ب وێنە – نێزیکێ ھزار 500 کەس تێدا کاردکەن و ئەڤ کێماسیە ھەیە

ئەڤرۆ نیوز ، نەوزاد ھلۆری:
زێدەباری کو چەند خزمەت ژ بوو نەخۆشخانا شار یا فێرکاری و تەنگاڤیان ل سلێمانیێ نەھاتینەکرن و نێزیکێ ھزار و ٥٠٠ کەسان وەکو نوژدار و ھاریکار و پەرستار و فەرمانبەر تێدا کاردکەن و رۆژانە دەھان جورێن نەشتەرگەری و چارەسەریا ددەن نەخۆشخان ھەتا نھا پشکا راگەھاندنێ نینە کو ھەلسەنگاندن و چالاکیێن وان پێش چاڤ بکەت.
دڤی واریدا سێوە فاتح سەرۆکا پەرستارێن سلێمانیێ بو ئەڤرۆ نیوز گۆت: (نەخۆشخانا شار یا فێرکاری و تەنگاڤیان ل سلێمانیێ کو نێزیکێ ھزار و ٥٠٠ کەسان وەکو نوژدار و ھاریکار و پەرستار و فەرمانبەر تێدا کاردکەن و رۆژانە دەھان جورێن نەشتەرگەری و چارەسەریا ددەن نەخۆشخان وسالانە چەندین کوربەندێن ساخلەمی و ورگشوپ و سمینار و ڤەکولینێن زانستی و مەشق و راھێنان ئەنجام ددەن و ھژمارەکا زور یا نەشتەرگەریێن کێم وێنە لسەر ئاستێ کوردستانێ دھێنەکرن و چەندین نوژدارێن بناڤ و دەنگ ھەنە و خزمەتەکا زورا بەرفرەە بو خەلکی َکوردستانێ و سلێمانیێ دکەن بەلێ ھەتا نھا دە پشکا راگەھاندنێ نینە کو ھەلسەنگاندن و کار و چالاکیێن وان پێش چاڤ بکەت و ئەڤ یەک ژی بویە سەدەم کو سەرجەم خزمەتا وان بەر ئاڤ دا بچیت ، و ژلایەکێ دنڤە خەلک ژی نوزانن کا ئەڤ نەخوشخانە چ دکەت و چ ھەیە داکو زێدەتر سەردانێ بو بکەن )
زێدەتر گۆت: ( نھا د جیھانێ دا دەزگەھێن راگەھاندنێ باشترین ئالیەتێن ناساندنێ نە و پێدڤی یە ھەموو دەزگەھێن مەزن پشکا تایبەت ب خوڤە ھەبیت داکو ناساندنەکا گشتی بو نەخوشخانێ بکەت ب تایبەتی لسەر ھاتنا نوترین کار و بزاڤ و چالاکی و ھاتنا نوژداران و جورێن چارەسەریان )
سێوە فەتاح دیارکر ژی کو پێدڤی یە جھەتەک ھەبیت ھەموو کار و چالاکیێن نەخوشخانێ ئەرشیف بکەت و گۆت: ( پێدڤی ی جھێن شولەژێ ل ئەڤرۆ وێڤە خەمەکا دی بدەن کەرتێ ساخلەمیێ و ئێک ژوان ژی ژ روویێ راگەھاندنێ ڤە داکو زێدەتر بو وەلاتیان دیاربیت کا چ ھەیە ل ئەوان دەزگەھان)

کۆمێنتا تە