ته‌نگاڤى دكورتن!
به‌رى دو رۆژان سه‌رۆكێ هه‌رێما كوردستانێ ل به‌رامبه‌ر مایكێن رۆژنامه‌ڤان راوه‌ستیا و به‌رسڤا هه‌مى پرسیارێن ده‌زگه‌هێن میدیایى دان، ل ده‌مێ كۆمبوونا ره‌وشا لێقه‌ومى و ئاواره‌یان هاتیه ئه‌نجامدان، چه‌ندین داخۆیانى و رۆهنكرنێن گرنگ دیاركرن، ئارامیه‌كا بێنفه‌ره‌ه بۆ خه‌لكێ مه په‌یداكر، چونكو دیتنا هنده‌ك كه‌سێن مه‌زن و خوه‌دى باوه‌رى ڤان رۆژان یا گرنگه، خه‌لك مه‌زنه به‌رپرسه‌كێ ببینیت، خه‌مۆكى ژى دبهۆژیت، ل ده‌مه‌كى كو بۆیه‌رێن ل ب له‌ز ب سه‌ر مه دادهێن، وه‌كو سیناریۆیێن فلمه‌كى لێ هاتینه، هه‌ر د ناڤبه‌را چه‌ند سعه‌ته‌كان سپرایز چێدبن، له‌ورا ل ڤان كاوانان ژى خه‌لكێ پێدڤى دیتن و گوهلێبوونا په‌یڤینا مه‌زنه به‌رپرسانه. دبیته روودان و گوهۆرین، سه‌رێ حیكمه‌تێ ئه‌و بوویه كو ئه‌ڤ ره‌وشه دێ ژێ ده‌رباز بین، وه‌كو هه‌مى ویسگه‌هێن مه د ژیارا خوه یا كورده‌وارى دا دیتین، دێ ژى تێپه‌ری بین و ئاڤ دێ زڤریته جۆیا خوه، به‌لكو باشتر ژى. مرۆڤ هزرا خوه ب هوورى بكه‌ت، ئه‌رێ به‌رئاقله ئه‌ڤ گه‌رموگۆریا جه‌ماوه‌رى به‌رى ده‌مه‌كێ كێم ژ بانگه‌شا ریفراندۆمێ هه‌ما ب ئاڤێ دا بچیت و ئیراده‌یا ملیۆنان هه‌ڤوه‌لاتیان ببنه دیكێله‌ك؟! ئه‌و كیژ سه‌ركرده‌یه ئه‌ڤرۆ ل عیراقێ یان ل رۆژهه‌لاتا ناڤین بوێریت ده‌ربكه‌ڤیته نیڤا جاده و گۆره‌پانان دا، كو كه‌سه‌ك هیمه‌كێ نه‌گه‌هینتێ وه‌كو هنده‌كێ، مه دیتین ل سه‌ر سایت و ده‌زگه‌هێن میدیایى و ئه‌نترنێتى، نه‌خاسمه ژ لایێ ئه‌وله‌هى ڤه‌ى ـ بلا بیت ـ ؟!. هه‌لبه‌ت ئه‌ڤه ژێده‌ره‌ك هه‌یه ب هێزه ناهێته هه‌مبه‌ر چه‌ند كه‌ساتیێن سیاسى، كو هه‌مى رێك ل به‌ر وان وه‌ندا بووینه، كا چاوا ڤى ملله‌تى بێهیى بكه‌ن و قه‌ده‌غه بكه‌ن ژژیانێ؟!!
ما ده‌م مه هه‌میان ب جۆش و خرۆژى ڤه تبلا خوه مۆركر، ئێدى ئه‌م هه‌مى خوه‌دیێن بریارێینه، كو ئێك بكه‌ته سویچێن یێ دى؟!، ماده‌م ئه‌م هه‌مى دزانین كو دێ ئه‌ڤ قووناغه تێپه‌ریت، بۆچى ئه‌م خوه پۆسیده و بێهیڤى دكه‌ین كو پرۆپاگنده مه بێزار بكه‌ن، مه به‌لێ یا خوه یا ب هێز گۆتى، بلا خۆراگرى ژى یا بهێز بیت. بیرا من دێت ل هه‌مى ته‌نگاڤیان نێچریڤان بارزانى شه‌ڤ و رۆژ كرینه ئێك ب بزاڤێن خوه و ئه‌و دۆستاتیێن وى ل گه‌ل لایه‌نێن ده‌ولى دابنكرین، هه‌ر ب مه‌را گه‌هشتیه و گرنژین ژى ل سه‌رێ رویێ ڤى گه‌لێ دلسۆز په‌یدا كریه، من هه‌رێ گۆتى ژى بێ موجامه‌لات، كو یۆزارسیفێ كوردان گه‌هشتیه. ماده‌م تو د هانا لێقه‌ومى و ئاوه‌ریان چوو، ئه‌و ژى رێكه‌كه دێ هێته نێزیككرن ژ لایێ جڤاكێ ده‌ولى ڤه، كو ئاوه‌ره‌بوون ل سه‌ر ئه‌ردێ مه‌یه و ئه‌م یێن كه‌فتیه به‌ر مه‌ترسیێن ئاوه‌ربوونێ، دێ بنه فاكته‌ره‌كێ كاریگه‌ر و پێشچاڤ، كو ئارامى و سه‌قامیگرى به‌هرا وه‌لاتێ مه‌بیت، هه‌كه نه مه پێ نه‌خۆشه هێزا خوه یا جۆراتى بكاربینیت زێده‌تر ژ به‌رگریكرنێ كو پێشمه‌رگێ ب هێزه و پیرۆزیا ڤى ملله‌تێ ب ئیراده‌یه. ل ڤێ قووناغێ ئه‌م پتر پێدڤى ئێكودوینه، وه‌كو سه‌ركردێ ناڤبرى ژى ئاماژه پێ دا كون ها قووناغا ئێكرێزیێ یه و ئه‌و ناكۆكیێن لۆكال بلا بهێنه لادان. چونكو چو نه‌ماینه بگه‌هینه كنارێ ئارام به‌س ده‌ستێ مه بگه‌هیته وه‌ریسه‌كى، به‌لێ هه‌كه ئه‌م پاپۆرا خوه بپارێزین.!
