سالا 2018 دێ هێرشێن ئه‌لیكترونى زێده‌تر بن
ئه‌ڤرۆ نیوز، نه‌وزاد هلۆرى:
كۆمپانيا ماكافى بۆ پاراستنا پێزانینان دیاركر، دهێته پێشبینیكرن سالا 2018 یا تژى بیت ژ هێرش و تاوانێن ئه‌لكترونى و ب زه‌حمه‌ت ژى بهێته كونترولكرن.
ل گۆره‌ى زانیاریێن كۆمپانیا ناڤبرى ئه‌ڤ ساله ب ره‌نگه‌كێ به‌رفره‌هـ سالا هاككه‌ران بوویه ب تایبه‌تى هاككه‌رێن جورێ ” باد رابیت ، نوبت بتیا و وانا كراى ” كو بوویه ئه‌گه‌رێ تێكدانا هزاران كار و كۆمپیوته‌ران ل هه‌موو جیهانێ، ب تایبه‌تى ل فه‌ره‌نسا و بریتانیا ، به‌لێ دهێته چاڤه‌رێكرن كو سالا داهاتى خراپتر بیت.
به‌رنامه‌یێ ڤایروسیێ “وانا كراى ” ل مه‌ها شه‌ش یا ئه‌ڤ ساله وه‌زاره‌تا ساخله‌میا به‌ریتانیا و كۆمپانیا رينۆ یا فه‌ره‌نسى و هێلا شه‌مه‌نده‌فرا ئه‌لمانیا و ئیسپانیا ئێخسته دره‌وشه‌كا خراب دا و ب كوژمێ 140 مليۆن دۆلاران زیان گه‌هاندن وان. ئارمانجا هاككه‌ران ژ وان هێرشان، تێكدانا سیسته‌مێ ئه‌لیكترونى یه ب ئێكجارى.