چاڤشین دهۆکی

د کارەساتەکا بێ وێنە دا د دیرۆکا یانەیا شاهانە سەقایێ یانەیا ڕیال مەدرید ل کەمپا ڤالدێبێباس ب تەمامی تێکچوویە ئەوا ل حەفتیییا بۆری ڕوویدای بەرپەره‌کێ ڕەشە د ناڤبەرا ستێرێن تیمێ دا کو ژ گۆتنێن سادە دەستپێکر و ل نەخۆشخانێ ب دووماهی هات.
گرژی و شەڕەدەڤ د ناڤ ڕاهێنانان دا
پەیوەندییێن چوامینی و ڤالڤێردی گەهشتنە ئاستەکێ مەترسیدار پشتی کو ڤالڤێردی ل وێ سپێدەهییێ ڕەتکری سلاڤێ دگەل چوامینی بکەت د ناڤ یاریگەهێ دا ب شێوازەکێ هندێ یێ توند یاری دکر دا کو وی تووڕە بکەت و ژ کۆنترۆلێ دەربێخیت ئەڤ ئالۆزییە تنێ ب ڤان هەردووکا نەمایە هندەک یاریزانێن دی ژی کەفتنە ناڤ کێشێ و شەڕەدەڤ و دەنگەدەنگەکا مەزن د ناڤبەرا وان دا چێبووینە.
پەقینا شەڕی و برینداربوون
هەمی تشت ل ژۆرا جلکگوهۆڕینێ پەقی دەمێ ڤالڤێردی ب توندی چوامینی تۆهمەتبار کری کو وی نهێنییێن کەمپێ بۆ ڕۆژنامەیان دەرئێخستینە ل وێرێ شەڕ بوو یێ دەستی و چوامینی ل ڤالڤێردی دا، ڤالڤێردی ژ هۆش چوو و سەرێ وی ل مێزەکێ کەفت ب داخەکێ ڤە ڤالڤێردی ب کورسییا کێش ژ کەمپێ هاتە دەرئێخستن و ڕەوانەی نەخۆشخانێ هاتە کرن بۆ دوورینا برینێ.
سزادان و کۆمبوونا تەنگاڤی
یانەیا شاهانە ب توندی کەفتە سەر هێلێ و توندترین سزایێن یاسایی ب سەر هەردو یاریزانان دا سەپاندن ڕەوش وەسا یا توندە کو هندەک یاریزانان داخواز کرییە مەشقێن ڕۆژا ئەینی بهێنە دائێکخستن بۆ یارییا کلاسیکۆیێ ئەوا دوهی هاتیە کرن، چونکی سەقایی ناڤخۆیی یێ مەدرید ب تەمامی یێ تێکچوویە و کەس نەشێت د ڤی بارودۆخی دا یاریێ بکەت.

چاڤشین دهۆکی
پشتی خاترخاستنا چابی ئه‌لۆنسۆ به‌ر ب قووناغه‌كا نوو كارگێرییا ڕیال مه‌درید بڕیاره‌كا ب وێر دا و كلیلێن كه‌لها سپی ڕاده‌ستی كوڕێ یانه‌یێ ئه‌لڤارۆ ئاربیلۆا كرن هه‌رچه‌نده‌ ئاربیلۆا وه‌كۆ یاریزان خودان ئەزموونە‌ لێ وه‌ك ڕاهێنه‌رێ تیما ئێكێ خۆ‌ د ناڤ تاقیكرنه‌كا ئاگرین دا دبینیت كو ل وی جهی ڕه‌حم نه‌ هاتیه‌ نیاسین.
بومبه‌یا ئه‌لباسێتی و پەقینا توڕه‌ییا جه‌ماوه‌ری
ده‌ستپێك ب شكه‌ستنه‌كا نەچاڤەڕێکری ل کۆپا شاهێ ئسپانییا به‌رامبه‌ر یانه‌یا ئه‌لباسێتی ئه‌و شكه‌ستنه‌ تنێ ژ ده‌ستدانا ناسناڤه‌كی نه‌بوو به‌لكو ژ دەستدانا باوەریێ بوو وه‌كۆ هەڕفینەکێ ل دەف جەماوەرێن مه‌درید هاته‌ وه‌رگرتن ل یاریگه‌ها سانتیاگۆ بێرنابیۆ دیمه‌نه‌كێ وه‌سا دروست بوو كو سالانه‌ نه‌هاتیه‌ دیتن تۆفانا فیتكێن نه‌ڕازیبوونێ ده‌مێ یاری ب دووماهی هاتی ده‌نگێ فیتكێن جه‌ماوه‌ری ئه‌سمانێ مه‌درید هه‌ژاند ئاڵایێن سپی (S.O.S): جەماوەری ل شوینا هاندانێ ئاڵایێن سپی بلند كرن وه‌كۆ ئاماژه‌یه‌ك بۆ حاله‌تێ نه‌مانا باوه‌ریێ ب پلانێن کارگێریێ و سەروکێ یانەیێ فیورێنتینو پێرێز.
لالیگا: چریسکەکا هیڤیێ د ناڤ تاریێ دا
پشتی وێ شۆكا مه‌زن ئاربیلۆا شییا هنده‌ك ب هۆش خۆ‌ دا بهێت ب سێ سه‌ركه‌فتنێن گرنگ (دو ل لالیگا و ئێك ل چامپیۆنزلیگ ل سه‌ر مۆناكۆ) و تۆماركرنا ١٠ گولان تیمه‌ك بۆ جه‌مسه‌رێ هەڤڕکیێ ڤه‌گه‌ڕیا و ب جوداهییا تنێ خاله‌كێ كه‌فته‌ ڕێزبه‌ندییا دووێ ل ڤێره‌ پرسیاره‌ك سه‌رهه‌لدا: ئه‌رێ ئاریشه‌ چابی ئه‌لۆنسۆ بوو یان ئاربیلۆا بڕینا مه‌درید ده‌رمان كر؟
شۆكا لۆكسمبۆرگ: مۆرینیۆ برینێن مه‌درید کەلاندنەڤە‌
ئه‌و هیڤییە گەلەک ڤەنەکێشا و چریسک ڤەمری د چامپیۆنزلیگێ دا ئاربیلۆا به‌رامبه‌ر مامۆستایێ خۆ یێ بەرێ جۆزێ مۆرینیۆ و یانه‌یا «به‌نفیكا» ڕاوستییا مۆرینیۆ ئه‌و كه‌سێ كو بناغێ سه‌رده‌مێ زێرین یێ مه‌درید دانای ڤێ جارێ وه‌ك نه‌یار هات و ب ئه‌نجامێ (٤-٢) قوتابیێ خۆ «ئاربیلۆا» شه‌رمزار كر
پلەی ئۆف: یان تۆڵڤه‌كرن یان مالئاڤایی
ژبه‌ر ڤێ دۆڕاندنێ ڕیال مه‌درید نەچار بوو بچیته‌ قۆناغا «پلەی ئۆف» و ژیانێ ده‌رفه‌ته‌كا دڕامی دا ئاربیلۆا: دیسا به‌رامبه‌ر به‌نفیكا و مۆرینیۆ! ئه‌ڤه‌ ئێدی نه‌ بتنێ یارییه‌كا ته‌پاپێیه‌ به‌لكو شه‌ڕێ مان و نه‌مانێ یه‌ بۆ ئاربیلۆا ئه‌رێ ئاربیلۆا دێ شێت لایه‌نێ ده‌روونی یێ جه‌ماوه‌رێ توڕه‌ هێمن که‌ت و تۆڵا خۆ‌ ژ «سپێشه‌ڵ وه‌ن» ڤه‌كه‌ت؟ یان ژی دێ بێرنابیۆ ب ئاڵایێن سپی و فیتكێن توندتر مالئاڤایێ ل كوڕێ خۆ‌ یێ کەڤن كه‌ت؟

چاڤشین دهۆکی

د جیهانا تەپا پێی یا سەردەمدا، یاری بەری فیرکەیا دەستپێکێ ب ڕۆژان دەست پێ دکەت. ئەڤە ئەو چەسپاندنە بوو کو د «دێربییا ئەلهۆیان» دا هاتە دیتن. ململانێ بتنێ دناڤبەرا یاریزانان دا نەبوو، بەلکو ڤەگوهاستبوو ناڤ جیهانا دیجیتاڵی و تۆرێن جڤاکی. بکارئینانا وێنەیەکێ دوو ئەلهۆیان ژ ئالیێ پەیجێ فەرمی یێ یانا قوە جەوییە، کو تێدا یانا دهۆک ب بچووکی نیشا دابوو، ئەگەرەکێ بهێز بۆ ژبۆ ئەلهۆیێن دهۆک و هەستێن جەماوەری وێ بۆ بلندکرنا ئاستێ هەڤرکیێ هەر زوی.
وەرچەرخان: ژ وێنەکێ بۆ ناڤا چیمەنێ کەسک
هەرچەندە ئارمانجا پۆستێ یانەیا بەرانبەر کێمکرن بوو، لێ وان ژبیر کربوو کو ڕاستی ل سەر تەختێ نڤیسینێ ناهێتە سەلماندن، بەلکو د ماوێ 90 خولەکاندا ل سەر چیمەنێ کەسک دهێتە نڤیسین. یانا دهۆک نە وەک پشکدارەکێ ئاسایی یە، بەلکو وەک «دادگەهەکا دادپەروەر» هاتە ناڤ یاریگەهێ دا کو ڕێزگرتن و ناسنامەیا خۆ بپاریزیت.
ژلایەکێ دیڤە ئاستێ تەکنیکی: پیتەر گۆرگیس و ئیمزایا سەرکەفتنێ
د ڤێ شەڤا مێژوویی دا، ستێرا گەش یا یاریگەهێ یاریزان پیتەر گۆرگیس بوو. ئەو نە بتنێ گۆڵکار بوو، بەلکو وەکو پەیام هنێرێ «ئەلهۆیێن چیای» کار دکر. ب هەر گۆڵەکێ:
گۆڵا ئێکێ: وەک بەرسڤەکا دەستپێکێ بۆ شکاندنا بێدەنگیێ.
گۆڵا دویێ: وەک بزمارا دووماهیێ د تابووتا وێ شانازییا پێشوەخت دا کو یانا قوە جەوییە پێ دهاتە نیاسین.
ژبیرنەکەین و فەلسەفا ململانێیێ: جیاوازی دناڤبەرا فڕین و لوتکەیێ دا، ل ڤێرە جیاوازییا جەوهەری دیار بوو، یانا قوە جەوییە: نوونەراتییا ئەلهۆیەکی دکر کو ب هێزا بازۆکێن خۆ و دەنگەدەنگێ ل بیابانێ دفرریت.
یانا دهۆک: نوونەراتییا «ئەلهۆیێ چیای» دکر؛ ئەوێ خودان سەبر، یێ کو ژ بلنداهیێ تەماشەی نێچیرا خۆ دکەت و ب ژیری و د دەمێ گونجای دا هێرشێ دکەت.
ل دووماهیێ ئەنجام و کورتە: وانەیەک د وەرزشێ دا، سێ خالێن زێڕین و دوو گۆڵێن پاقژ، باشترین بەڵگەنە کو تەپا پێی ڕێزێ ل وان دگریت یێن کو ل سەر ئەردی کار دکەن، نەک یێن کو بەری وەخت ل سەر شاشەیان شانازیێ ب خۆ دکەن. ئەسمانێ بەغدا ل وێ شەڤێ، ب فڕینا ئەلهۆیێ چیای هاتە نەخشاندن، یێ کو ب سەربلندی ڤەگەڕیایە گوپیتکێن دهۆکێ و مێژوویەکا نوی ژ ڕێزگرتنێ تۆمار کر.