ئهم و ئهو حهیس و بهیسا دوژمنان!؟
دونیایهكا زۆر سهیرهئهڤا ئهم تێدا دژین؟ هندی ئێكی بهرژهوهندی ل گهل ته ههبیت، تو یێ ئازادی چ دكهی وهبكه و دێ پشتهڤانیا ته ژی كهت و مهدحه و دهستخۆشیان ل ههمی كارێن تهكهت، لێ ههر گاڤا تهڤیا تو ژی بۆ بهرژهوهندیا خوه كار و خهباتێ بكهی و خوه ژ بن زولم و زۆرداریا هندهكان دهربێخی و ئازادانه بژی، دێ وی دهمی خودانێن وان بهرژهوهندیان بنه رێگر و ئاستهنگ ل بهرامبهر ئارمانجێن ته..
ئهڤ چهنده مه دیت و گوهلێبوو و ژ رۆژا ٢٥/٩ هاتیهدهستنیشانكرن بۆ ئهنجامدانا ریفراندۆمێ ل كوردستانێ و چاوا شاند ل دووڤ شاندی یێ قهستا كوردستانێ و سهرۆك بارزانی و ههڤالێن وی یێن سهركردێن كورد دكهن و ههتا نوكه مه گوه لێ نهبوویه كو ئێك ژ وان بۆ خێرا مه كوردان هاتیه دهف وان یان پشتهڤانیا خوه بۆ ریفراندۆمێ و سهربهخۆیا كوردستانێ رابگههینیت!! باشه بۆچى؟ ئازادی و دهولهتبوون بۆ ههوه ههمیان حهلال و زهلال بیت و بۆ مه كوردان بكه قورهدهر؟ بۆچی هوون وهلاتێن زلهێزێن جیهانێ باشۆرێ سوودانێ و كۆسۆڤۆ و مۆنتنیگرۆ كره دهولهت و دبێژنه مه، جارێ هوون دهولهتبوونا خوه پاشبێخن!! باشه ئهورۆپا، چیكۆسلۆڤاكیا یا ل بن گوهێ ههوه و خوه كره دو دهولهت؟ یۆگسلاڤیا پارچهپارچهبوو؟ ئێكهتیا سۆڤیێتی ههمان تشت؟ ئهڤه ههمی بلا، لێ پا كوردستان نابیت ژ عیراقێ جودا ببیت! باشه دێ كا ههما هوون باش هزرێن خوه بكهن، ما ژ بلی سهر كاغهزێ و نهخشێ جیهانێ دهولهتهك ل سهر عهردی مایه ب ناڤێ عیراقێ؟ هوون ب خوه ژی ڤێ چهندێ دزانن لێ چاڤان لێ دنقینن!؟ دێ ههر هێن و بێژنه مه جارێ دهم نهیێ گونجایه!! باشه نهیێ گونجایه كا دێ وهرن مهتێبگههینن ب دیتنا ههوهیێن بهرێز، كهنگی دێ ئهو دهمێ گونجایێ هوون ژێ دبێژن هێت دا كوردستان ژی ببیتهدهولهت؟ ما گونهههكا مهزن نینه كو ههتا نوكه ههوهب خوه عیراق هێلایه ئێك پارچه؟ یان ههوهپێ خۆشه مللهتێ عیراقێ ب ڤی رهنگی بژیت؟ فهرمانا ئێزدیان بهێتهراكرن؟!، مهسیحیێن وێ ههمی بۆ خوه ژێ رهڤین؟! كورد ههردهم ل بن مهترسیێ بن یان ئهنفالن یان مووچه بڕینه، یان گهڤكرنن!؟ توركمان نزانن كا كوردن یان عهرهبن؟! نزا ههوه دڤێت ئهڤه ههمی بهێنه كوشتن و سۆتن و ئهشكهنجهدان و رهڤاندن و یێن مایین ژی ل ژێر ترس و برسێ بژین دا بێهنا ههوهبهێت!! نزا هوون بۆچی د راستگۆ نابن ل گهل مه كوردان، كو ههوه ههتا بهری راگههاندنا ئهنجامدانا ریفراندۆمێ ژی ئهم ب دۆست و ههڤال و ههڤپهیمانێن خوه یێن نێزیك ددانا و هوون دزانن كورد و پێشمهرگێن وان نهبان، خودێ دزانیت كا دا نوكهكی حوكمی ل ههمی عیراقێ كهت!؟
ئهڤجا هیڤیه ڤێ حهیس و بهیسا خوه بهێلن و وهرن ژ راستا د گهل مهدا بن.. ئهمین پاشهرۆژا رۆژههلاتا ناڤین نهك عیراق، ئهمین دێ بهرژهوهندیێن ههوه پارێزین نه عیراق، ئهمین دێ بۆ ههوه پشت بین ل ڤێ دهڤهرا ئاگری نهعیراق، ههما بلا ئهو چهنده ل بیرا ههوه بیت دهمێ هوون ژ بهغدا دهێنه كوردستانێ بێهنڤهدانێن خوه دكهن و ئازادانه لێ دگهرن و دخۆن و ڤهدخۆن و دنڤن، چونكی ل بهغدا هوون نهوێرن ژ بالیۆزخانه و بارهگا و نڤیسینگههێن خوه دهربكهڤن!! وهرن دهستێن خوه بكهنه د دهستێن مهدا، چونكی كوردان ئێك ساخلهت یا ههی، ئهو ژی ئهوه نهدوژمنێ خوه ژبیر دكهت و نهههڤالێ خوه.. هوون یێ ب چاڤێ خوه ژی دبینن كو ئهف حهیس و بهیسا هوون دكهن بۆ پاشخستنا ریفراندۆمێ و نه ئهنجامدانا وێ ژ لایێ مللهتی ڤه یا دهێته رهفزكرن بهری سهركردایهتیا كوردی.. ئهڤجا پیچهكا وژدانێ ل گهل مه بكاربینن چونكی باب و باپیرێن وه ژی دبندهستبوون و خهبات بۆ ئازادیا خوه كر ههتا هوون ئهڤرۆ ئازادانه دژین، لهوما بهێلن ئهم ژی بۆ كوڕ و نهڤیێن خوه ئازادیێ و سهبخوهیێ براگههینین..
