كۆڤان حسێن
ژ راست پارتیا كرێكارێن كوردستانێ سه‌رنجا سه‌دان پسیاران بۆ خوه‌ راكێشا، ئه‌رێ پرسا وان ل باشۆره‌ ل دۆل و نهالێن باشووره‌؟، ئه‌رێ ئاپۆ ل باشۆر د زیندانێ دایه‌، ئه‌رێ 20 ملیۆن كورد ل باكۆر، بۆچى بێده‌نگن؟. ئه‌رێ باشتره‌ پێشمه‌رگه‌ چیا كۆنترۆل بكه‌ت یان تركیا؟. ئه‌رێ بۆچى هه‌رێمن ئازاد ل باكوور نینن ل ده‌مه‌كێ دا باكۆر دوجاران هندى باشۆره‌، ئه‌رێ بۆچى شه‌ڕ ل سه‌ر سنوورێ سووریێ و عه‌فرینێ نینه‌.؟ بۆچى ل ئه‌نادۆلیایێ و ل ستانبۆلێ هه‌مى ئارامى و ئاڤه‌دانى یه‌. ئه‌رێ حوكمه‌تا كوردستانێ چ بكه‌ت؟. شه‌ڕى دژى دۆیه‌م هێزا ناتۆ راگه‌هینیت، ئێ باشى ئه‌نجام. حوكمه‌تا كوردستانێ شه‌ڕى ل دژى په‌كه‌كێ راگه‌هینیت و باشى ئه‌نجام و مفادار كینه‌؟. مه‌یدانا دروستا شه‌ڕێ په‌كه‌كێ باكۆره‌، بۆچى چۆل بوویه‌. ئه‌رێ بۆ تركیا خه‌مه‌ كوردستان ئاڤا بیت یان كاڤل بیت؟. ئه‌رێ ب كوشتنا چار چه‌ندرمان تركیا دێ هه‌ڕفیت. ئه‌رێ تركیا هه‌مى كوردستان داگیر نه‌كریه‌ ل باكۆر هه‌مى ل رۆژئاڤا نیڤه‌ك ل باشۆر چو نه‌مایه‌ تركیا شه‌ڕێ داهاتى ل حه‌مرینىِ بكه‌ت. ئه‌رێ پارتێن باشۆر چ بكه‌ن كوڕ به‌رپرسن ژ ژیانا حه‌فت ملیۆن كه‌سان. ئه‌رێ په‌كه‌كێ حه‌تا نوكه‌ هه‌رێما كوردستانێ ناسكریه‌ وه‌ك كیان و چار گۆتنێن خێرێ بۆ هه‌رێمێ رۆژه‌كێ ژى كرینه‌. ئه‌ڤ هه‌رێمه‌ دكتاتۆرى بیت دیمۆكراتى بیت گه‌نده‌ل بیت پاك و بێگه‌رد بیت. سازى و حزب و خه‌لكێ خوه‌ هه‌یه‌. ئه‌رێ له‌كه‌داركرنا پێشمه‌رگه‌ى كى مفاداره‌؟. ئه‌رێ پێشمه‌رگه‌ ده‌ربازى باكۆر و مه‌یدانا هه‌وه‌ بوویه‌. ئه‌رێ ل ڤى وه‌لاتێ نه‌ ل سه‌رخێرێ دبێژنێ عیراق باشۆر شیانا هه‌لوه‌شاندنا وى هه‌یه‌. یان هه‌وه‌ یان تركیا كو هوون كار بۆ دیمۆكراتیزه‌كرنا وێ دكه‌ن چ هیڤى هه‌یه‌؟. شه‌هیدكرنا پێشمه‌رگه‌ى، جهێ دلخۆشیا كێ یه‌ شه‌هیدبوونا گه‌ریلا ل باشۆر چ سه‌نگ هه‌یه‌ ل ده‌مه‌كێ تركیا 80 ویلایه‌ته‌. بۆچى شه‌ڕ ل مالا تركیا نینه‌. بۆچى برایه‌تیا مه‌ بوویه‌ ده‌رده‌سه‌رى بۆ مه‌؟. ئه‌رێ باشۆر نه‌مینیت و تركیا داگیر بكه‌ت، كى مفاداره‌ یان دێ په‌كه‌كه‌ چه‌ند قازانج كه‌ت. بۆچى په‌كه‌كه‌ ل رۆژئاڤا لۆژیكانه‌ و به‌رپرسانه‌ ره‌فتارێ ل گه‌ل سنوورێ تركیا دكه‌ت، بۆچى یێن باشۆر بووینه‌ مه‌یدانا كوشتنا كوردان، ڤێجا پێشمه‌رگه‌بن.. گه‌ریلا بن.. هه‌تا جاش ژى بن. بۆ جارا چه‌ندێ دبێژین پرسا باكۆر ل باكۆر چاره‌ دبیت ب تڤه‌نگێ ژى مۆدێل و رتما وێ نه‌مایه‌. ئه‌وا 20 ملیۆن كوردێن باكۆر ب گرسا و خوپیشاندنان بكه‌ن. حه‌فت قاتى چار فیشه‌كایه‌. ئه‌رێ مانه‌ بۆ تركیا شه‌ره‌ك هۆسا ئه‌رزان و بێ خوساره‌تى ژ ده‌رڤه‌یى سنوورێن وێ ژ ئاشتیێ خۆشتر و باشتره‌. ئه‌رێ تركیا ئاریشه‌ ل گه‌ل هه‌مى كوردان هه‌یه‌ ل هه‌مى جیهانێ و ناڤه‌رشێرن ژى لێ ئه‌م چه‌ند بهانه‌نه‌؟! ئه‌ڤ هێرشن تركیا ل باشۆر دكه‌ت هه‌مى د رێك و كونیچن باكۆڕ دا نابۆرن ب سه‌لامه‌تى؟! ئه‌رێ ئه‌و باله‌فرێن پێشمه‌ره‌ى و گه‌ریلا شه‌هید دكه‌ن مانه‌ ژ دیار به‌كر و باتمانێ دهێن. كا ده‌نگێ دیاربه‌كرێ و باتمانیان؟ كا هێرشێن وان بۆ سه‌ر باله‌فرخانان. دووماهی خیر بیت وه‌له‌و خێر دیار نینه‌.

كۆڤان حسێن
ژ من ڤه‌ ئاستێ سیاسیێ خه‌لكێ كوردستانێ ژ رویێَ سیاسى ڤه‌، هنده‌ یێ پێگه‌هشتى، هێدى كۆره‌ و بێ خواندن و هه‌لسه‌نگاندن هه‌ر تشتى باوه‌ر نه‌كه‌ت، دویانه‌یا ده‌ستهه‌لات و ئوپۆزسیۆن ل وه‌لاتێ مه‌ هندا مژدار و شه‌پرزه‌یه‌، نه‌ما سه‌رێ مرۆڤى ژێ بچیته‌ده‌ر، حزبه‌ك هه‌مى وه‌ختان د ده‌ستهه‌لاتێ دا بیت و پێ شه‌ڕم بیت ئه‌و حوكمه‌ت! حزبه‌ك جاران ئوپوزسیۆن جاران حوكمه‌ت، هه‌شێن هه‌وادارێن خوه‌ ژى رازى كه‌ت، ئه‌و چنه‌، مخابنى پشتى 30 سالان كلتووره‌كێ سیاسى نه‌ئافرى، مه‌ ل سه‌ر سه‌مته‌كێ ئێكلابكه‌ت، د ناڤبه‌را هه‌وا هه‌لبژارتنان و جاردانا شه‌ڕى دا تشته‌ك جودا نینه‌. حزبایه‌تى نزم بوویه‌ بۆ عه‌شیره‌ت و هێِشتا كێمتر، كه‌س خوه‌ ل شانازیێن كوردستانێ و مێژوویا وێ و هنده‌ك ده‌ستكه‌فتێن وێ ژى ناكه‌ت خودان، زمانێ زڤر و شكاندن و هه‌تككرن. نه‌هه‌وا هه‌لبژاتنایه‌ و نه‌ دیمۆكراتى و ئازادى یه‌. هه‌لبژارتن قووناغه‌كن د پرۆسه‌كێ دا، مه‌رج نینه‌ هه‌مى ئالى سه‌ركه‌فتى بن تێدا و مه‌رج نینه‌ هه‌مى ئالى پشكدار بن ژى تێدا ب زۆرى. د بنیات دا دیمۆكراتیا رۆما دیمۆكراتیا خه‌لكێ پایته‌ختى بوو ده‌وروبه‌ران پشكدارى نه‌ دكر. نوكه‌ ژى ترس ژ بایكۆتێ هه‌یه‌. ب خوه‌ ئاسانه‌ ده‌نگدان ل كوردستانێ مافه‌، نه‌ك ئه‌رك.! هه‌لبژارتن ڤێ جارێ بۆ خه‌لكێ حزبى و هه‌وادارێن وان بتنێ یه‌ و ره‌نگه‌ ره‌ونه‌قا خوه‌ یا جه‌ماوه‌رى ژ ده‌ستبده‌ن. وێ ئه‌ڤه‌ ژمن ڤه‌ پێدڤى ب ترس و كێماسیێ ناكه‌ت 50% ژى و كێمتر ژى پشكداریێ بكه‌ن بۆ پرۆسا دیمۆكراتیێ سه‌نگ و ب بهاتره‌ و راستگۆتره‌ ژ هنده‌ك ژمارێن فه‌له‌كى! ئه‌ڤ هه‌لبژارتنه‌ ب دورستى حزبه‌ هه‌ر چه‌نده‌ هه‌مى هه‌لبژارتن حزبینه‌، لێ ڤێ جارێ متایێ هه‌لبژارتنا كه‌ساده‌كا كێم وێنه‌ ل كوردستانێ و په‌رله‌مانێ عیراقێ بهایێ هندى نینه‌ كوردستانێ هه‌وه‌كا نشتیمانى بوویه‌ شه‌ڕعیه‌تدانێ ب سیسته‌مه‌ك مه‌زهه‌بگه‌رى پشكدار بن، پشكداریا حزبێن كوردى و پرۆسا ده‌نگدانا عیراقێ دا (تسقت واجبه‌)، نه‌ یا دیاره‌ قانوونێن عیراقێ ل كوردستانێ ب سه‌ر یێن كوردستانێ دا نینن. مخابنى هێشتا زوى هه‌وا هه‌لبژارتنا ده‌ستپێكریه‌ و گه‌له‌ك زوویه‌ ئه‌ڤ ئالیه‌ نه‌ره‌حه‌تى و بارێ ده‌روونیێ هه‌ڤوه‌لاتیان شێلى بكه‌ن بۆ پرۆسه‌كا نۆرمال. ب كوردى هه‌ر حزبه‌ك ب تنێ ئه‌ندامێن خوه‌ راكێشنه‌ سه‌ر سندۆقان، ب دیتنا من دێ دو ملیۆن ده‌نگده‌ران كۆم كه‌ن، گه‌ر راست حزبێن جه‌ماوه‌رینه‌ و ژ راست ئه‌ندامێن وان پێگریێ ب فه‌رمانێن حزبێن خوه‌ دكه‌ن. یا ژ من ڤه‌ هه‌مى حزب ڤێ جارێ ده‌ستان ژ ده‌نگێن رارا و دودل بشۆن و هوون ئه‌ندامێن خوه‌ و مه‌یدانا ده‌نگدانێ.

كۆڤان حسێن
نوكه‌ بوویه‌ سه‌لیقه‌ك ده‌ه باره‌ و هه‌ر كه‌سێ ده‌رفه‌ته‌ك بۆ رۆخسا ل ئاڤه‌كێ میدیایێ دێَ به‌حسێ ئێكرێزى و ئێكده‌نگیا كوردى كه‌ت، زۆر جاران ب من سه‌یره‌ ئه‌ڤ پرسه‌، چونكو هه‌تا نوكه‌ كڤانه‌ك پێناسه‌كا زه‌لال بۆ ڤى چه‌مكێ مژدار نینه‌، هه‌كه‌ مه‌ره‌م ئه‌و بیت كورد هه‌مى ئێك ده‌نگ و ره‌نگ بن، ب ئێك ئاواز بیر بكه‌ن، ئه‌رێ ئه‌ڤ پرۆسا دیمۆكراتیا ئه‌م شانازیێ پێ دكه‌ین بۆچیه‌، ئه‌ڤ هنده‌ حزب و مینبه‌رێن سیاسى و میدیا و باره‌گا و كۆنگره‌ و كۆنفرانس بۆ چنه‌، بۆ كوردستانێ حزبه‌ك ب تنێ به‌سه‌. وه‌ك سه‌رده‌مێ شۆره‌شا ئه‌یلۆلێ ئێك حزب و ئێك بریار و ئێك بیر، ئه‌ڤه‌ ئانكۆیا وێ نینه‌ شۆره‌شا ئه‌یلۆلێ یا ڤالا بوو ژ بیرێن جودا، لێ سه‌نترالیا وێ یا دیاره‌، هه‌ر چه‌نده‌ هه‌ر زویكا راستى دابه‌شبوونێ هات ژ ئه‌نجامێ بێرێن جودا، لێ هه‌ر چونه‌ بیت پارتى پشتى كۆنفرانسێ (به‌رلینێ) 1975وه‌ك یه‌كه‌مین حزبا كوردى دان ب هندێ دا كو خه‌باتا رزگاریخوازا كوردى ب ئێك حزب و بیر هێدى ناچیته‌ سه‌ر و مه‌یدان دڤیا جهێ هه‌مى حزب و ره‌وتان هه‌بیت. ئه‌ڤه‌ وه‌رچه‌رخانه‌ك بوو د لۆژیكێ سیاسیێ كوردى یێ وى ده‌مى دا. ئانكو ل ڤى وه‌لاتى ژى ژ راست ئه‌م پێدڤى ب ئێكریزیێ و ئێك ده‌نگیێ نینین ب تێگه‌هێ كه‌پكرنا هه‌مى ده‌نگ و ره‌نگان. كه‌س ل كوردستانێ داخوازا هندێ ناكه‌ت ئه‌ڤ ولاته‌ وێران بوو یان بزڤریت بۆ بن چه‌ترا داگیركه‌ریێ. دووماهیا ب (موئه‌سسا جاشاتیێ) هاتى هه‌ر چونه‌، ل ڤێ پارچا كوردستانێ. ئه‌ما ئه‌ڤ پارتێن سیاسى راستگۆ نین وه‌ختێ به‌حسێ ئێكرێزى و ئێكده‌نگیێ دكه‌ن. چونكو هه‌ر ئێك ژ وانا بیر و قوتابخانه‌كا جودایه‌ و ب تنێ ل كڤانه‌كێ دیمۆكراتى دا ململانێ بوو وان ره‌وایه‌. هه‌مى پارتى ل كوردستانێ ل گۆر قانوونى ده‌ستویر داینه‌ و ئه‌ڤه‌ جوانى و مودێلا سه‌ده‌مى یا سیاسه‌تێ یه‌ نوكه‌. ل گه‌ل لیبرالیزیمیا ئابوورى ژى هه‌لبه‌ت. سه‌رده‌مێ ئێك حزبى و ئێك ده‌نگى ب دووماهی هاتیه‌ و ب تنێ چه‌ند وه‌لاته‌ك ماینه‌ د مێژوویێ دا دژین. ئه‌ڤ كوردستانه‌ ب ره‌نگا و ره‌نگیا خوه‌ ب سه‌نگه‌. دیتنێن جودا بۆ پرسێن سیاسى ساخله‌مى و ده‌وله‌مه‌ندیه‌ بۆ كوردستانێ. مه‌ دیتنێن ئیسلامى و كۆمۆنیست و پارێزگار و دیمۆكراتخواز و چه‌پ و راست هه‌نه‌ بۆ هه‌ر پرسه‌كا ناڤخوه‌ یان په‌یوه‌ندى ب چاره‌نڤێسى كوردان ڤه‌ هه‌بیت هه‌یه‌. ئه‌ڤه‌ ب تنێ د پرۆسه‌كا دیمۆكراتى دا ده‌رفه‌ت بۆ مله‌تى دهێته‌ روخساندن بۆ هه‌ر قووناغه‌كێ باوه‌ریێ بده‌ته‌ ئالیه‌كێ. ئه‌م پێدڤى ب سازیكرنا دیمۆكراسیه‌تێ نه‌ ل كوردستانێ و رێزگرتنێ ل سازێن وێ و ئه‌نجامێن وێ. ئه‌نجامێ پرۆسا ده‌نگدانێ، ده‌نگێ ئێكرێزیێ یه‌ نه‌ك. هیچ ئالیه‌ته‌ك دى. دیالۆگا حزبان ل ناڤخوه‌ بۆ هندێ باشه‌ ل سه‌ر هێلێن سۆڕێن گشتى كۆك بن. كو تانوكه‌ ل گۆر گۆتارا سیاسیا ره‌سه‌ن كۆكن و كه‌سێ لانه‌دایه‌. یا دى هه‌مى شیان دڤیا بۆ ده‌وله‌مه‌ندیا كلتوورێ دیمۆكراتیێ بن بۆ نه‌هێلانا گه‌نده‌لیێ و خرابكاریێ بیت و به‌رجه‌سته‌كرنا به‌رفرهترین وارێ ئازادیێ بیت. بۆ رێزگرتنا قانوونێ و سه‌روه‌ریا وێ بیت. ل ڤى ده‌مى ئێك ده‌نگى د سندۆقێن ده‌نگدانێ دا ره‌نگڤه‌ دده‌ن.

كۆڤان حسێن
خه‌ریكه‌ ژیێ حوكمرانیا كوردى دبیه‌ 30 سال و ئه‌ڤه‌ (سابقه‌ك) مێژوویه‌، هیچ سه‌رده‌م و وه‌خته‌كێ دوباره‌ نه‌بوویه‌، هه‌كه‌ ئه‌م سه‌رده‌مێ (میره‌كێن) كوردان ژێ ڤارێ كه‌ین، قه‌د درست نابیت بێژین چ هاتیه‌كرن، چونكو یاهاتیه‌كرن بۆ به‌ده‌لڤه‌كرنا چه‌رخێن پشتگوهاڤێتنێ ڤه‌ هێشتا كێمه‌، گه‌له‌كا هاتیه‌كرن و گه‌له‌ك ژى مایه‌ ب نیڤى و گه‌له‌كا مه‌زن ژى مایه‌ بهێته‌كرن ل سه‌ر هه‌مى ئاست و د هه‌مى واره‌كێ دا، لێ تشتێ بالكێش ئه‌ڤه‌، هه‌میا دهێته‌كرن یان ل به‌ره‌ بهێته‌كرن، پتر موركێ له‌زێ و بێ بنه‌جهى و (میزاج) و بریارێن كه‌سۆكى پێڤه‌ دیاره‌ نه‌ك ل سه‌ر ئاستێ حوكمه‌تێ، ب تنێ هه‌تا ل سه‌ر ئاسێ كه‌رتێ تایبه‌ت و بگره‌ مال و ئاڤاهێن كوردى دا ژى. ئه‌ڤ بێ (پلانى) و خواندنا كه‌توارى و ئاستێ باشى و خرابیێ و قازانج و خوساره‌تیێ، ناهێته‌ خواندن و به‌رچاڤكرن. پرانیا بریاران ل سه‌ر چ واره‌كێ بن خولكێ له‌زێ و نه‌ دیراسه‌كرتكرنێ پێڤه‌ دیاره‌. كوردستان یا پره‌ ژ نومونان، لێ ژمن ڤه‌ ئه‌ڤه‌ بۆ هنده‌ك سه‌ده‌ما ڤه‌ دگه‌ریت یا ژ هه‌میان پتر باندۆرێ دكه‌ت ئه‌وه‌ د مێژوویێ دا كوردستانێ (سه‌قامگێرى) نه‌دیتیه‌ و د بیردانكا مه‌دا ل سه‌ر ئاستێ جڤاكى و سیاسى كارڤه‌دانێن كاره‌ساتبار خولقاندى نه‌ هه‌تا وێ رادێ ئه‌م سه‌رپێ و بله‌ز و بێ ڤه‌خواندن بریاران بده‌ین. هه‌چكو ئه‌م ژ ئاینده‌ى ب گومانین هه‌چكو ئه‌م دێ جاره‌كا دن وێران و كاڤل بین ڤه‌ هه‌چكو ئه‌م نه‌ بنه‌جه.ئاڤاكرنا ژیانێ و بریارێن وێ ل سه‌ر باگراوه‌نده‌ك گومانا وى. ب تنێ هه‌دردانا ده‌م و شیان و سه‌رمایه‌یا نه‌ته‌وه‌یى یه‌. بریارێن حوكمه‌تێ بریارێن كه‌رتێ تایبه‌ت بریارێن مه‌ ل سه‌ر ئاسێ مالێ و خێزانێ وه‌سا خولكێ ئێك دده‌ن مرۆڤ دزانیت ژ ئێك پاشبه‌ندێ كلتوورى سه‌رچاڤه‌ دگریت. لێ پشتى 30 سالان وه‌ختا هندێ هاتیه‌ ئێدى شینا مه‌ حوكمه‌ته‌كا ب هێز هه‌بیت بلا مه‌ ده‌زگه‌هێن ده‌وله‌تێ یێن بهێز هه‌بن. شینا مه‌ كه‌رته‌ك تایبه‌تێ پرانیا وان ل گۆڕ تێگه‌هێ (عه‌تارا) بازرگانیێ بكه‌ن، مه‌ كۆمپانێن مه‌زن و خودان پشكێن ئاشكرا ل پرۆسێ هه‌بن و مه‌زنترین ده‌رفه‌تان بۆ ژیانێ په‌یدا كه‌ن. شوینا مه‌ ماله‌كا پڕ مرۆڤ هه‌بن، بێى ئه‌م ژیانه‌كا ماقویل بۆ دابین كه‌ین سنووره‌كێ بۆ ڤێ زێده‌بوونا بێ به‌رنامه‌ بدانین و خێزانه‌كا كوردیا به‌خته‌وه‌ر ئاڤا كه‌ین بگونجیت ل گه‌ل ژیانێ ل سه‌رده‌مێ بازارێ ئازاد و شیانێن سنوورداركرى دا.ل ڤى وه‌لاتى هه‌ر تشته‌ك هه‌یه‌ حوكمه‌تا ب هێز هه‌یه‌ ب تێگه‌هێ هیزێ بازرگان و باش بازرگان و بچووكه‌ بازرگان هنه‌ مال و خێزان هه‌نه‌ ب تێگه‌هێ رۆمانسى. لێ تشتێ نه‌هه‌یى به‌رنامه‌ و پلانه‌ وه‌ك پێدڤى….؟!

كوڤان حسین
قه‌ت ژ باشبوونا ره‌وشێ ره‌شبین نینم و هه‌مى گاڤان تێرا هندێ هیڤى و ئه‌له‌مه‌نتێن خۆشبینى و گه‌شبینیێ هه‌نه‌. مرۆڤ خه‌ونان ب ئاینده‌كێ گه‌ش بۆ وه‌لاتێ و د خه‌یال و بیرا خوه‌ دا بخه‌ملینیت.سه‌رئه‌نجام ئه‌ڤه‌ وه‌لاتێ مه‌ و ناهێته‌ گوهارتن، لێ یامن دڤێت بێژم ئه‌ڤه‌ وه‌ك كورد ب كێمى ڤه‌ ئه‌گه‌ر ڤه‌گه‌رین پاشبه‌ندێ مێژوویێ خوه‌ ئه‌ڤه‌ 27 چه‌رخه‌ كورد رۆژه‌كێ ژى سه‌رده‌ست و خودان سه‌روه‌رى نه‌بوویه‌، گه‌نگى ئه‌م سه‌رده‌مه‌كێ د (به‌حبۆحه‌كا) خۆشگوزارنیێ دا ژیاینه‌ هه‌تا ئه‌م بێژن دێ قه‌یران ب دووماهی هێت، ئانكو كه‌نكى ئه‌م نه‌ د قه‌یرانێ دا بووینه‌. هه‌تا قووناغه‌كێ بۆ داویا وێ دیار كه‌ین,كورد جێمكێ قه‌یرانایه‌ ژ ئه‌زل دا .قه‌یرانێن ئابوورى ل گۆڕه‌یى بازنێ كه‌شێ و گه‌زبوونێ وه‌رارێ دكه‌ت و مسۆگه‌ر دێ باشر بیت ژنوكه‌ وه‌ختا بازنه‌ دۆرا خوه‌ تمام بكه‌ت. خه‌لكێ جیهانێ (كه‌سادا) مه‌زن یادیتى و یا بۆرى، لێ بۆ كوردستانێ ژیان د قه‌یرانان دا نۆرماله‌. كوردان قه‌د رۆژه‌كێ پرسا نانى و ژه‌رستێن ژیانێ نه‌بوویه‌ و هه‌مى گاڤان ل هه‌مى سه‌رده‌م و چه‌رخان، كوردان خوه‌ خودان كریه‌ ئه‌گه‌ر ب ژیانه‌كا ئاستنزم ژى بیت، به‌س خودێ زانیت مه‌ چه‌ند قه‌یران هه‌نه‌ هه‌كه‌ هات و فركسا مه‌ ژ یا دارایى هاته‌لادان، ئه‌م دێ راستى هنده‌ك گرێك و قه‌یرانا بین ره‌نگه‌ چو جاران ل بیرا مه‌نه‌بن. یێن جڤاكى و سیاسى و ره‌وشه‌نبیرى و كلتوورى و شۆناسى خوه‌ بین، مه‌ره‌م ژ ڤێ چه‌ندێ ئه‌وه‌ بێژم قه‌یرنا ناسناڤ و ده‌م و سه‌ده‌مێن خوه‌ هه‌نه‌. ئاستێ دژواریا وان هه‌مى تاكه‌كێ تاقى دكه‌ت، كوردستان دێ راستى هنده‌ك قه‌یرانان بیت ئه‌گه‌ر ره‌وش وه‌ك نوكه‌ بدۆمیت دێ قه‌یرانا ئابوورى پێشڤه‌ داوه‌ت بیت. ئانكو دڤیا ئاستێ سه‌رده‌ریا مه‌ ل گه‌ل قه‌یرانان یا به‌رئه‌لا نه‌بیت جڤاكێ كوردستانێ پێدڤى ب شۆره‌شه‌كا هشیاریێ یه‌, ب حوكمێ جوگرافیا خوه‌ دروست جهێ خوه‌ بزانیت. هه‌مى قه‌یرانه‌كا سه‌رهلده‌ت ریشالێن سیاسى هه‌نه‌ و خواندنێن جیۆسیاسى هه‌نه‌.700 سالا ئوسمانیان حوكم ل كوردستانێ كر هه‌مى باج و خه‌راج و سه‌رانه‌ دبرنه‌ باب العالى وه‌ختا ژ كوردستانا باشۆر خلاس بووین، مزگه‌فته‌ك ژى ل پاش خوه‌ نه‌هێلا ئه‌م نزا بۆ خوه‌ ژ خودێ بكه‌ین، سه‌د سالان عیراقێ گاز و باجا كوردستانێ بره‌ به‌غدا 1991 كورستانه‌كا كاڤل و ویران ل پاش خوه‌ هێلا, ل ده‌مه‌كێ باشۆر پێش پارچێن دى ڤه‌ ره‌نگه‌ باشتر بیت, ئانكو ئه‌م و ژیان ل گه‌ل قه‌یرانان دڤیت رابهێن. ئابوورى ب دووماهی بێت دێ یێن تام سیاسى سه‌رهلده‌ن یان جڤاكێ. باشترین چاره‌ ژیانه‌ ل گه‌ل قه‌یرانێ ئه‌ڤجا ناڤ و ناسناڤێ وێ چبیت ئابوورى یان توخمه‌ك دى؟. ما كه‌نگى كورده‌كى سه‌رده‌مه‌كێ بێ قه‌یران بیراندیه‌, هه‌تا ئه‌م بشَێن وێنه‌كه‌ین ژیان بێ قه‌یران چاوایه‌؟!..

كۆڤان حسێن
تێرا هندێ گه‌شبینى هه‌یه‌ كو پرسا مووچا ب چى قه‌بارێ هه‌یی چاره‌سه‌ر بیت و جاره‌كا دى هه‌مى سه‌رێ هه‌یڤى مووچه‌ بهێنه‌ دابه‌شكرن. لێ هزار پرسیار دروست دبن پشتى مووچه‌یان پرسێن مه‌یێن ژیانه‌ڤانى چاره‌سه‌ر دبن یان ل سه‌ر ئاستێ مالێ ئه‌م راستى كاره‌ساتان ب لێشاوا خه‌رجێن تامسار دبین. نزا ئابوورى ناسێن مه‌ چما ژ كه‌ره‌ما خوه‌ ئامۆژگاریا مه‌ ناكن ب چو ته‌ڕزى پارا ب مه‌زێخین هونه‌رێ ژیانێ ل باژێران چیه‌. به‌رگریا مرۆڤى نوكه‌ بوویه‌ ئارمانجا (ركلامێ) چاوا دێ یا خۆڕ بیت. دێ ب چى ره‌نگى ئه‌ڤ تالانكرنا (به‌ریكا) هێته‌ كێمكرن. خوه‌راگرتن به‌رامبه‌رى ڤێ ریكلاما كه‌رسته‌ داریا بێ سنۆر مرۆڤێ ڤى سه‌رده‌مى راستى قه‌ریانا پالسه‌نگیێ بووى د ناڤبه‌را (داهات و خه‌رجى).كه‌سێ شیانا دابینكرنا فاتۆرا هه‌مى ژیانێ نه‌مایه‌.كه‌سێ تاقه‌تا هندێ نینه‌ ڤێرا بگه‌هیت هه‌مبه‌ر لیستا داخوازێن ڤى سه‌رده‌مى پڕ كه‌ت. بێگومان ئه‌ڤ پرسا كوردستانێ ب تنێ نینه‌ ئه‌ڤ پرسه‌ ل ئابوورێن هه‌ره‌ سه‌ركه‌فتى ژى سه‌رهلدایه‌. هیچ سه‌رده‌مه‌كێ هندى ڤى سه‌رده‌مى كه‌رسته‌ دروست و به‌رده‌ست نه‌بووینه‌. هیچ متایه‌ك ژى بۆ سویكێ ناهێته‌ به‌ربازاركرن هه‌تا (كه‌سى) ل گۆر شیان و عه‌مرى نه‌كه‌نه‌ ئارمانجا ریكلامه‌ك خاپینۆك و بریسقه‌دار و پاشى تالانكرنا به‌ریكا كه‌سى و هه‌مى ماندیبوونا وى. ئه‌م فه‌قیرێن (پێدڤێن سه‌ره‌كى) نینین هندى ئه‌م هه‌ژارێن كه‌رستێن نه‌ پێدڤى. هه‌مى مرۆڤایه‌تى یا راستى ڤێ گێژه‌ڤانكێ بووى. ئه‌م تازه‌ ژیانێ ل باژێران دكین نه‌بوویه‌ 50 سال ئه‌م د باژێران دا بژین و هێشتا مه‌ (دو به‌رباب) نین ل زانكۆیا ده‌رچووبن.كلتوورێ گوندى ب هه‌مى شانازێن گوندیاتیێ ڤه‌ رادهێلین پڕكرنا هه‌مى كێماسێن مه‌ بخوه‌ بۆ خوه‌ دروست كرین. ب كورتى دبیت به‌غدا ژى ڤێ بزانیت ئه‌م چه‌ند پیدڤى پارا نین نه‌ دا بژین، به‌لكو دا خوه‌ پێ بخه‌ملینین. ل ڤێرێ سیاسه‌ت ژى تێكهه‌لى ڤێ ئالۆزیێ دبیت. مسۆگه‌ر دێ مووچه‌ دروست بن؟ ئه‌ڤه‌ ئه‌ركێ حوكمه‌تێ یه‌ بكه‌ت. لێ ئه‌م وه‌ك تاك راهاتینه‌ چاوا مووچا بخوین. چ گرنگه‌ چ نه‌ گرنگه‌. ئه‌گه‌ر راست بیت ل سه‌ر به‌ختێ هنده‌ك ژێده‌را دبێژن قه‌بارێ (عه‌مه‌لیات تجمیل) ل كوردستانێ بۆ نێزیك دو سالا(ملیار دۆلاره‌)؟! دبێژن سویكا ته‌له‌فۆنان ل كوردستانێ (سێ) ملیار دۆلاره‌ ؟!و ئێن دى دبیت نه‌هێن گۆتن. ئه‌رێ ئابوور ناسێن مه‌ چ خواندن بۆ ڤێ پرسا نووى هه‌یه‌, ئه‌رێ ئه‌م دشێن ڤێرا بگه‌هین هه‌مى وان كێماسیان پڕكه‌ین یێن ریكلام بۆ مه‌ درست دكه‌ت!؟ یان ژى زڤرین نینه‌ و دڤیا ل ڤى شێوه‌ى رابهێن و بژین وه‌ك سویك سه‌رمایه‌داریا روو دخوازیت. ئه‌رێ مووچه‌ دێ ڤێ ڤالاهیێ هه‌مى پڕكه‌ن.یان (هل من مزید)؟ دێ د ڤێ گێَژه‌ڤانكێ دابین.

كۆڤان حسێن
ئه‌و ئاماژه‌یا به‌رێز قوباد تاله‌بانى داى كو ره‌نگه‌ هنده‌ك ل به‌غدا دخوازن (گه‌شا) كوردستانێ راگرن رێز گرتن بۆ هه‌ستێ عیراقیان، ژ من ڤه‌ نه‌یا ڤالایه‌ و نه‌ ژى د ناڤبه‌را (ترانێ و راستیێ) دا هاتیه‌، به‌لكو راسته‌ ئه‌م كودستانێ پڕى كێماسى و كێم دادى و قه‌باره‌كێ گه‌نده‌لیێ تێدا دبینین، لێ ب چاڤ و دیتنا هنده‌كان ل به‌غدا كوردستان ب ژماره‌كا فه‌له‌كى ل پێشیا وان دچیت و ژ ئالیێ ده‌روونى و چاڤ پێنه‌رابوونا سیاسى و زكره‌شیه‌ك مه‌زهه‌به‌. هه‌ر تشته‌كێ بێژن ژ به‌ژنا وان و بیر و لۆژیكێ سیاسیێ وان دوه‌شیت، ژ ره‌خه‌ك دى ڤه‌ ئالیێن سیاسى ل به‌غدا خودان رۆژه‌ك ئاشكرا و راگه‌هاندى نینن بۆ چاوانیا سه‌رده‌ریێ ل گه‌ل پرسا نه‌ته‌وه‌یه‌كا دى(شه‌ریك) د وه‌لاتى دا. هندى من دوویڤچوون كرى و گوهدارى كرى سیاسیێن به‌غدا ل گۆر بازارێ رۆژێ و سۆسیال میدیایێ ل چه‌ند گوشه‌كان، هنده‌ك داخۆیانى هه‌نه‌ ل سه‌ر سه‌مته‌كێ ناراوه‌ستن و هیچ دیتنه‌ك سیاسى زه‌لال بۆ كوردستانێ نینه‌، نه‌ دژایه‌تیا وان زه‌لاله‌ كه‌سه‌ك بێژی دوژمنن و دێ مینن ل سه‌ر ڤێ سه‌لیقا ره‌فتارێ نه‌ژى دۆستن ببن جهێ پشتبه‌ستنێ، كا چاوا هندك كوردستانێ خه‌مسار دبینن كو به‌غدا پشت گوهڤه‌ هاڤێت بوو سالێن بۆرى هه‌مان تشت بۆ هندێ ژى ره‌وایه‌ به‌غدا ژى كوردستان و پرسێن وێ گرنگى نه‌دایه‌ وه‌ك پایته‌ختێ فیدرالى، به‌رپرس ژ هه‌مى وه‌لاتى حه‌ه‌تا كار گه‌هشتیه‌ هندێ ئێدى دیالۆگا سیاسیا ره‌سه‌ن بۆ شه‌ڕێ داخۆیانیا ل میدیایى و ئه‌ڤه‌ مه‌ترسیا جڤاكى ل سه‌ر دروست دبیت. مێژوویا دیالۆگێ ل گه‌ل به‌غدا بۆ سه‌د سالان دزڤریت. ئاریشه‌ك هنده‌ درێژ ئاسێ بووى، هیچ چاره‌سه‌ریه‌ك بۆ نه‌هاتیه‌ دیتن سه‌ربارى هه‌مى ده‌قێن دستوورى و قانوونى. بۆ هه‌ژاریه‌كا سیاسى دزڤریت یان بۆ مه‌رمێن نه‌هێنه‌ گۆتن ڤه‌دگه‌ریێت.
سه‌رئه‌نجام كوردستان بوویه‌ كه‌د وار ب هه‌مى عه‌یبى و كێماسیێن خوه‌ڤه‌ كه‌ساتیه‌كا قانوونى دستوورى، لێ بێ دلى به‌غدا و نه‌ د فه‌له‌كا وێ ئافریه‌. راسته‌ ئه‌ڤه‌ كه‌دا سیاسى و قوربانیا هه‌مى خه‌لكێ كوردستانێ یه‌. لێ قه‌ت ل گۆر پیڤه‌رێن پایته‌ختێ نینه‌. نه‌كه‌ پرسێن سیاسى بۆ ئابوورى هاتینه‌ گوهارتن، سیاسى نه‌شیاینه‌ ژ رویێ سیاسى ڤه‌ پرسێ پالۆسه‌ بكه‌ن راسپاردیه‌ ئابوورێ و ئه‌ڤه‌ ناڤه‌رۆكا پرسێ ئێك لا ناكه‌ت، ژمن ڤه‌ جاره‌كا دى به‌غدا (پارا) ب ئاشێ كوردستانێ دا ناكه‌ت وه‌ك كوردان دڤێت ئه‌گه‌ر هه‌مى مه‌رج و گڤاشتنان ژى قه‌بوول بكه‌ن. چاره‌ ل كوردستانێ یه‌ سیاسى د ڤیا قه‌بارێ وێ بزانن مێژوویا خوه‌ قه‌نج بینن و راستگۆیانه‌ ل گه‌ل خه‌لكێ وه‌ رۆنكرنان بده‌ن. ب خودا بچین ئه‌وا دبێژن چاكسازى و پاكسازى هه‌ر چونه‌ بیت نیڤا وێ بهێته‌كرن خوه‌ژینیا ئابوورى بئافریت و و بازارى دێ به‌لانسا خوه‌ وه‌رگریت. گوهۆرینا رێره‌وا پرسێ ژ سیاسى بۆ ئابوورى ل گه‌ل به‌غدا به‌رهه‌ڤیێن جڤاكى و سیاسى بۆ دڤێن و لۆژیكه‌كێ تازه‌یێ سه‌رده‌ریێ دڤێت. بلا ئارمانج بمینن بنه‌جه، لێ تاكتیكا سه‌رده‌ریێ د دگوهۆرینێ دابیت ل گه‌ل سویكێ سویكا سیاسى ئانكو رایا گشیا شه‌قامێ سیاسى ل عیراقێ راستى گرێكه‌كا ده‌روونى بوویه‌ ده‌رحه‌ق كوردستانێ و دڤیا به‌رگا وێ ره‌نگڤه‌دانێ بكه‌ین.

كۆڤان حسێن
مێژوویا پڕه‌ ژ سه‌رهاتێن رى جه‌رك بر ژ شه‌ران و كوشتنێ، بریارا شه‌رى وه‌ختا دهێته‌دان، تازه‌ سیاسى بۆ ل هنده‌ك سه‌رده‌مێن لۆژیكى و به‌رئاقل دگه‌رهن، بریارا شه‌ڕى ژ ناخه‌ك ئالۆز سه‌رچاڤه‌ دگریت، سه‌ده‌مێن به‌رئاقل بۆ هیچ شه‌ڕه‌كێ نینن، لێ ره‌نگێ شه‌ڕى هنده‌ك پرسێن دى دئافرینیت، شه‌ڕێ ب ئاگرى و ئاسنى.كه‌ڤنه‌ بۆ كه‌ڤنیا مرۆڤان و هه‌روه‌سا وه‌ك ده‌رهاڤێژتا شه‌رى، شه‌ڕى برسیكرنێ یه‌ كو بۆ سه‌رده‌مێن كه‌ڤن و چه‌رێ ناڤین دزڤریت و هه‌تا نوكه‌ ژى وه‌ك ئالاڤه‌ك بۆ هنده‌ك كه‌فتنا یان هنده‌ك (تنازلاتان) دهێته‌ بكارئینان، لێ نوكه‌ ب ناڤێ (نه‌ته‌وه‌ێن ئێكگرتى) و سازێن جودا جودا دهێنه‌كرن، لێ مێژوو وه‌سا دیار دكه‌ت كارێگه‌رترین شه‌ڕ و ب باندۆرترین چه‌ك برسیكرنه‌ بۆ شكاندن و هه‌رسپێكرنا زۆره‌كا مله‌تان بۆینه‌ قوربانى. نه‌ك ژ نه‌زانینا خوه‌ یان ژ خیانه‌ت و عه‌والیا خوه‌ نه‌ك ژ بێ مۆرالیا خوه‌. ب تنێ ژ برسا؟! ئانكو وه‌ختا مرۆڤى نه‌یاره‌كێ وه‌سا هه‌بیت هه‌مى ره‌نگێ چه‌كى بكاربینیت. ره‌نگڤه‌دانا وێ ل سه‌ر لایه‌نێ لاواز راسته‌ دۆمدرێژ باندۆرێ دكه‌ت، لێ قه‌ت ئه‌و بریار و تنازلێن ژ برسا دا كرین. ئانكویا وێ ئه‌و نینه‌ ئه‌و ل لایێ هه‌لیێ دولاینه‌یا شه‌رى بوویه‌. دۆرپێجكرنا مله‌تان ب برسیكرنێ د نوكه‌ دا بۆ هنده‌ك مه‌رامێن سیاسى یان بۆ لادانێ ژ بنه‌كۆكا برسێ، هه‌تا سه‌رى نه‌خاریه‌، هه‌مى ئه‌ورۆپى رێكه‌فتن پشتى جه‌نگا جیهانیا ئێكێ ئه‌لمانیا سزا بده‌ن ب برسیكرنێ و بێ بهاكرنا ئابوورێ ئه‌لمانیا. لێ سه‌رئه‌نجام (نازى) ئافرین وه‌ك ئاگرى به‌ربوون گیانێ جیهانێ. بۆ كوردستانێ ئابلۆقه‌ و برسیكرن تشته‌كێ نوى نینه‌ ئه‌ڤا عێراق بووى ده‌وله‌ت هه‌تا نوكه‌ كوردستان د بازنێ ئابلووقێ دایه‌ ئه‌ڤ چه‌ند سالێن دووماهیێ نه‌بن. لێ ئه‌وژى ل بن گڤاشتنا جڤاكێ نێڤده‌وله‌تى دا یه‌. ب كورتى یا نوكه‌ عیراق دكه‌ت ب نه‌فه‌سه‌ك نه‌ژادپه‌رستى و مه‌زهه‌بى دكه‌ت بۆ لاوازكرنا كوردستانێ یه‌. ئه‌گه‌ر چى ل كوردستانێ ژى تێرا خوه‌ عه‌یبى و گه‌نده‌لى و پرسێن ژ ڤى ره‌نگى هه‌نه‌ وه‌ك ل هه‌مى جیهانێ هه‌ین. ده‌ستبرن بۆ نانێ خه‌لكێ ب ئاشكرا. ئه‌ڤه‌ بریاره‌كا پێِشوه‌خت و ڤه‌خواندیه‌ هیج په‌یوه‌ندێه‌ك ب قانوونا دستووران ڤه‌ نینه‌, نه‌ بۆ كوردستانێ بۆ هه‌ر جهه‌كێ ڤێ جیهانێ سیاسى نانى وه‌ك چه‌ك بكاربینن, ئه‌ڤه‌ داوه‌شینه‌كا ره‌وشیه‌ و لاوازیه‌كا مه‌زنه‌ بۆ سیاسیان وه‌ختا ڤێ كارتێ ژ لاوازیا هێزا قانوونان و دستوورى وه‌ك شوینگر بكاربینن. دبیت هنده‌ك مله‌ت هه‌بن خالا وازا وان جوگرافیا وان بیت.لێ هیچ مله‌ته‌ك ژى بۆ ده‌مه‌ك درێژ ژ ئه‌نجامێ شه‌ڕێ دۆرایێ خوه‌دا ژ برسا دا, هه‌تا رازى نابیت نه‌خاسم ده‌ما تێر بیت. ئانكو عیراق ره‌نگه‌ بشێت ژ برسان دا هنده‌ك پرسا قازانج كه‌ت لێ قه‌ت كوردان وه‌ك مله‌ت قازانج ناكه‌ت، برسیكرن سیاسه‌ته‌كا كه‌ڤنا عێراقێ یه‌ و هه‌تا نوكه‌ ئه‌نجام ئه‌و نه‌بوویه‌ یا دڤیا ئه‌وه‌ كورد د ستبه‌ردارێ خاك و شووناس و شانازیا خوه‌ بیت, سه‌رده‌مێ پاد شاهى هه‌تا نوكه‌ ب قه‌بارێن جودا جودا كوردستان برسیكریه‌, ئه‌رێ ڤیجارێ دێ بۆ چیته‌ سه‌ر.

كۆڤان حسێن
ل سه‌ر ئاستێ تاكه‌كه‌سى ژى ئه‌گه‌ر هنده‌ك مایێ و دوى دا نه‌كن ئه‌وێ خودانێ پرسێ دبیت ل به‌رچاڤ رۆنتر رێكه‌كێ به‌ته‌ پرسا خوه‌ و ل سه‌ر ئاستێ جڤاكى ژى وه‌ك دبێژن پرانیا ئاریشێَن نوكه‌ ل دادگه‌هان پشكه‌ك بۆ مایتێكرنا وان كه‌سان دزڤریت یێن دشیان مایێ خوه‌ تێنه‌كه‌ن. خونیشاندان و حوكمه‌ت ل هه‌مى جیهانێ پیجه‌كا ئازادیى هه‌بیت. د هه‌ڤكێسه‌كا نازك دا دبۆرن ل ره‌خه‌كێ خوه‌نیشادان مافه‌ ل ره‌خێ دى پاراستنا ئارمیێ ب گشتى ئه‌ركێ سازیێن حوكمه‌تێ یه‌ ل گۆر گرێبه‌ستا جڤاكى. كێمن خوه‌نیشادانێن ده‌ست ل پشت نه‌بن. به‌لێ چ ده‌ست چونكو یان حزبه‌ك یان سه‌ندیكایه‌ك یان گرۆپه‌ك یان هه‌ر كۆمه‌كا مرۆڤان پێرادبن. ئه‌ڤه‌ یا نۆرماله‌. هه‌تا نوكه‌ ده‌ستێ ده‌ره‌كى نه‌هاتیه‌ پێناسه‌كرن و دوور نینه‌ ژى هه‌بیت و دوور نینه‌ ژى نه‌بیت. لێ سه‌ربۆر وه‌سا دیار دكه‌ن ل ڤێ ده‌ڤه‌را مه‌ ب گشتى ماتێكرن كلتووره‌كێ باوه‌. ئه‌گه‌ر هیچ خۆنیشاندانه‌ك ژ یێن (سووریا و لیبیا و یه‌مه‌نێ) خورسك و حه‌قتر نه‌بوون. لێ ژ ئه‌نجامێ ماتێكرنا خه‌لكێ دى یان ده‌ستێن دى ئه‌نجام دیاره‌ ب چ كاره‌ساتێ گه‌هشتن. مافێ خوه‌نیشادانێ، مخابن بو خودان مافان ناهێلێت هێلان هه‌تا مماره‌سا مافێ خوه‌ بكه‌ن وه‌ك دیار. ئه‌ڤه‌ بۆ كێم ره‌وشه‌نبیریه‌كا سیاسى و بێ ستراتیژیا سیاسێن كوردستانێ دزڤریت. بۆچى حزبه‌ك ئه‌گه‌ر د ڤێ خوۆنیشادانێ دا بكه‌ن بۆچ ئه‌و د بن ناڤ و ئالا و درووشمێ خوه‌ڤه‌ ناكن؟! بۆچى سیارى خوه‌نیشادانێن (ماف خازى خزمه‌تگوزارى) دبن.؟ ئه‌ڤ سیاسه‌تكرنا سیبه‌رى نه‌ زه‌لال هنده‌ك بها بێ رامان كرینه‌. خوه‌نیشاندان مافێ هه‌ر كه‌سێ و هه‌ر ئالییه‌ و د ئه‌نجامدانێ دا ژى ڤێت ژێكجێواز بن چ خوه‌نیشادانیِن سیاسى نه‌ چ مافخازى نه‌؟! یێن سیاسى ماشا‌و لله ل كوردستانێ مه‌ تێرا هندێ حزبێن ده‌ستووردای هه‌نه‌ سیاسه‌تێ ئاشكرا و ئازاد دكه‌ن. بۆ هه‌مى حزبان سوواربوونا ل داخوازێن رۆژێ یان پرسێن ژیانه‌ڤانى بخوه‌ ژ بها و سه‌نگا خوه‌ كێم دكه‌ن. حوكمه‌تێن جیهانێ هه‌میان به‌رامبه‌ر خووه‌نیشاندانان ره‌نگه‌كێ حساسیێ یێ هه‌ى، نه‌خاسمه‌ پرانیا خونیشادانا گرژى دروست دبیت هه‌ر چه‌ده‌ نۆرماله‌، لێ نه‌ گه‌هیته‌ راده‌یا قوربانیان. ئه‌رێ پرسێن كوردستانێ دێ ب خوه‌نیشادانا سه‌ر راست و چاره‌سه‌ربن.ب دیتنا من ئه‌گه‌ر پیجه‌ك هیڤى ژى هه‌بن دێ خۆنیشادان پرسێ چاره‌سه‌ر كن ل وێ باوه‌رێ مه‌ حزبێن كوالسیۆنا حوكمه‌تێ بخوه‌ دا خونیشادانا كه‌ن و ئه‌و مه‌یدانه‌ بۆ یێن دى و ده‌ستێن ده‌ره‌كێ نه‌ دهێلا.خوه‌نیشادان دژوار ژى بن، رێك دچیتێ لێ چه‌كدار بن وى ده‌مێ هه‌مى قامووسا سیاسى رادوه‌ستیت بۆ پێناسه‌كا دیتر و ئه‌ڤه‌ پرسه‌كا دیه‌، قه‌ت دڤیا ژ مافخازى و پرسێن ژیانێ بێته‌ ڤاڤارتن. ئه‌ڤجا ده‌ستێن ده‌ره‌كى د بیانى نینن ل ده‌ڤه‌را رۆژهه‌لاتا ناڤێن ئانكو زۆرن و هه‌نه‌ و كاریگه‌رن، به‌لكێ هشیاریا سیاسى و ئاستێ سه‌ره‌ده‌ریا سیاسیى و یاساى دڤیا پرسا ژێكجودا كه‌ت، سیاربوون ل هه‌ر پێله‌كا نه‌رازیبوونێ بۆ مه‌رمێن سیاسى ج حزبه‌ك وه‌سا بیربكه‌ت، بێگومان وێ ئاریشێن بنگوهین د سازیا خوه‌ وه‌ك حزب دا هه‌نه‌ ل سه‌ر ئاستێ جه‌ماوه‌رى و هه‌ر حوكمه‌ته‌ك ژى خوه‌نیشادانێ ب مه‌ره‌ما دژایه‌تیێ پێناسه‌كه‌ت، سه‌ده‌م و ئامرازێن وێ نه‌ خوینیت زیانێ ل ناڤوبانگێ خوه‌ و پرۆسا سیاسى دكه‌ت..

كۆڤان حسێن
د ڤىَِ سالا بۆرى دا، هه‌ر چه‌نده‌ جیهان هه‌مى مژوولى پرسا كۆرۆنایێ بوو، لێ قه‌د پرسێن سیاسى و ئالۆزێن جیۆسیاسى ل جیهانێ بهایێ خوه‌ ژ ده‌ستنه‌دان، د ماوه‌یێ ساله‌كێ دا سێ هه‌ریمێن نیمچه‌ سه‌ربه‌خوه‌ و نێزیك سه‌ربۆرا هه‌رێما كوردستانێ ب بریار یان ب شه‌رىِ د ناڤ بێده‌نگیا جیهانێ دا، ژناڤچوون و خه‌باتا سیاسیا خه‌لكێ ڤان هه‌رێمان راستى كاره‌ساتێ هات. (كه‌شمیر) ل هندێ و (تیغراى) ل ئه‌سیۆبیا (كاره‌باغ) ل ئازه‌ربێجانێ). هه‌ر كه‌سێ ژ ره‌وشا ڤان هه‌رێمان ئاگه‌هدار بیت و هوور ل ره‌وش و مێژوویا وان بزانیت، دێ بۆ دیار بیت، هێشتا جیهانێ گه‌له‌ك نه‌ته‌وه‌ و مله‌ت هه‌نه‌ بووینه‌ قوربانى مێژوویێ یان سیاسه‌تا زلهێزا. ژناڤچوونا سێ هه‌رێمێن فیدرالى، یان نیمچه‌ سه‌ربه‌خوه‌ چ په‌یامه‌كه‌ پشتى شه‌ڕێ سارێ جیهانێ و ئه‌نجامێ جیهانگێرى و شۆره‌شا ته‌كنولۆجیایێ و سه‌رده‌مێ مافێ مرۆڤان دا. هێشتا مله‌ت هه‌بن راستى كۆمه‌لكوژى و سرینێ بن. ب تنێ چونكو ژ نه‌ته‌وه‌یێن سه‌رده‌ست جودانه‌. ڤان هه‌رێمان هندى بێژى ئاریشه‌ ل گه‌ل پایته‌ختێن خوه‌ هه‌به‌ونه‌. لێ ئاریشێن سیاسى و ژ ئه‌نجامێ نه‌بوونا كیانه‌كێ وان بپارێزیت، هنده‌ك ب شه‌ڕى و هنده‌ك ب بریاره‌كا سیاسى ژ ناڤچوون و ده‌رگه‌هه‌كێ سه‌ختێ قوربانیێ سه‌رژنى بۆ دوباره‌ خه‌باته‌كا ژ شێوه‌كێ دى ڤه‌كر. ئه‌ڤه‌ هندێ دیار دكه‌ت نه‌ته‌وه‌یێن سه‌رده‌ست د كیانه‌كێ فره‌ئاین و نه‌ته‌وه‌ دا هه‌مى گاڤێ دیمۆكراتیانه‌ بیرناكه‌ت و سوودێ ژ هه‌ر ده‌رفه‌ته‌كێ دبینیت بۆ ئێكلاكرنه‌كا دراماتیكى بێ ل به‌ر چاڤگرتنا حه‌ز و شكۆمه‌ندیا مله‌تێن ئازادیخواز. ئه‌رێ بۆ كوردستانێ ئه‌ڤه‌ وه‌ك زنگا مه‌ترسیێ نینه‌, ئه‌رێ ل به‌غدا ئاشكرا نابێژن هه‌رێما كوردستانێ زێده‌یه‌؟ ئه‌رێ ئه‌گه‌ر جیهانێ پشت ل كوردستانێ كر جاره‌نڤێسێ كوردستانێ دێ دبیت. ئه‌رێ ما ڤان هه‌رێمان ژى (گاز) هه‌بوو؟! ئه‌رێ ژ راست پرسا كوردستانێ ل گه‌ل نه‌ته‌وێن سه‌رده‌ست پرسا ئابوورى و گازێ یه‌؟ یان پرسا ئاخێ و شۆناسێ خوه‌یه‌ ل سه‌ر ئاخێ؟. هه‌رێما كوردستانێ ب هه‌مى عه‌یبێن خوه‌ڤه‌ سه‌ربۆره‌كا سه‌ركه‌فتى و نموونه‌یه‌ ل ڤێ ده‌ڤه‌را پڕى ئاریشه‌ دا. لێ ئاریشه‌ ل به‌رامبه‌ر دایه‌, كى هه‌ڤڕكێ سیاسیێ كوردایه‌ ل عیراقێ سه‌د سال بۆرین و هێشتا پرسا دو نه‌ته‌وه‌یان ل وه‌لاته‌كێ دا ب چ سیسته‌مان بنه‌جه و مكم نه‌بوویه‌. ئاستێ هه‌ڤركیا كوردستانێ ل گه‌ل به‌غدا هه‌مى قووناغێن شه‌ڕى هه‌تا كیماوى و نوكه‌ ژى برسیكرن ده‌رباس كرینه‌.چ ئاسۆیه‌ك هه‌یه‌؟! كى زامنه‌ به‌غدا پڕانیه‌كا سیاسى وه‌ك كه‌شمیرێ ب دووماهی نه‌ئینیت؟! یان كێ زامنه‌ بۆ هه‌تا هه‌تا ده‌رفه‌ته‌كێ دا وه‌ك تیغراى راستى هێرشه‌كا سه‌ربازى نه‌بیت یان كێ زامنه‌ وه‌ك كرباغێ راستى فه‌رمانه‌كا دى تالانكرنێ نه‌بیت, هێشتا سێ نه‌ته‌وێن سه‌رده‌ست نه‌هاتینه‌ وى ئاستێ هه‌بوونا كوردان قه‌بوول بكه‌ن. یا دى هه‌مى رووكه‌شى و بهانه‌نه‌ ب كوردستانێ دگرن؟!. ئێگرتن و خوه‌سازان و خوه‌ژیانكرن بۆ موده‌هه‌كێ زامنێ مان و به‌رده‌وامیا كوردستانێ یه‌..چیروك درێژه‌…!