کومسیونا راگەھاندن و گەھاندنێ یا عیراقێ داخوازا راگرتنا بەرنامەیەکێ NRT دکەت
ئەڤرۆ نیوز ، ھلۆری:
کومسیونا راگەھاندن و گەھاندنێ یا سەر ب عیراقێ ڤە داخوازا راگرتنا ئێک ژ بەرنامەیێن کەنالێ NRT دکەت و ددەتن دیارکرن کو ئەڤ بەرنامەیە چەندین زێدەگاڤیان لسەربنەمایێن رەوشتی کرینە.
کومسیوونا ناڤبری ب رێیا نڤیسارەکا فەرمی کو ئیمزا دکتور عەلی ناسر سەرۆکێ دەزگەھێ جێ بەجێ کار لسەرە و دانەیەک دەست ئەڤرۆ نیوز کەفتیە تێدا دیاردکەت کو ل گورەی ئەوان دەستھەلاتێن وان ھەیی و لژێر دەستووری و فەرمانا ھژمار ٦٥ یا سالا ٢٠٠٤ و ب مەرەما رێکسختنا کەنالێن راگەھاندنێ و گەھاندنێ ل عیراقێ دخوازین بەرنامەیێ بەشیر شوو بھێتە راگرتن کو چەندین زێدەگاڤی کرینە و ئەگەر بەردەوام بیت دێ پێرابونێن قانونی ھەمبەر بھێنە وەرگرتن.
بەرنامێ ناڤبری ئێکە ژبەرنامەیێن کەنالێ NRT ئەلعەرەبیە و ب کومێدی لسەر ھندەک پرسان د راوەستیت و زێدەگاڤیان لسەر رەوشێن کەسایەتیان دکەت.
