پێنچ ملیۆن و ٢٠٠ ھزار لترێن پانزینێ دێ گەھنە دھۆکێ
ئەڤرۆ نیۆز، رێوار مزیری:
جێگرێ پارێزگەرێ دھۆکێ بۆ کاروبارێن تەکنیکێ بۆ ئەڤرۆ نیۆز دیار کر کو ١٣٥ ھەتا ١٥٠ ترۆمبێلێن پانزینێ ئەڤ شەڤە یان سوبەھی سپێدێَ دێ ژ وەلاتێ تورکیا گەھنە پارێزگەھا دھۆکێ و دێ ل سەر پانزینخانێن دەڤەرێ ھێنە بەلاڤکرن و گۆت:”چو قەیرانێن پانزینێ پەیدانەبووینە”.
ئوسمان یونس، جێگرێ پارێزگەرێ دھۆکێ بۆ کاروبارێن تەکنیکی ئاشکرا کر کو پێنچ ملیۆن و ٢٠٠ ھزار لترێن پانزینێ ئەڤ شەڤە یان سوبەھی سپێدێ دێ ژ وەلاتێ تورکیا گەھنە دھۆکێ و گۆت: “ھاتنا پانزینێ ژ وەلاتێ تورکیا یا بەردەوامە و چو مەترسی ل سەر نینە و ھەکە تورکیا پانزینێ نەھنێریت ژی مە تێرا حەفت رۆژان پانزینا عۆمبارکری یا ھەی و دێ ل سەر شۆفێران ھێتە بەلاڤکرن”.
