هاتيه نووكرن: نڤيسينگه‌ها عه‌بادى مه‌رجێن دانوستاندنێ ل گه‌ل هه‌رێمێ ئاشكه‌را كرن
ئه‌ڤرۆ نيوز:
پشتى بڕيارا دادگه‌ها بلندا فيدرالى ل دۆر ژناڤبرنا ئه‌نجامێن ريفراندۆمێ، نڤيسينگه‌ها سه‌رۆك وه‌زيرێن عيراقێ مه‌رجێن ده‌سپێكرنا دانوستاندنا ل گه‌ل هه‌رێما كوردستانێ ئاشكه‌را كرن و دبێژيت: “دڤێت ده‌سته‌لاتا ناڤه‌ند ل سه‌ر هه‌ردو دوسيێن ئه‌منى و په‌ترۆلێ دا بهێنه سه‌پاندن.
سه‌عد حه‌ديسى ئاخفتنكه‌رێ ب ناڤێ نڤيسينگه‌ها حه‌يده‌ر عه‌بادى، سه‌رۆك وه‌زيرێن عيراقێ راگه‌هاند كو بڕيارا دادگه‌ها بلندا فيدرال ئه‌و دانوستاندنێن به‌رى نوكه ئێكلاكرن ده‌رباره‌ى قانوونيبوونا ريفراندۆمێ، دادگه‌هێ ريفراندۆم و ده‌رهاڤێژێن وێ و ئه‌نجام ره‌تكرن.
حه‌ديسى ئاماژه ب وێ چه‌ندێ كر كو نوكه چاڤه‌رێ خواستێن حوكمه‌تا هه‌رێما كوردستانێ نه بۆ ئه‌نجامدانا دانوستاندنان ل سه‌ر بنه‌مايێ دستوورى، ئه‌و ژى دڤێت ببيته بنه‌مايه‌ك د وێ رێ دا دڤێت گرێدايى بڕيار و ئێكه‌تيا عيراقێ بن بۆ دانوستاندن و چاره‌كرنا هه‌ڤركيێن ناڤبه‌را هه‌ولێر و به‌غدا.
سه‌عد حه‌ديسى خۆيا ژى كر كو ئه‌نجامدانا دانوستاندنان گرێدايى رێزگرتنا دستوورى يه و ده‌رهاڤێژێن وێ يه، رێزگرتن ل بڕيارێن دادگه‌ها بلندا فيدرالى، پێنگاڤێن مه‌يدانى يێن ل سه‌ر ئه‌ردى ب تايبه‌ت كارێ هه‌ڤپشك د وارێ ئه‌منى و په‌ترۆلێ دا، سه‌پاندنا ده‌سته‌لاتا ناڤه‌ند ل سه‌ر هه‌ردو دوسيان دا، ئه‌ڤه ل ده‌سپێكا سه‌ر ژ نوو بنياتنانا باوه‌ريێ يه بۆ ب هێزكرنا ديالۆگا ئه‌رێنى.
