ماموستایەکێ ئاینی ھاتە کوشتن
ئەڤرۆ نیوز ، ھلۆری:
پشتی نڤێژا ئەینی یا ئەڤرۆ ل سەنتەرێ قەزا قەلادزێ ژلایێ چەند کەسەکێن نەناسیار ڤە ماموستایەکێ ئاینی ھاتە کوشتن.
ل گورەی زانیاریێن ئەڤرۆ نیوز ، ئەڤرۆ ٧/٧/٢٠١٧ پشتی دوماھی ھاتنا نڤێژا ئەینی مەلا حازم سەدیق ناسیار ب مەلا ئەحمەدێ دێرێ کو د رەسەن دا خەلکێ شەقلاوێ یە ، د رێیا ڤەگەریان ل مزگەفتێ ھاتە کوشتن.
ئەو کەسێن کو تەقە ل مەلایێ ناڤبری کری ب ترومبێلەکا تەکسی ھاتبونە نێزیک مزگەفتێ و حەفت گوللە ل ئەوی ماموستایێ ئاینی داینە و دەملدەست گیانێ خوە ژ دەست دا.
دھێتە زانین کو ناڤبری بەرپرسێ زانایێن مەلبەندێ کومەلا ئیسلامی یە و پێشنڤێژێ مزگەفتا ئەلرەحمان بوویە ل قەلادزێ
ھەر ل گورەی زانیاریێن ئەڤرۆ نیوز ئاریشەیەکا جڤاکی دناڤبەرا ئەوان مەلایی و چەند کەسەکێن دن دا ھەیە و گومان ھەیە ئەوان ئەو تەقەکربیت ، بەلێ ھەتا نھا ئەڤ یەک نەھاتیە پشتراستکرن ژبەرکو ناھێتە زانین کا ئەو کەسانێن تەقە ل ئەوی ماموستایی کری کی بوون.
