دهۆك، ههرهین محهمهد:
شیوهكار (ئهحمهد رهسام كوردی) د دیدارهكێ دا بۆ ئهڤرۆ دیاركر كو شێوهكارێ دروست ئهوه یێ رۆژ بۆ رۆژێ گوهۆرین و داهێنانێ دكارێ خوه دا بكهت و نه راوهستیت و ههموو دهمان دههڤركیێ دا بیت، ئهڤرۆ كهڤالهكی چێكهت و سوباهی ئێكێ جوانتر و باشتر و ههر كارهكێ حهزو ئارازو ل گهل بیت مرۆڤ دێ شێت كهت و هونهرێ شێوكاری زانستهكێ مهزن و بهرفرههه و شێوهكار ب زهحمهت بزاڤێن خوه تێدا دیار دكهت.
زێدهتر گۆت: من گهلهك كهڤالێن خوه فرۆتینه و نوكه ژی ل دووف داخوازیان كاردكهم ، ئهز كهڤالان ل سهر دیواران ژی چێدكهم و دنهخشینم وهكو دیوارێن مزگهفت و قوتابخانان و گهلهك جاران ژی بێ بهرامبهر كاردكهم، راسته شێوهكاری باشنڤیسی هونهرن و مافێ هونهرمهندی یه پارهكی بهرامبهر وهبگریت دا كو وی داهاتی بكهته دناڤ هونهرێ خوه دا، ههروهسا هونهرمهند ژی پێدڤی ب پارهی ههیه پێ بژیت و من پێشانگهههكا تایبهت ژی ڤه كربوو كو ژ حهفتی َكهڤالان پێكهاتبوو و ب دههان پێشانگههێن دی یێن ههڤپشك من پشكداری كریه ل كوردستانێ و دهرڤهی وهلاتی ژی.
نيشاندان