر یا ب زەحمەت و ئاستەنگ بوویە و بوونە ئەگەرێ پەیدابوونا نەخوشیان ژی.
زێدەتر گۆت: ب مخابنی ڤە ئەڤرۆکە گەنجێ مە مژوولی مەی ڤەخارنێ و ژنان و کارێت نەشرین ڤەنە، نەکو ئاڤەدانکرنێ و پێشکەفتنا رەوشەنبیری نە، لێ دڤێت جڤاک بێتە ھشیار کرن و خول بۆ بھێنە ڤەکرن ل سەر سێکس چۆنکو ئەڤ کارە ب مەترسینە، دڤێت ھشیاری ل سەر ھەبیت چۆنکو دێ تووش بینی زەحمەتە بێتە چارەکرن ڤە.
