جه‌مال چه‌لكی
قه‌له‌ڕه‌شه‌كا برسی
سپێده زوویه‌كێ ژ هێلینا خوه ده‌ركه‌فت.
دادا سه‌ر كیفكێ گه‌نده‌له‌كێ
ب نكلێ خوه
ل چنیكێن نانی دگه‌ریا.
د ڤه‌گه‌را خوه‌ده،
ل هنداڤی كه‌پرۆكێن هه‌ژاره‌كی،
فڕه ڤه‌دان و
ب ده‌نگه‌كێ بلند
قیژه قیژه‌ك دكر
.. ئه‌ز قاسدێ دزه‌كێ مه
به‌كرۆكێ زۆرداره‌كێ مه،
وه‌رن زووكا وه‌رن
به‌رێ قیبلا خوه بگوڕن!
ته‌قلی مه‌شا..
ده‌هۆل قوتێن تاریێ ببن.
ژ بۆی قرالێ سته‌مێ
هه‌می بهه‌ڤرا بكه‌ڤنه چه‌پا
بێژن: بژیت باشا.. بژیت پاشا.
پشتی قه‌له‌ڕه‌ش،
كه‌سیره‌بووی..
گه‌هێن وێ سست و خاڤبووین.
ئێڤاره‌كا دره‌نگ،
ب زكه‌كێ برسی..
ڤه‌گه‌ڕا سه‌ر هێلینا خوه.
دقیژاند:
سوپاس بۆ خودێ
كو ئه‌م داین قه‌ل..!
نيشاندان