ئه‌و كه‌سێن بو جارا ئێكێ پشكداریێ د هه‌لبژاردنان دكه‌ن ، به‌رسڤا وان دێ چ بیت؟

ئه‌ڤرۆ نیوز ، نه‌وزاد هلۆرى:
ئه‌و كه‌سانێن كو دێ بو ئێكه‌م جار پشكداریێ د پرۆسه‌یه‌كا ده‌نگدانێ دكه‌ن دده‌ن دیاركرن كو دێ ئه‌و ب گه‌رما و گه‌رم به‌ر ب سندوقێن ده‌نگدانێ چن و ب به‌لێ ده‌نگێ خوه‌ ده‌ن ، و دیاردكه‌ن كو ئه‌ڤ ده‌نگدانه‌ ژ هه‌موو ده‌نگدانێن دن جودایه‌ و بو سه‌ربخوه‌ى یا كوردستانێ یه‌ نه‌ك حزبه‌كێ.
سه‌ركه‌فت عومه‌ر گه‌نجه‌كه‌ و پشكدارى د چه‌ند كه‌رنه‌ڤاله‌كان دا كریه‌ ژ وانان كه‌رنه‌ڤالا ئاكرێ بۆ سه‌ربخوه‌ى یا كوردستانێ بۆ ئه‌ڤرۆ نیوز گۆت: ( ئه‌ز وه‌كو گه‌نجه‌كێ ئاكرێ ب مه‌ره‌ما پشته‌ڤانیا ریفراندۆما كوردستانێ پشكدارى كه‌رنه‌ڤالا سه‌ربخوه‌ى یا كوردستانێ ل ئاكرێ بویمه‌ ، و من نه‌ڤێت د ده‌وله‌ته‌كێ دا بژیم كو من ب مروڤێ پله‌ دوو ب هژمێریت ، ب هه‌موو شیانێن خوڤه‌ دێ پشته‌ڤانیا ریفراندۆمێ كه‌م ، خوه‌ ئه‌گه‌ر ب ئاهه‌نگان ژى بیت و ل رۆژا 25 ئیلونێ ژى دێ ب به‌لێ ده‌نگى ده‌م)
به‌ره‌ڤان جه‌بار كو ل ده‌ڤه‌را ئامێدیێ و ناحیا شێلادزێ پشكدارى د كه‌رنه‌ڤالا ئاكرێ و هه‌ولێر و دهۆك ژى دا كر بوو دیاركر كو ئه‌و دێ بو جارا ئێكێ پشكداریێ د هه‌لبژاردنان كه‌ت و ده‌نگێ وى ژى به‌لێ یه‌ و بۆ ئه‌ڤرۆ نیوز گۆت: ( دایك و بابێن مه‌ خه‌بات و قوربانیدان بو ده‌وله‌تا كوردستانێ كریه‌ ، و مه‌ هژماره‌كا زور یا شه‌هیدان و ئه‌نفال و جینوسایدان داینه‌ و نابیت ئه‌م خه‌باتا وان بیر بكه‌ین و به‌ر ئاڤدا به‌رده‌ین ژ به‌رڤێ گرنگه‌ هه‌ر كه‌س پشكداریێ د ریفراندۆمێ بكه‌ت و بێژیت به‌لێ بو ریفراندۆم )
زێده‌تر گۆت: ( كوردستان وه‌لاته‌ك خوشه‌ و هه‌موو تشت هه‌نه‌ بتنێ ده‌وله‌ت نه‌بیت و ئه‌ز بێژم ئه‌م ژى وه‌كو هه‌موو جیهانێ خودان مافین و مه‌ژى ماف هه‌یه‌ ببینه‌ ده‌وله‌ت و ئازاد بژین)
یاسین محه‌مه‌د وه‌كو ئێك ژ شاره‌زایێن جڤاكى دده‌تن دیاركرن كو گه‌رما و گه‌رما ئه‌و كه‌سانێن كو دێ بو ئێكه‌مین جار چنه‌ ده‌نگدانێ ژ هندێ هاتیه‌ كوپ رسا ریفراندومێ پرسه‌ك نیشتمانیه‌ و چوو په‌یوندى ب لایه‌نێن سیاسى نینه‌ و بۆ ئه‌ڤرۆ نیوز گۆت: ( پێدڤى یه‌ لایه‌نێن سیاسى فێلبازیان ژ خوون گه‌رمیا گه‌نجان نه‌كه‌ن و روویێ راست یێ سه‌ربخوه‌ى یا كوردستانێ بو وه‌لاتیان و گه‌نجان دیار بكه‌ن ، و ل بن په‌ردێن سیاسه‌تێ گه‌نجان نه‌خاپینن)
زێده‌تر گۆت: ( زور گرنگه‌ لسه‌ر پرسێن نه‌ته‌وه‌یى و نیشتمانى كو راسته‌وخوه‌ په‌یوه‌ندى ب هه‌موو تاكێن جڤاكى و پێكڤه‌ ژیانا ئاینى و نه‌ته‌وه‌یى هه‌یه‌ هه‌موو گه‌لێ كوردستانێ ئێك ده‌گ و ئێك هه‌لویست بن وه‌كو چه‌وا وه‌لاتیێن كوردستانێ هه‌موو ل گه‌ل سه‌ربخوه‌یێ نه‌)
نه‌رمین عه‌بدوللا كو ئه‌و ژى دێ بو جارا ئێكێ پشكداریێ د هه‌لبژاردنه‌كێ دا كه‌ت بو ئه‌ڤرۆ نیوز گۆت: (هه‌تا نوكه‌ عیراقێ دڤیا بناڤێ مه‌ ب ئاخڤیت و سه‌ر ئیرادا مه‌ زال بیت ، به‌لێ ئه‌ڤرۆ ئه‌م هه‌موو ل ڤێره‌ینه‌ و مه‌ دڤێت ئه‌م بخوه‌ بریارا چاره‌نڤیسێ خوه‌ بده‌ین ، و ئه‌گه‌ر خودێ حه‌ز بكه‌ت رۆژا 25 ئیلونێ دێ ده‌نگێ خوه‌ یێ ئێكه‌مین ب هێله‌كا راست بو بن ئالایێ كوردستانێ و به‌لێ بیت)

کۆمێنتا تە