ئه‌ڤرۆ، به‌رپه‌رێ ساخله‌میێ:
ب خۆشحالیڤه زوربه‌ی وه‌لاتان ده‌ست كریه بكارئینانا چه‌ند جورێن ڤاكسینێ بۆ كنترولكرنا بله‌ز ل به‌لاڤبوونا ڤایروسێ كورونایێ.
ژبلی ئه‌گه‌رێن كاتی ل ده‌مێ بكارئینانێ چه‌نده‌ها مفایێن هه‌ین،مفایێن وێ هنده‌ك بۆ تاكینه و هنده‌ك بۆ جڤاكی نه، ل دووماهیێ بۆ هه‌موو مروڤایه‌تیێ، ل ڤێره دێ تیشكێ ئێخینه سه‌ر كاریگه‌ریێن ئه‌رینی یێن ڤاكسینێ ب گشتی:
١ـ لاوازكرنا ئه‌گه‌رێ تۆشبووونا تاكی پشتی ڤاكسینێ ب كاربینیت، ل نوكه ئه‌و رێژێن كو ل ڤه‌كولینان دیاردبن پاراستن ژلایه‌ن ئه‌وان ڤاكسینان ٦٠٪ هه‌تا ٩٠٪ ێ یه، كو ئه‌ڤه ژی رێژەكا باشه.
۲ـ ئه‌گه‌ر پشتی وه‌رگرتنا ڤاكسینێ تووشی ڤایروسێ بووی ئه‌و دێ ته ب سڤكی گریت، ل ڤه‌كولینێن ده‌ستپێكی وه‌سا ده‌ردكه‌ڤیت كو پشتی ب كارئینانا ڤاكسینێ نه‌خۆشیا كورونایێ گرت ئه‌و دێ نیشانێن وێ دسڤك بن وه‌كی په‌رسیڤه‌كا سڤك و پیچه‌ك گه‌وری ئێشان و رێژا مرنێ و نه‌خۆشبوون ب كورونایێ ب تۆندی دێ رێژه ئێكجار كێم بیت.
٣ـ وه‌سا چاڤه‌رێ دهێته‌كرن، هه‌كه ب كومه‌ل ب كارئینانا ڤاكسینێ دبیته ئه‌گه‌رێ هندێ ڤایروسێ كورونایێ نه‌شێت ب ساناهی خوه به‌لاڤ بكه‌ت، چونكی ئه‌و كه‌سێن ڤاكسین وه‌رگرتی رێكا به‌لاڤبوونێ دگرن.
٤ـ ئه‌گه‌رێ دروستبوونا ڤایروسێ گۆهوری كێم دكه‌ت، كورونا ڤایروس ده‌مێ گوهورینه‌كێ ل جینه‌كێ خوه دكه‌ت، ئه‌گه‌ر شیا خوه ب رێژه‌كا زور به‌لاڤ بكه‌ت، ل ده‌مێ بكارئینانا ڤاكسینا ب كومه‌ل رێكا به‌لاڤبوونێ دگریت، دگه‌ل هندێ ژی ئه‌گه‌رێ دروستبوون ب كورونایا خۆ گوهوری دێ كێم بیت.
ل جهێ ڤاكسین و رێكێن خۆپارێزیێ چ چه‌كه‌كێ دی نینه بۆ به‌رهنگاربوونا ڤی ڤایروسی، ل هه‌مان ده‌مدا داخوازێ ل هاولاتیان دكه‌ین، كو به‌رده‌وام بن ل رێكێن خۆپارێزیێ و ئه‌و كه‌سێن نیشان هه‌بن هه‌تا سڤك ژی بن پێدڤیه خۆ كه‌رەنتین بكه‌ن، هه‌تا نیشان نه‌مینن، ئه‌ڤه‌ژی دێ بیته ئه‌گه‌ر كه‌س و كارێن ته پاراستی بن و رێك بهێته‌گرتن ل ڤایروسێ كورونایێ.
نيشاندان