عەمید سەرحەد قادر بۆ ئەڤرۆ نیوز – 30% ژ پارێزگەھا کەرکوکێ د دەستێ داعش دایە
ئەڤرۆ نیوز , رەمەزان ھەرنی :
رێڤەبەرێ پولیسێن قەزا و ناحیێن سەر ب پارێزگەھا کەرکوکێ دیارکر کو ھەتا نھا قەزایەک و پێنج ناحی و ھژمارەکا گوندێن پارێزگەھا کەرکوک د دەستێ داعشێ دا ماینە و پروسەیا ئازادکرنا وان ژی گەلەک خاڤە.
دڤی واریدا عەمید سەرحەد قادر رێڤەبەرێ پولیسێن قەزا و ناحیێن کەرکوکێ بۆ ئەڤرۆ نیوز گۆت: ( رەوشا ئاراما کەرکوکێ ڤەدگەرێتەڤە بۆ وی َچەندێ کو پێشمەرگە ل دەردورێن وێ ھەنە , ئەگەر پێشمەرگە نەبا نھا ئالایێ داعش دا ل کەرکوکێ ھێتە بلند کرن ژبەرکو ٣٠% ئاخا کەرکوکێ ل دەستێ داعش دایە و دنھادا قەزایەک و پێنج ناحی و ژمارەکا زورا گوندان د دەستێ داعشێ دانە )
زێدەتر گۆت: ( زێدەباری کو ھەتا نھا چوو پلان نینن بو رزگارکرنا وان و پروسە ب خاڤی ب رێڤە دچیت ، مەترسیەکا زور لسەر کەرکوکێ ھەیە ئەگەر ئەو دەڤەر نەھێنە کونترولکرن)
