ئه‌ڤرۆ، هه‌رهین:

سترانبێژ دژۆار دوسكی، د دیداره‌كێ‌ دا بۆ به‌رپه‌رێ‌ هونه‌ری یێ‌ رۆژناما ئه‌ڤرۆ دیاركر كو راسته‌ ئه‌ڤه‌ بۆ ده‌مێ‌ ساله‌كێ‌ یه‌ وی ستران نه‌گۆتین، به‌لێ‌ وی ده‌ست ژ ستران گۆتنێ‌ نه‌ به‌ردایه‌ و ژبۆ دابینكرنا پاریێ‌ رۆژانه‌ یێ‌ زارۆیێن خوه‌ ده‌ست ب كاره‌كێ‌ دی كریه‌.

زێده‌تر گۆت: چارده‌ سالان من ستران گوتینه‌ و خودان چار به‌رهه‌م و چه‌ندین كلیپم، ئه‌ندامێ‌ سه‌ندیكا هونه‌رمه‌ندێن كوردستانێ‌ مه‌ و سترانبێژه‌كێ‌ وه‌كو حه‌سه‌ن عه‌لی خه‌نجه‌ری گۆتیه‌ من دێ‌ جهێ‌ من گری و من هه‌موو تشت دانه‌ لایه‌كی و ئه‌ز ل ژیارا زارۆیێن خوه‌ گه‌ریام،

و به‌ری چه‌ند شه‌ڤان ل دهۆكێ‌ ماله‌كێ‌ داخوازژ من كریه‌ بتنێ‌ دو ده‌مژمێران سترانان بێژم من نه‌گوتن، چونكو یان دێ‌ بۆ هه‌موویان چم، یان بۆ كه‌سه‌كی بتنێ‌ نابێژم و دانه‌ بیته‌ جوداهی و هه‌تا كو بوویه‌ ده‌واتا برایێ‌ من ژی من ستران نه‌گوتینه‌ و كه‌نالێ‌ وار تیڤی ژی بۆ من دو كلیپ چێكرن و هه‌رستودیویه‌كا من بڤێت ده‌نگی لێ‌ تۆماردكه‌م، به‌لی َمن ب جه هێلان و من چێنه‌كرن و ئه‌ڤه‌ بۆ ده‌مێ‌ ساله‌كێ‌ یه‌ من ستران نه‌گۆتین و من چ كارێن هونه‌ری ئه‌نجام نه‌داینه‌.

ئه‌ڤرۆ، هه‌رهین محه‌مه‌د:

هاشم بۆسه‌لی، سترانبێژێ‌ كوچكو دیوانان، د دیداره‌كێ‌ دا بۆ به‌رپه‌رێ‌ هونه‌ری یێ‌ رۆژناما ئه‌ڤرۆ دیاركر كو وی دو ستران  توماركرینه‌ و سترانا (میرانێ‌  و خوخێ‌ جانێ‌) و هه‌ردو سترانا ل سه‌ر زارێ‌ بۆتانی وه‌كو حه‌یران و په‌یزوكا وی بۆ كۆڤان سالم هنارتینه‌ دبیت كلیپه‌كێ‌ ژێ‌ چێكه‌ت بۆ كه‌نالێ‌ وار تیڤی.

هێشتا گۆت: پتریا خه‌لكی گوهداریا سترانێن فولكلۆری، چونكو خه‌لكی زانی كلتۆر و فۆلكلۆرێ‌ مه‌ ئه‌وه‌ و ناسناما ملله‌تێ‌ مه‌ ژی دناڤ ڤان سترانا دایه‌ و هه‌موو نه‌ریت ژی دناڤدا دیاردبن ژبه‌ر ڤێ‌ چه‌ندێ‌ رێژه‌كا مه‌زن ژ خه‌لكێ‌ مه‌ ل سترانا فۆلكلۆری زڤریه‌ ڤه‌ و گه‌له‌ك یا گرنگه‌ وه‌زاره‌ت و رێڤه‌به‌ریا ره‌و شه‌نبیری نه‌ هێلن ده‌ستكاری دسترانێن فۆلكلۆری دا بهێته‌ كرن و ب مخابنی ڤه‌ گه‌له‌ك ستران تێچوووینه‌ و سترانبێژێن مه‌ یێن هه‌فچه‌رخ من رێز بۆ هه‌موویان هه‌نه‌ ب كه‌یفا خوه‌ په‌یڤ و ئاوازێن وان یێن گۆتین و هه‌كه‌ دووڤچوونا وان بهێته‌ كرن دێ‌ تشته‌كێ‌ باشتر ده‌ركه‌ڤیت ب تایبه‌تی ل ده‌ڤه‌را دهۆك و زاخو دووڤچوونا وان سترانان بكه‌ن یێن گه‌نج كلیپ دكه‌ن و ژبه‌رخوه‌ سترانێ‌ چێدكه‌ن و دێ‌ یا باش بیت رێگری ل وان بهێته‌ كرن ده‌ستكاری دسترانێن فۆلكلۆری دا نه‌هێته‌كرن

ل دووماهیێ‌ گۆت: ناما سترانبێژی ناهێته‌ دان و سترانبێژی ژی چو بهایێ‌ خوه‌ نینه‌ و چو پشته‌ڤانی بۆ نینه‌ و بتنێ‌ خه‌لكێ‌ مه‌ سه‌برا خوه‌ پێ‌ دئینت و ل ده‌ف مرۆڤی په‌سنا مرۆڤی دكه‌ن دبێژن ته‌ گه‌له‌ك خۆش گۆت.

ئه‌ڤرۆ، شاهۆ:

شانوڤان (مه‌تین موسته‌فا) د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ل قوتابخانی ماموستایێ من به‌هره‌یا من یا ئه‌كته‌ریێ دیاركر و پالپشتیامن دكر به‌رده‌وامی، به‌شێ شانۆیێ ل په‌یمانگه‌ها هونه‌ریێن جوان خواندنا خوه‌ ب دووماهی بینم،  هه‌لبژارتنا من بۆ شانۆیێ حه‌زو ڤیانامن بوو، پشكداری چه‌ندین كاران بوویمه‌ شانۆ و درامایان، داخواز ژمن كرینه‌ به‌شداری چه‌ند كاران ببم، به‌لێ‌ ژبه‌ر نه‌بوونا دمی نه‌شیایمه‌، ل ده‌سپێكێ من دڤیا پیشه‌ بیت ژبۆ كارێن باش به‌رۆڤاژی ده‌ست به‌ردایی بووم.

مه‌تینی گۆت: جوداهیا شانۆیێ ئه‌وه‌ كار ب كوم دهیته‌ ئه‌نجام دان و هه‌موو هونه‌ر خوه‌ تێدا بینن، هه‌موو وه‌لاتێن جیهانێ كلتور و هونه‌رێ خوه‌ دپارێزن و نیشان دده‌ن ل ناڤخۆیی و دبنه‌ ده‌رڤه‌ی وه‌لاتی ژی نیشادده‌ن، جهێن شۆله‌ژێ دڤێت چاڤ خشاندنه‌ك ل سه‌ر هه‌بیت و پالپشتیێ ل ئه‌كته‌ر و ماموستایێن خودان شیان بكه‌ن و كاریێن خومالی ئه‌نجام بده‌ن ، شانو ژبوومن حه‌ز و ڤیانه‌ ،په‌شێمانم ژ ئه‌وان هیڤی و ئاره‌زویێن من دڤیان هاتنه‌ به‌رزه‌كرن.

ئه‌ڤرۆ: شاهۆ فه‌رید:

شێوه‌كارا گه‌نج (په‌ری ئازاد ئه‌حمه‌د) د دیداره‌كێ دا بۆ به‌رپه‌رێ هونه‌ریێ رۆژناما ئه‌ڤرۆ گۆت: من زور حه‌ز ل سه‌ر شێوه‌كاریێ هه‌بوو سه‌ره‌رایی ل قوناغا دوازدێ ئاماده‌یی كو نمره‌كا باش من ده‌ستڤه‌ ئینا، به‌لێ ژبه‌ر ڤیانا من بۆ شێوه‌كاریێ من ئه‌ڤ به‌شه‌ هه‌لبژارت و نوكه‌ قوتابیمه‌ و خێزانا من و هه‌ڤالێن من پالپشتێن من بووینه‌ و رێگری نه‌ بووینه‌ ، هه‌تا نوكه‌ نت پشكداری د چار پێشانگه‌هان دا كریه‌ و ئێكا تایبه‌ت ژی من ڤه‌كریه‌، كچێ گه‌له‌كـ رۆلێ خوه‌ هه‌یه‌ چونكو دكاریت هه‌موو ئێش و ئازاران د كه‌ڤاله‌كی  دا روونتربكه‌ت چونكو شێوه‌كارێ كوڕ نه‌شێت دیاركه‌ت، حه‌ز دكه‌م كه‌ڤالان ل سه‌ر ئێش و ئازارێن ملله‌تێ كورد تێدا ده‌رباز بووی و رێگریێن ئافره‌تان ب ئازرینم ن.

ناڤهاتیێ گۆت: كه‌ش هه‌وایێ هه‌رچار وه‌رزیێن سالێ هاریكاره‌ د ئێك جهدا كه‌ڤالێن خوه‌ جێواز بكێشی و ده‌مه‌كێ نێزیك دێ پێشانگه‌ها خوه‌یا دویێ ڤه‌كه‌م سروشتێ كوردستانێ ڤه‌ گرێدایه‌، هه‌رهونه‌ره‌كی تامه‌كا تایبه‌ت هه‌یه‌ به‌لێ شێوه‌كار كه‌ڤاله‌كێ پری رامان و خۆشی و نه‌خۆشی ناڤدا بێ ده‌نگی ببینی.

ل دووماهیێ گۆت: بۆ ده‌ستڤه‌ ئینانا خامه‌یێ كاری هنده‌ك به‌رده‌سته‌ به‌لێ به‌شه‌كێ دی ژ ده‌رڤه‌یی وه‌لاتی یه‌ و بهایێن گران، داخوازا كه‌ڤالێن تایبه‌ت ژمن  دهێنه‌كرن بۆ هنده‌ك جهێن تایبه‌ت، هه‌تا نوكه‌ قوتابی مه‌ دڤی بواری دا به‌لێ پاشه‌رۆژێ دا ببیته‌ ده‌رگه‌هه‌ك ژبۆ  ب ده‌ستڤه‌ ئینانا دا هاته‌كی، مانا هه‌ر ملله‌ته‌كی ب هه‌بوونا هونه‌ری یه‌، كێشێن جڤاكێ مه‌ مینا خودیكه‌كا زه‌لال به‌رۆڤاژی دكه‌ت بۆ سه‌ر كاغه‌زان د كه‌ڤالی دا.