دناڤ رێزێن خوە دەرئێخست – فەرھاد سەنگاوی تنێ 23 دەنگ ئینابوون و ئێکەتی کرە پەرلەمانتار
ئەڤرۆ نیوز ،نەوزاد ھلۆری:
ئەڤرۆ مەکتەبا سیاسیا ئێکەتیا نیشتمانیا کوردستانێ بریارا دەرکرنا فەرھاد سەنگاوی ئەندامێ پەرلەمانێ کوردستانێ ژ فراکسوونا ئێکەتی دەرکر و ددەتن دیارکر ژی کو ئەو تشتێ کو سەنگاوی ب رێیا ئێکەتی دەرئێخستی دێ ژ وی ھێت وەرگرتن ڤە و ھەردەما پەرلەمان ئاسایی بوو دێ پارێزبەندی ژ وی ھێتە وەرگرتن.
د راگەھاندنەکێ دا کو دانەیەک دەست ئەڤرۆ نیوز کەفتیە ، مەکتەبا سیاسیا ئێکەتیا نیشتمانیا کوردستانێ راگەیاند کو ل ڤان رۆژێن بوری بێژەرەکێ ب شاخ ب ناڤێ فەرھاد سەنگاوی کو لسەر لیستا ئێکەتی ھاتبویە بەربژێرکرن بو پەرلەمانی َکوردستانێ ، ژێدەباری کو سەنگاوی دگوتارێن خوەدا ھەڤدژوە و د دەما ھەلبژاردنان د ابتنێ ٢٣ دەنگ ئینابوون و ئێکەتی بو تەمامکرینە و گۆت : ( پشتی سەرھلدانا سالا ١٩٩١ سەنگاوی ھەردەم د گوت باشترین دەرفەت بو کوردان سەربخوە بوونە و سەرکرداتیا سیاسیا کوردستانێ نەوێرن بریارا سەربخوەیێ بدەن بەلێ دەما کو سەرکرداتیا سیاسیا کوردستانێ بریار دایی کو سەربخوەیێ ئەنجام بدەن ب رێیا ئەنجامدانا ریفراندۆمێ ئەو نھا د چیتە بەرەیێ کەمپینا نەخێر بو ریفراندۆم ، کو ئەڤ یەک ژی دژی سیاسەت و بەرژەوەندی و ھزر و بیرێن ئێکەتیێ و بەرنامەیێ وێ یە)
زێدەتر گۆت: ( ئەڤرۆ مەکتەبا سیاسیا ئێکەتی بریار دا کو سەنگاوی دناڤ رێزێن ئێکەتی نەمینیت و ھەردەما کو پەرلەمان ژی ھاتە ئاسایکرن دێ پارێزبەندی لسەر ھێتە وەرگرتن و ھەر تشتی َکو ژ ئەگەرا ئێکەتی دەست وی کەفتبیت دێ وەکو قەرەبو ژ وی ھێتە وەرگرتن و ئەو بخوە دێ ب رێیا قانونی بو ئێکەتی زڤرینیت ڤە )
