سیاسهت و كومێدیا
شارهزایێن پهیوهندیێن گشتى شیرهتا ل سیاسى و سهركردا دكهن كو هندهك جارا گهنگهشه و سوحبهتێن خوه ب نوكته و پێكهنینا تام بدهن داكو خهلكى زهوقێ گوهداریا وان ههبیت و بشێن ههتا دووماهیا گهنگهشێن وان بمینن.
ل جیهانا رۆژئاڤا و ئهمریكا ژى هندهك نڤیسینگههێن تایبهت ههنه دهمێ سیاسهتمهدارا بڤێت قهستا وان دكهن و پارا ددهنێ، داكو نوكتێن نوو بۆ بهێنه گۆتن، گهلهك جارا ژى دهمێ سهرۆكێن ئهمریكى پهیڤان پێشكێش دكهن دناڤدا دێ بهحسێ هندهك نڤیسهرێن كومێدیایێ كهن.
ل وهلاتێن جیهانا سیێ سهركرده و سیاسهتمهدارێن وان پێدڤى ب نوكتا نینن، چونكو ههبوونا هندهك ژوان ل سهر كورسیكێ نوكتهیه، یانژى ئهو بخوه ژێدهرن بۆ دروستبوونا نوكتا، نوكه دهێنه چێكرن ل سهر وان سیاسهتمهدارا و مه نهڤێت ژى ئهم ل ڤێرێ بهحسێ وان نوكتا بكهین یێن خهلك ل سهر بهرپرس و سیاسیێن مه دروست دكهن وهكو رێزگرتنهك بۆ قانوونا رۆژنامهڤانیێ، بهلێ ئهم دێ بهحسێ هندهك نوكتێن كهڤن كهین كو رهنگه ل سهر ڤى زهمانى ژى بهێنه بجهئینان.
ل شهرهكێ دژوار دا، سهركردهكى د پهیڤا خوهدا گۆته لهشكرى: گهلى وهلاتپارێز و خهلكێ خوشتڤى.. ئهم نوكه یێ د شهرهكێ گران دا ل ههمبهر دوژمنهكێ درنده، ههتا ههكه مه شكهستن ژى خوار خوه نهترسینن، چونكو ل وى دهمى هوون دێ ژیانهكا خوشتر بهن ژ ژیانا كو نوكه هوین ل بهر سیبهرا حوكمهتا مه دبورینن، ئهڤه نوكتهكه ژ نوكتێن ئیتالى، یا زانا ئهوه كو ئیتالیا، موسولینى ل شهرێ جیهانى یێ دوێ گهلهك شكهستن خوارن و ل شوینا ببیته پشتهڤان بۆ ههڤپهیمانا خوه یا ئهلمانى بۆ بارگرانى ل سهر وێ ، پشتى ب دووماهى هاتنا شهرێ جیهانى و دهستپێكرنا شهرێ سار دناڤبهرا ئهمریكا و ههڤپهیمانێن وێ و یهكێتیا سوفیهتى، پرسیار ژ جهنهرالهكێ ئیتالى هاته كرن: رهئیا وه چیه ههكه شهر دناڤبهرا ئهمریكا و رۆسیا دا پهیدابوو و هوون دێ ل گهل كێ بن؟
جهنهرالى ئێكسهر بهرسڤ دا و گۆت: دێ ل گهل رۆسیا بین.
ئهو كهسێ پرسیار كرى حێبهتى ما، باشه چاوا ئیتالیا ههڤپهیمانا ئهمریكایه و دێ ل گهل رۆسیا بیت؟
جهنهرالى گۆت: ئهم ئیتالى شهرى ناكهین و مه بڕیار یا داى ببینه ئێخسیرێن رۆسیا و بۆ گهلهك باشتره ئهم ئێخسیرێن رۆسیا بین ل شوونا كو ئێخسیرێن ئهمریكى بین.
پرسیار ژ سهركردهكى ژى هاته كرن، ئهرێ تو چاوا قانوونێ دبینى؟ د بهرسڤێ دا گۆت: ئهز عاشقێ ئێكێ یێ قانوونێ مه و قانوون جوانترین عنتیكهیه و قانوونا وهلاتێن رۆژههلاتا ناڤهراست گهلهك یا جوانه لهورا ئهزێ لێ عاشق بوویم.
ئێكى پرسیارهك ژ سهركردهیهكى كر و گۆتێ: هژمارا خهلكى وهكو كێڤریشكا یا زێدهدبیت، ههوه چو پلان ههنه بۆ رێكخستنا خێزانێ و كێمكرنا رێژا مرۆڤان ههیه؟
وى سهركردهى پشتى بێهنهكێ هزرێن خوه كرین گۆت: دێ قانوونهكێ بۆ ڤێ چهندێ دهرئێخین، پهیامنێرى گۆتێ چاوا؟ وى گۆتێ: دێ بڕیارێ دهین ل شوونا ژن نهه ههیڤا یان دوگیان بیت بلا بكهته نهه سال.
سهركردهیهكى ژى سۆز دا وهلاتیێن خوه 100 سالا حوكمى بكهت و هنگڤینى و تشتێن خوش بۆ پهیدابكهت، وهلاتیێن وى بهرسڤا وى دا و گۆت: مه رۆژهكا خوش ب تنێ دڤێت ئهوژى رۆژا خاترخاستنا تهیه، بهلێ سۆز دا وهلاتیێن وى ههتا ههتایێ وێ رۆژى نهبینن.
