ئيران ل گه‌ل ئيدارا نوو يا ئه‌مريكا كۆم نابيت
ئه‌ڤرۆ نيوز:
وه‌زيرێ ده‌رڤه يێ ئيرانێ داخوازا پێداچوونێ د رێكه‌فتنا ئه‌تۆمى يا ئيرانێ ل گه‌ل ئيدارا نوو يا ئه‌مريكا دكه‌ت و ره‌ت ژى دكه‌ت كو چو به‌رنامه‌ك بۆ كۆمبوون ل گه‌ل به‌رپرسێن ئيدارا نوو يا ئه‌مريكا هه‌بيت.
محه‌مه‌د جه‌واد زه‌ريف، وه‌زيرێ ده‌رڤه يێ ئيرانێ د سالرۆژا رێكه‌فتنا ئه‌تۆمى يا ئيرانێ ل گه‌ل وه‌لاتێن پێنج +1 داخواز ژ ئيدارا نوو يا ئه‌مريكا دكه‌ت كو پێداچوونێ د بڕيارێن خوه دا ل دۆر رێكه‌فتنا ئه‌تۆمى يا ناڤبه‌را خوه بكه‌ن و ئيمزاكرنا ئه‌وێ رێكه‌فتنێ ب مه‌زنترين سه‌ركه‌فتنا دبلۆماسى يا وه‌لاتێ خوه ب ناڤ بر.
وه‌زيرێ ده‌رڤه يێ ئيرانێ ره‌ت ژى كر كو د چارچۆڤێ كۆمبوونێن خوه يێن نيويورك ل گه‌ل وه‌زيرێ ده‌رڤه يێ ئه‌مريكا كۆم ببيت و گۆت: “ئيرانێ چو به‌رنامه‌ك بۆ دانوستاندنان ل گه‌ل ئيدارا نوو يا ئه‌مريكا نينه و كۆمبوون ل گه‌ل به‌رپرسێن به‌رێ يێن ئه‌مريكا ب تنێ د چارچۆڤێ دانوستاندنێن ئه‌تۆمى دا بوويه”.