ئه‌ڤرۆ، به‌رپه‌رێ ساخله‌میێ:
وه‌رزێ زڤستانێ دهێت و باران و به‌فر و بریسی و كێمبوونا پلێن گه‌رماتیێ ژی دگه‌لدا دهێن.
زڤستان وه‌رزه‌كێ جوانه، به‌لێ گه‌له‌ك ئاریشه‌یێن ساخله‌میێ و نه‌خۆشیان بو مرۆڤی په‌یدادكه‌ت، ب تایبه‌ت هه‌كه مرۆڤ خوه نه‌پارێزیت.
زیانێن ژ ئه‌نجامێ سه‌ڕمایێ په‌یدادبن:
٭ هشكبوونا خوینێ د خوینگێران دا و پاش مرۆڤ تووشی جه‌لتێن دلی و مه‌ژی دبیت، نه‌خۆشیێن دلی دگه‌ل سه‌ڕمایێ زێده‌تر لێدهێن.
٭ به‌دهه‌رسی و ئێشانێن مه‌عیدێ و زكی و ئه‌گه‌رێ وێ ئه‌وه كو ئه‌نزایمه‌ك دناڤ مه‌عیدێ دا هه‌یه، ده‌مێ پلێن گه‌رماتیێ كێم دبن دروست شوولێ خوه ناكه‌ت.
٭ مرۆڤ زوو تووشی كوخكێ و په‌رسیڤێ و ئه‌نفلاوه‌نزایێ و به‌رسه‌ڕمابوون و ئێشانا گه‌وریێ دبیت، دگه‌ل سه‌رئێشانێ، ئه‌گه‌رێ ڤێ چه‌ندێ ئه‌وه كو ڤایرۆس و میكرۆب دناڤ سه‌قایێ ساڕ دا زووتر به‌لاڤ دبن.
٭ هه‌ودانا ره‌گه‌ها سینگی و سیهان ژ ئه‌نجامێ تووشبوونێ ب ئه‌نفلاوه‌نزا دژوار.
٭ میزه‌رۆ تێك دچن و ئه‌ڤه دبیته ئه‌گه‌رێ نه‌هاتنا میزێ و ب تایبه‌ت ل ده‌ڤ وان كه‌سێن مه‌زنبوونا پرۆستاتان هه‌بیت.
٭ ده‌مێ پلێن گه‌رماتیێ گه‌له‌ك نزم دبن، دبیته ئه‌گه‌رێ مرنێ، چونكو نزمبوونا پلێن گه‌رمێ دبیته ئه‌گه‌رێ نه‌دروست كاركرنا دلی و پاش مرن په‌یدادبیت.
٭ سه‌ربارك د كۆئه‌ندامێ هه‌ناسێ دا په‌یدادبن ب تایبه‌ت بو نه‌خۆشێن ره‌بوویێ.
٭ په‌یدابوونا نه‌خۆشیێن پیستی یێن جودا جودا، وه‌كو ئه‌كزیما، پرسك، سه‌ده‌فیه، هه‌ستداریا پیستی و سۆربوونا دێم و روویان ب تایبه‌ت ل ده‌ف زارۆیان.
٭ ئێشانێن ستووی و پشتێ، ئه‌گه‌رێ وێ بو تێكچوونا زەڤله‌ك و ماسۆلكان ڤەدگه‌ریت.
٭ شه‌خبوونا لێڤان و گه‌ڤشك گرتن ژ دێمی و پرچێ.
سێ شیره‌تێن ده‌روونی یێن گرنگ بۆ ژنان
ئه‌ڤرۆ، به‌رپه‌رێ ساخله‌میێ:
نوشدارا ده‌روونی ( كارلا ئه‌مبیر) تایبه‌تمه‌ندا نه‌خۆشیێن ده‌روونی ل پەیمانگه‌ها (مه‌یامی) ل باژێرێ فلوریدا ڤان شیره‌تان ئاراسته دكه‌ت:
* بۆ ده‌مه‌كی حه‌ز ژ خۆ بكه:
یا پێدڤیه ل سه‌ر هه‌ر ژنه‌كێ ده‌مه‌كی دگه‌ل ده‌روونێ خۆ ببورینیت داكو تشته‌ی ژ خۆ بزانیت و ب سه‌ر پێدڤی و ده‌ستپێكێن ژیانا خۆ شاره‌زا ببیت، گه‌له‌ك رێك بۆ ڤێ چه‌ندێ هه‌نه بۆ نموونه هیڤی بوون و خواندنا روژنامه‌یان داكو مێشكێ خۆ سافی بكه‌ت ژهه‌ر تشته‌كێ دیتر و دیسان هنده‌ك رێكێن دی هه‌نه كو ل سه‌ر حه‌زا وێ دمینن و ئه‌ڤ لایه‌نێ ژیانێ گه‌له‌ك گرنگیا خۆ هه‌یه و نابیت پشت گوه ب هاڤێژین داكو مه باوه‌ری ب ده‌روونێ خوه هه‌بیت و ژیانا خوه نوو بكه‌ین و ئه‌م بۆ رێكا راست بهێینه ئاراسته‌كرن.
* مرۆڤه‌كا جڤاكی به و پشكداریێ دگه‌ل كه‌سێن دی بكه:
گه‌له‌كا ب زەحمه‌ته كه‌سه‌ك خوشیێ ببینیت هه‌كه یێ بتنێ بیت، به‌لكو پێدڤیه مرۆڤ پشكداریێ د گه‌ل جڤاكی و ده‌وروبه‌رێن خوه بكه‌ت و ئه‌و پشكداری دێ ئه‌نجامێن باش ل سه‌ر ده‌روونێ مرۆڤی په‌یداكه‌ت.
* گیانێ خوه ب راهێنانێن وه‌رزشی ب پارێزه:
داكو هه‌رده‌م مه‌عنه‌ویاتێن ته دبلند بن پێدڤیه رۆژانه وه‌رزشێ ئه‌نجام بده‌ی، ئه‌و وه‌رزش دێ له‌شێ ته چالاك كه‌ت و هورمونێن دژی خه‌موكیێ دێ زێده‌بن و ئه‌ڤه دێ گێولێ ته و ده‌روونێ ته خوش كه‌ن.
نيشاندان