680 پوستێن دن بو چوونا حەجێ هاتنە راگەهاندن
ئەڤرۆ نیوز ، نەوزاد هلۆری:
رێڤەبەریا گشتی یا حەج و عومرەیا هەرێما کوردستانێ دیارکر کو هەرکەسێ حەزا چونا حەجێ هەبێت دکاریت ل گۆرەی هندەک مەرجان بیت کو ئێک ژ وان دانا پارەیەکێ زێدەترە.
دڤی واریدا “قاسم رەسووڵ بەرزنجی ” رێڤەبەرێ رێڤەبەریا گشتی یا حەج و عومرەیا هەرێما کوردستانێ دیارکر کو سعودیێ رەزامەندی دەربری یە کو 680 کەسێن دن ل هەرێما کوردستانێ بو مەرەما حەجێ وەربگریت و بۆ ئەڤرۆ نیوز گوت: (هەموو کەس دکارن مفای ژ ڤێ دەلیڤێ وەربگرن ، بەلێ بو ئەڤان کەسان چوو جه نەهاتینە دەستنیشانکرن ژبەرڤێ ئێک ژ مەرجێن وێ ئەوە کو دێ زێدەتر پارە ژ وان هێتە وەرگرتن)
زێدەتر گۆت: (هەر کەسەکێ بکاریت ئێک ژ وان دەلیڤێن لسەری دەستخوڤە بینیت پێدڤی یە کوژمێ شەش هزار دولاران بدانیت ، و ژبلی ئەڤان کەسان ئەڤ سالە ب رێیا تیروپشتێ سێ هزار 650 کەس چوێنە حەجێ و هەر ئێک ژ وان ژی کوژمێ سێ هزار 600 دولار ژێ هاتینە وەرگرتن)
