ب ڤیدیو – هژمارا قوربانيێن شێلادزێ ژلایێ فرۆكێن توركیا بو حه‌فت كوشتیان بلندبوو
ئه‌ڤرو نیوز ، ئێقبال عومه‌ر:
دوهى و شڤێدى فروكێن توركیا حه‌فت كه‌س ژ وه‌لاتیێن سڤێل كو ئاكنجیێن سنوورێ ناحیا شێلادزێ نه هاتنه كوشتن.
دڤى واریدا ” زێدان ته‌مه‌ر ” شایه‌تحال و ئێك ژ كه‌س و كارێن وان قوربانیان بو ئه‌ڤرۆ نیوز گۆت: ( شڤێدى چوار ژ كه‌س و كارێن من ب مه‌ره‌ما ماسیان قه‌ستا ده‌ڤه‌را رێكان كر به‌لێ بونه ئارمانجا بوردومانا فرۆكێن توركیا ، ئه‌ڤه زێده‌بارى كو سێ كه‌سێن دن ژى ل نێزیك گوندێ سیته و ئاڤا مارك ژلایێ فروكێن توركیا هاتینه كوشتن كو سه‌رجه‌مێ هه‌مووان دبنه حه‌فت كه‌س)
زێده‌تر گۆت: ( ئه‌و سێ كه‌سێن كو ل نێزیك گوندێ سیته هاتینه كوشتن ، ته‌رمێن وان گه‌هشتینه نه‌خوشخانا شێلادزێ ، به‌لێ ئه‌وێن كو ل گوندێ باڤیا لسه‌ر رووبارێ شین هاتینه كوشتن نه‌هاتینه زڤراندن ژبه‌ركو په‌كه‌كه ناهێلن ته‌رمێن وان بزڤرینن و گوت ئه‌م دێ زڤرینین)
